ನವದೆಹಲಿ: ಭಾರತೀಯ ರೈಲ್ವೆಯ ಉತ್ಪಾದನಾ ಘಟಕ ರೈಲ್ ಕೋಚ್ ಫ್ಯಾಕ್ಟರಿ (RCF) ಕಪುರ್ಥಾಲಾ 2020-21ರ ಆರ್ಥಿಕ ಅವಧಿಯಲ್ಲಿ ಬೋಗಿಗಳ ಉತ್ಪಾದನೆಯಲ್ಲಿ ಮತ್ತೊಂದು ದಾಖಲೆಯನ್ನು ಸೃಷ್ಟಿಸಿದೆ.
ರೈಲ್ ಕೋಚ್ ಫ್ಯಾಕ್ಟರಿ, 2020-21ರ ಅವಧಿಯಲ್ಲಿ 1500 ಕೋಚ್ಗಳನ್ನು ಉತ್ಪಾದಿಸಿದ ಅತಿದೊಡ್ಡ ಕೋಚ್ ಉತ್ಪಾದನಾ ಘಟಕವಾಗಿದೆ, ಅದರಲ್ಲಿ 1,497 ಎಲ್ಎಚ್ಬಿ ಬೋಗಿಗಳು. ಇದು 2019-20ರ ವರ್ಷದಲ್ಲಿ 1342 ಬೋಗಿಗಳನ್ನು ತಯಾರಿಸಿದೆ.
ಜರ್ಮನ್ ತಂತ್ರಜ್ಞಾನವನ್ನು ಆಧರಿಸಿದ ಆಧುನಿಕ ಎಲ್ಎಚ್ಬಿ ಬೋಗಿಗಳನ್ನು ಮೊದಲ ಬಾರಿಗೆ ಭಾರತೀಯ ರೈಲ್ವೆ ಜಾಲದಲ್ಲಿ 2000 ರಲ್ಲಿ ಪರಿಚಯಿಸಲಾಯಿತು. ಆದರೂ, ಮೊದಲ ಸ್ಥಳೀಯ ಎಲ್ಎಚ್ಬಿ ಬೋಗಿ ಅನ್ನು 2003 ರಲ್ಲಿ ರೈಲು ಜಾಲದಲ್ಲಿ ಸೇವೆಗೆ ಸೇರಿಸಲಾಯಿತು. ಸಾಂಪ್ರದಾಯಿಕ ಐಸಿಎಫ್ ರೈಲು ಬೋಗಿಗಳ ವಿನ್ಯಾಸಕ್ಕೆ ಹೋಲಿಸಿದರೆ , ಎಲ್ಎಚ್ಬಿ ಬೋಗಿಗಳು ಉತ್ತಮ, ಸುರಕ್ಷಿತ ಮತ್ತು ತಾಂತ್ರಿಕವಾಗಿ ಮುಂದುವರಿದವು ಎಂದು ಪರಿಗಣಿಸಲಾಗಿದೆ.
2020-21ರ ವರ್ಷದಲ್ಲಿ ತಯಾರಿಸಿದ 1500 ಬೋಗಿಗಳು ಕಳೆದ ಐದು ವರ್ಷಗಳಲ್ಲೇ ಅತಿ ಹೆಚ್ಚು, 1489 ಬೋಗಿಗಳನ್ನು ಕೊನೆಯದಾಗಿ 2016-17ರಲ್ಲಿ ತಯಾರಿಸಲಾಯಿತು. ಅಲ್ಲದೆ, ಕೋವಿಡ್ ಸಾಂಕ್ರಾಮಿಕದ ಕಠಿಣ ಸಮಯದಿಂದಾಗಿ ಉತ್ಪಾದನೆಯಲ್ಲಿ ಹೆಚ್ಚಳವು ಗಮನಾರ್ಹವಾಗಿದೆ.
ಮಾರ್ಚ್ ತಿಂಗಳಲ್ಲಿ ರೈಲ್ ಕೋಚ್ ಫ್ಯಾಕ್ಟರು 182 ಬೋಗಿಗಳನ್ನು ತಯಾರಿಸಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.