ಹುಬ್ಬಳ್ಳಿ: ನಗರದ ನೆಹರು ಮೈದಾನದಲ್ಲಿ ನಡೆದ ಬಹುಕುತೂಹಲ ಕೆರಳಿಸಿದ್ದ ದೇಶಿ ಆಟ ಕಬಡ್ಡಿ ಪಂದ್ಯದ ಪುರುಷರ ವಿಭಾಗದಲ್ಲಿ ವಿಜಯಬ್ಯಾಂಕ್ ಚಾಂಪಿಯನ್ ತಂಡವಾಗಿ ಹೊರಹೊಮ್ಮಿದರೆ, ಮಹಿಳೆಯರ ವಿಭಾಗದಲ್ಲಿ ಕೆಎಸ್ಪಿ ತಂಡವು ಚಾಂಪಿಯನ್ ಆಗಿ ಹೊರಹೊಮ್ಮಿದವು.
ಸೆಮಿಫೈನಲ್‌ನಲ್ಲಿ ವಿಜಯ ಬ್ಯಾಂಕ್ ಹಾಗೂ ಎಸ್ಬಿಎಂ ಬೆಂಗಳೂರು ನಡುವೆ ಹಣಾಹಣಿ ನಡೆದು, ವಿಜಯ ಬ್ಯಾಂಕ್ ತಂಡವು ಎಸ್ಬಿಎಂ ಅನ್ನು 36-24 ಅಂತರದಿಂದ ಸೋಲಿಸುವ ಮೂಲಕ ಅಂತಿಮ ಪಂದ್ಯದಲ್ಲಿ ಬಿಎಂಟಿಸಿ ತಂಡಕ್ಕೆ ಎದುರಾಳಿಯಾಯಿತು.
ಕಿಕ್ಕಿರಿದು ತುಂಬಿದ್ದ ಕ್ರೀಡಾಭಿಮಾನಿಗಳನ್ನು ರಂಜಿಸಿದ ವಿಜಯ ಬ್ಯಾಂಕ್, ಹೊನಲು ಬೆಳಕಿನ ಅಂತಿಮ ಪಂದ್ಯದಲ್ಲಿ 22-11 ಅಂಕಗಳಿಂದ ಜಯ ಸಾಧಿಸಿತು.
ಮಹಿಳೆಯರ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಕರ್ನಾಟಕ ಸ್ಟೇಟ್ ಪೊಲೀಸ್ ತಂಡವು ಬೆಂಗಳೂರು ಕೇಶವ ತಂಡದ ವಿರುದ್ಧ ಜಯಸಾಧಿಸಿತು. ಟಾಸ್ ಗೆದ್ದು ಮೈದಾನ ಆಯ್ಕೆ ಮಾಡಿಕೊಂಡ ಬೆಂಗಳೂರು ಕೇಶವ 5-17 ಅಂತರದಿಂದ ಪಂದ್ಯದ ಮೊದಲಾರ್ಧವನ್ನು ಸೋತಿತು. ದ್ವಿತೀಯಾರ್ಧದಲ್ಲಿ ತನ್ನ ಪ್ರಾಬಲ್ಯ ಮುಂದುವರಿಸಿದ ಕೆಎಸ್ಪಿಯು ನಂತರ 19-9 ಅಂತರದಿಂದ ಜಯಿಸುವ ಮೂಲಕ ಫೈನಲ್‌ನಲ್ಲಿ ತನ್ನ ಸ್ಥಾನ ಖಚಿತಪಡಿಸಿಕೊಂಡಿತ್ತು.
ಕಬಡ್ಡಿಯ ಆರಂಭದಿಂದಲೂ ಆಕ್ರಮಣಕಾರಿ ಆಟವಾಡಿದ ಕೆಎಸ್ಪಿ ತಂಡವು 29-10 ಅಂತರದಿಂದ ಫೈನಲ್‌ನಲ್ಲಿ 19 ಅಂಕಗಳ ಭರ್ಜರಿ ಜಯಸಾಧಿಸಿತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
