ನವದೆಹಲಿ: ಕೊರೋನಾವೈರಸ್ ಎಂಬ ಮಹಾಮಾರಿ ಇಡೀ ಜಗತ್ತನ್ನೇ ಸಂಕಷ್ಟಕ್ಕೆ ದೂಡಿದೆ. ವಿಜ್ಞಾನಿಗಳು, ವೈದ್ಯರುಗಳು ಸೇರಿದಂತೆ ಸಮಸ್ತ ಜನರು ಈ ಸೋಂಕಿನಿಂದ ಹೊರಬರುವ ಮಾರ್ಗೋಪಾಯಗಳ ಬಗ್ಗೆ ಚಿಂತನೆ ನಡೆಸುತ್ತಿದ್ದಾರೆ ಮತ್ತು ಸಂಶೋಧನೆಗಳನ್ನು ನಡೆಸುತ್ತಿದ್ದಾರೆ. ಇಂತಹ ಸಂಶೋಧನೆಗಳಲ್ಲಿ ಐಐಟಿ ದೆಹಲಿಯು ಮುಂಚೂಣಿಯಲ್ಲಿದೆ. ಇಲ್ಲಿನ ಟೆಕ್ಸ್ಟೈಲ್ ಮತ್ತು ಫೈಬರ್ ಎಂಜಿನಿಯರಿಂಗ್ ವಿಭಾಗವು ಒಂದು ಅದ್ಭುತವಾದ ಪರ್ಸನಲ್ ಪ್ರೋಟೆಕ್ಷನ್ ಇಕ್ವಿಪ್ಮೆಂಟ್ (ಪಿಪಿಇ) ಅನ್ನು ಅಭಿವೃದ್ಧಿಪಡಿಸಿದೆ ಎಂದು ವರದಿಯಾಗಿದೆ.
ಸಾಂಕ್ರಾಮಿಕ ರೋಗದ ಮುಂಚೂಣಿ ಹೋರಾಟಗಾರರಿಗೆ ಪರ್ಸನಲ್ ಪ್ರೋಟೆಕ್ಷನ್ ಇಕ್ವಿಪ್ಮೆಂಟ್ ಅತ್ಯಂತ ಅನಿವಾರ್ಯ. ಸೋಂಕು ಅವರ ದೇಹದೊಳಗೆ ತಾಗದಂತೆ ಇದು ರಕ್ಷಿಸುತ್ತದೆ. ಆದರೆ ಇಂತಹ ಪಿಪಿಇಗಳು ಧರಿಸಲು ತೀರಾ ಕಷ್ಟ. ಉಸಿರಾಟಕ್ಕೂ ಸಮಸ್ಯೆಯನ್ನು ತಂದೊಡ್ಡುತ್ತವೆ. ಇದನ್ನು ಅರಿತುಕೊಂಡೇ ಐಐಟಿ ದೆಹಲಿಯ ಸಂಶೋಧಕರು ಅಗ್ಗದ ಮತ್ತು ಉಸಿರಾಟಕ್ಕೆ ಸುಗಮವಾಗುವಂತಹ ಪಿಪಿಇ ಅನ್ನು ಅಭಿವೃದ್ಧಿಪಡಿಸಿದ್ದಾರೆ.
ಐಐಟಿ ದೆಹಲಿಯ ಟೆಕ್ಸ್ಟೈಲ್ ಮತ್ತು ಫೈಬರ್ ಎಂಜಿನಿಯರಿಂಗ್ ಇಲಾಖೆಯ ಪ್ರೊಫೆಸರ್ ಎಸ್.ಎಂ ಇಸ್ತಿಯಾಖ್, ಅವರ ವಿದ್ಯಾರ್ಥಿ ಡಾ.ಬಿಸ್ವ ರಂಜನ್ ದಾಸ್ ಈ ಪರ್ಸನಲ್ ಪ್ರೋಟೆಕ್ಷನ್ ಇಕ್ಯೂಪಮೆಂಟ್ ಅನ್ನು ಅಭಿವೃದ್ಧಿಪಡಿಸಿದ್ದಾರೆ. ಈ ಪಿಪಿಇ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ನಿರ್ದಿಷ್ಟ ಮಾನದಂಡವನ್ನು ಪೂರೈಸಿದೆ.
ಧರಿಸುವವರಿಗೆ ಆರಾಮದಾಯಕ ಎನಿಸುವಂತಹ ಈ ಪಿಪಿಇ ದೇಶಿಯ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿನ ಅತ್ಯಂತ ಸುಧಾರಿತ ಪಿಪಿಇ ಆಗಿ ಹೊರಹೊಮ್ಮಿದೆ.
ಈ ಪಿಪಿಇ 300 ಗ್ರಾಂ ತೂಕ ಇದೆ. ಪ್ರಸ್ತುತ ಇರುವ ಪಿಪಿಇಗಳು 400-500 ಗ್ರಾಂ ಇದೆ. ಲಘು ಮತ್ತು ಕಾಂಪ್ಯಾಕ್ಟ್ ಪಾಲಿಸ್ಟರ್ ಓವನ್ ಫ್ಯಾಬ್ರಿಕ್ ಇದಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
