ನವದೆಹಲಿ: ಇಂದು ಮಾನವಕುಲಕ್ಕೆ ಐತಿಹಾಸಿಕ ದಿನವಾಗಿದೆ. ಯಾಕೆಂದರೆ ಚಂದ್ರನ ಮೇಲೆ ಮಾನವ ಹೆಜ್ಜೆ ಗುರುತನ್ನು ಇಟ್ಟಿರುವುದರ 50 ನೇ ವರ್ಷವನ್ನು ಜಗತ್ತು ಇಂದು ಆಚರಿಸುತ್ತಿದೆ. ಜುಲೈ 20 ರಂದು ಮೂವರು ಮಾನವರು ಚಂದ್ರನನ್ನು ಮುಟ್ಟಿ ಇತಿಹಾಸವನ್ನೇ ನಿರ್ಮಾಣ ಮಾಡಿದ್ದರು. ಮಾನವಕುಲದ ಈ ದೊಡ್ಡ ವಿಜಯವನ್ನು ಆಚರಿಸಲು ಗೂಗಲ್ ಡೂಡಲ್ ಇಂದು ಹೊಸ ವೀಡಿಯೊ ಡೂಡಲ್ ಅನ್ನು ರಚಿಸಿದೆ.
1969ನೇ ಇಸವಿಯಲ್ಲಿ ಅಮೆರಿಕಾದ ಮೂವರು ಗಗನ ಯಾತ್ರಿಗಳು ಅಪೊಲೋ 11 ಗಗನನೌಕೆಯಲ್ಲಿ ಚಂದ್ರಯಾನ ಕೈಗೊಂಡಿದ್ದರು. ಜುಲೈ 20ರಂದು ನೀಲ್ ಆರ್ಮ್ಸ್ಟ್ರಾಂಗ್ ಹಾಗೂ ಎಡ್ವಿನ್ ಆಲ್ಡ್ರಿನ್, ಮೈಕೆಲ್ ಕಾಲಿನ್ಸ್ ಅವರು ಮಾನವ ಇತಿಹಾಸದಲ್ಲೇ ಮೊದಲ ಬಾರಿಗೆ ಚಂದ್ರನ ಮೇಲೆ ಕಾಲಿಟ್ಟು ಇತಿಹಾಸ ನಿರ್ಮಿಸಿದರು. ಜೂನ್ 24 ರಂದು ಚಂದ್ರನಲ್ಲಿ ಮಾನವ ಸಹಿತ ಯಾನ ಮುಗಿಸಿ ಗಗನ ಯಾತ್ರಿಗಳು ಭೂಮಿಯನ್ನು ಸುರಕ್ಷಿತವಾಗಿ ತಲುಪಿದರು.
ಈ ಡೂಡಲ್ ಈ ಮಿಷನ್‌ನ ಹೊಸ ಸಂಗತಿಗಳನ್ನು ನಮಗೆ ತೋರಿಸಿದೆ. ಅದು ಇಂದಿನವರೆಗೂ ನಮಗೆ ತಿಳಿಯದ ಸಂಗತಿಯಾಗಿದೆ. ವಿಶ್ವದಾದ್ಯಂತದ ಸುಮಾರು 4,00,000 ಸಂಖ್ಯೆಯ ಜನರು ಈ ಮಿಷನ್ಗೆ ಸಹಾಯ ಮಾಡಿದ್ದಾರೆ ಎಂಬುದನ್ನು ಗೂಗಲ್ ಹೇಳಿದೆ. ಈ ಜನರಲ್ಲಿ ಹೆಚ್ಚಿನವರು ನಿರ್ಮಾಣ ಕಾರ್ಮಿಕರು, ವಿಜ್ಞಾನಿಗಳು ಮತ್ತು ಎಂಜಿನಿಯರ್‌ಗಳು. ಆ 4,00,000 ಜನರಲ್ಲಿ ಚಂದ್ರನನ್ನು ತಲುಪಿದ ಮೂವರು ಗಗನಯಾತ್ರಿಗಳಾದ – ನೀಲ್ ಆರ್ಮ್ಸ್ಟ್ರಾಂಗ್, ಎಡ್ವಿನ್ ಆಲ್ಡ್ರಿನ್ ಮತ್ತು ಮೈಕೆಲ್ ಕಾಲಿನ್ಸ್ ಕೂಡ ಸೇರಿದ್ದಾರೆ.
ಮೂವರ ಪೈಕಿ ನೀಲ್ ಆರ್ಮ್ ಸ್ಟ್ರಾಂಗ್ ಮೊದಲಿಗರಾಗಿ ಚಂದ್ರನ ಮೇಲೆ ಹೆಜ್ಜೆಯನ್ನಿಟ್ಟಿದ್ದು, ಈ ವೇಳೆ ಅವರು “ಇದು ಮಾನವನ ಒಂದು ಸಣ್ಣ ಹೆಜ್ಜೆ, ಆದರೆ ಮನುಕುಲಕ್ಕೆ ದೊಡ್ಡ ಹೆಜ್ಜೆ” ಎಂದು ಉದ್ಘರಿಸಿದ್ದರು ಎಂದು ಹೇಳಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
