ಇಂಡೋನೇಷ್ಯಾದ ಕುಂಪುಂಗ್ ಪೆಲಂಗಿ ಗ್ರಾಮ ಇದೀಗ ’ರೈನ್ಬೋ ವಿಲೆಜ್’ ಆಗಿ ಕಂಗೊಳಿಸುತ್ತಿದೆ. ಆ ಗ್ರಾಮದ ಬಣ್ಣ ಬಣ್ಣದ ಮನೆ, ಕಟ್ಟಡಗಳು ನೋಡುಗರನ್ನು ಇನ್ನಿಲ್ಲದ ರೀತಿ ಸೆಳೆಯುತ್ತಿದೆ. ಸಾಮಾಜಿಕ ಜಾಲ ತಾಣಗಳಲ್ಲಿ ಭಾರೀ ಸುದ್ದಿ ಮಾಡುತ್ತಿದೆ. ಪ್ರವಾಸಿ ತಾಣವಾಗಿ ಪರಿವರ್ತನೆಯಾಗಿದೆ.
ಕಳೆದ ತಿಂಗಳುಗಳವರೆಗೆ ಸಾಮಾನ್ಯ ಗ್ರಾಮವಾಗಿದ್ದ ಇದು ಸ್ಥಳಿಯ ಸಿಟಿ ಕೌನ್ಸಿಲ್‌ನಿಂದಾಗಿ ಕಾಮನನಿಲ್ಲಿನಂತೆ ಬಣ್ಣ ಬಣ್ಣದಿಂದ ಕಂಗೊಳಿಸುತ್ತಿದೆ. ಈ ಐಡಿಯಾದ ಹಿಂದೆ ಇರುವವರು 54 ವರ್ಷದ ಶಾಲಾ ಪ್ರಾಂಶುಪಾಲ ಸ್ಲಮೆಟ್ ವಿಡೊಡೊ.
ಇಲ್ಲಿನ 232 ಮನೆಗಳಿಗೆ ಹಳದಿ, ಹಸಿರು, ಕೇಸರಿ, ನೇರಳೆಯಂತಹ ಕಡು ಬಣ್ಣಗಳು ಬಲಿದು ಹೊಳೆಯುವಂತೆ ಮಾಡಲಾಗಿದೆ. ಸಿಟಿ ಕೌನ್ಸಿಲ್ ಈ ಗ್ರಾಮವನ್ನು ’ರೈನ್ಬೋ ವಿಲೇಜ್’ ಆಗಿ ಪರಿವರ್ತಿಸಲು 14 ಲಕ್ಷ ರೂಪಾಯಿಗಳನ್ನು ಮಂಜೂರು ಮಾಡಿದೆ.
ಇಲ್ಲಿಗೆ ಆಗಮಿಸುವ ಪ್ರವಾಸಿಗರು ಇದರ ಫೋಟೋ ತೆಗೆದು ಇನ್‌ಸ್ಟಾಗ್ರಾಂ, ಫೇಸ್‌ಬುಕ್ ಮುಂತಾದ ಸಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ. ಇದರಿಂದ ಈ ಗ್ರಾಮ ಇನ್ನಷ್ಟು ಪ್ರಸಿದ್ಧಿಯನ್ನು ಪಡೆಯುತ್ತಿದೆ.
ಇದೀಗ ಇಲ್ಲಿನ ಗ್ರಾಮಸ್ಥರು ಪ್ರವಾಸಿಗರಿಗೆ ಆಹಾರ, ವಸ್ತುಗಳನ್ನು ಮಾರಾಟ ಮಾಡಿ ಸಂಪಾದನೆಯನ್ನೂ ಮಾಡುತ್ತಿದ್ದಾರೆ. ಪರಿವರ್ತನೆಯ ಚಿಂತನೆ ಈ ಗ್ರಾಮದ ಚೆಲುವು ಮತ್ತು ಅದೃಷ್ಟ ಎರಡನ್ನೂ ಬದಲಿಸಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
