ನವದೆಹಲಿ: ಮಾವು ಭಾರತ ಮತ್ತು ಅಮೆರಿಕಾ ನಡುವಣ ಸ್ನೇಹದ ಸಂಕೇತವಾಗಿದೆ ಮತ್ತು ದ್ವಿಪಕ್ಷೀಯ ಪಾಲುದಾರಿಕೆಯಲ್ಲಿನ ಶಕ್ತಿ, ದೃಢತೆ ಮತ್ತು ಪರಿಪಕ್ವತೆಯ ಪ್ರತಿಬಿಂಬವಾಗಿದೆ ಎಂದು ಅಮೆರಿಕಾಗೆ ಭಾರತದ ರಾಯಭಾರಿ ತರಂಜೀತ್‌ ಸಿಂಗ್‌ ಹೇಳಿದ್ದಾರೆ.
ಮಾವಿನ ಹಣ್ಣನ್ನು ಭಾರತದಲ್ಲಿ 5000 ವರ್ಷಗಳಿಂದ ಬೆಳೆಯಲಾಗುತ್ತಿದೆ ಮತ್ತು ವಿಶ್ವದ ಒಟ್ಟು ಮಾವಿನಹಣ್ಣಿನ ಶೇಕಡಾ 40 ಕ್ಕಿಂತ ಹೆಚ್ಚು ಮಾವನ್ನು ಭಾರತ ಉತ್ಪಾದಿಸುತ್ತದೆ ಎಂದು ಹೇಳಿರುವ ಅವರು, ಮಾವು ವಿಶ್ವದ ಅತ್ಯಂತ ಹಳೆಯ ಮತ್ತು ದೊಡ್ಡ ಪ್ರಜಾಪ್ರಭುತ್ವಗಳ ನಡುವಿನ ನಿಕಟ ಸಂಬಂಧವನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದರು.
“ಮಾವಿನಹಣ್ಣು ಸ್ನೇಹದ ಸಂಕೇತ. ಭಾರತ ಮತ್ತು ಅಮೆರಿಕಾ ನಡುವಿನ ಸ್ನೇಹದ ಬಲವಾದ ಬಂಧಗಳನ್ನು ನಾವು ಆಚರಿಸುತ್ತೇವೆ, ”ಎಂದು ಸಂಧು ಗುರುವಾರ ಅಮೆರಿಕಾದ ಇಂಡಿಯಾ ಹೌಸ್‌ನಲ್ಲಿ ನಡೆದ ಸ್ನೇಹಕೂಟದಲ್ಲಿ ಹೇಳಿದ್ದಾರೆ. ಅಲ್ಲಿ ಅವರು ಮ್ಯಾಂಗೊ ಲಸ್ಸಿಯಿಂದ ಹಿಡಿದು ಮಾವಿನ ಖಾದ್ಯಗಳನ್ನು ಗಣ್ಯರಿಗೆ ನೀಡಿ ಸತ್ಕರಿಸಿದರು.
ಈ ವೇಳೆ ಭಾರತೀಯ ಮಾವು ಮತ್ತು ದಾಳಿಂಬೆಗಳಿಗೆ ಯುಎಸ್‌ನಲ್ಲಿ ಮಾರುಕಟ್ಟೆ ಪ್ರವೇಶವನ್ನು ನೀಡಲು ಒಪ್ಪಿಗೆ ನೀಡಲಾಯಿತು ಮತ್ತು ಅದೇ ರೀತಿ, ಯುಎಸ್‌ನಿಂದ ಚೆರ್ರಿಗಳು ಮತ್ತು ಪೋರ್ಕ್ ಪಡೆಯಲು ಭಾರತ ಒಪ್ಪಿಕೊಂಡಿತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
