ದುಬೈ: ಅಮೇರಿಕಾದ ಮೇಲೆ 9/11 ಮಾದರಿ ದಾಳಿ ಸಾವಿರಾರು ಬಾರಿ ಪುನರಾವರ್ತನೆಗೊಳ್ಳಲಿದೆ ಎಂದು ಅಲ್-ಖೈದಾ ಮುಖ್ಯಸ್ಥ ಅಯ್‌ಮನ್ ಅಲ್ ಜವಾಹಿರಿ ಹೇಳಿದ್ದಾನೆ.
ಸೆಪ್ಟೆಂಬರ್ 9, 2001ರಲ್ಲಿ ಅಮೇರಿಕಾದ ಮೇಲೆ ನಡೆದ ಮಾರಣಾಂತಿಕ ದಾಳಿಯ 15ನೇ ವಾರ್ಷಿಕ ಆಚರಣೆ ವೇಳೆ ಯೂಟ್ಯೂಬ್ ವೀಡಿಯೋ ಒಂದರ ಮೂಲಕ ಈ ಬಗ್ಗೆ ಹೇಳಿದ್ದಾನೆ.
‘ನಮ್ಮ ವಿರುದ್ಧ ನಿಮ್ಮ ಅಪರಾಧಗಳು’ ಎಂಬ ವೀಡಿಯೋ ಒಂದರಲ್ಲಿ ಅಲ್ ಜವಾಹಿರಿ, ನಮ್ಮ ವಿರುದ್ಧ ಅಪರಾಧಗಳು ಮುಂದುವರೆದಲ್ಲಿ 9/11 ಮಾದರಿ ಸಾವಿರಾರು ದಾಳಿ ನಡೆಯಲಿವೆ ಎಂದು ಅಮೇರಿಕಾಕ್ಕೆ ಬೆದರಿಕೆ ಒಡ್ಡಿದ್ದಾನೆ.
ಈ ವೀಡಿಯೋದಲ್ಲಿ ಅರಬ್ ಮತ್ತು ಮುಸ್ಲಿಂ ರಾಷ್ಟ್ರಗಳ ವಿರುದ್ಧ ವಾಷಿಂಗ್ಟನ್‌ನ ನೀತಿಗಳು, ತಮ್ಮ ದೇಶದಲ್ಲಿ ಭೂಕಬಳಿಕೆ, ಅಪರಾಧ ಮತ್ತು ಭ್ರಷ್ಟ ಸರ್ಕಾರಗಳಿಗೆ ಬೆಂಬಲ ನೀಡುತ್ತಿರುವ ಬಗ್ಗೆ ಅಲ್ ಜವಾಹಿರಿ ಹೇಳಿಕೆಯನ್ನು ಉಲ್ಲೇಖಿಸಲಾಗಿದೆ.
ಸೆಪ್ಟೆಂಬರ್ 9, 2001ರಂದು ಅಮೇರಿಕಾದ 2 ಅಪಹೃತ ವಿಮಾನಗಳನ್ನು ಬಳಸಿ ವಿಶ್ವ ವಾಣಿಜ್ಯ ಕೇಂದ್ರ (ವರ್ಲ್ಡ್ ಟ್ರೇಡ್ ಸೆಂಟರ್)ದ ಅವಳಿ ಕಟ್ಟಡಗಳ ಮೇಲೆ ಅಲ್ ಖೈದಾ ದಾಳಿ ನಡೆಸಿತ್ತು. ಈ ದಾಳಿಯಲ್ಲಿ ಸುಮಾರು 2,753 ಮಂದಿ ಸಾವನ್ನಪ್ಪಿದ್ದರು.
ಈ ದಿನದಂದು ವಿಶ್ವ ವಾಣಿಜ್ಯ ಕೇಂದ್ರ ಅಲ್ಲದೇ ಪೆಂಟಗಾನ್ ಮೇಲೆ ಮತ್ತು ವಾಣಿಜ್ಯ ವಿಮಾನ ಬಳಸಿ ಗ್ರಾಮೀಣ ಪೆನ್ಸಿಲ್ವೇನಿಯಾ ಪ್ರದೇಶದಲ್ಲಿ ಮೇಲೆ ದಾಳಿ ನಡೆಸಲಾಗಿತ್ತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
