“ದೇಶವು ಆತ್ಮವಿಶ್ವಾಸದಿಂದ ತುಂಬಿದೆ”-ರಷ್ಯಾದಲ್ಲಿ ಭಾರತೀಯರನ್ನುದ್ದೇಶಿಸಿ ಮೋದಿ

ನವದೆಹಲಿ: ಭಾರತವು ದಾಖಲೆಯ ವೇಗದಲ್ಲಿ ರೂಪಾಂತರಗೊಳ್ಳುತ್ತಿದೆ ಮತ್ತು ಜಗತ್ತು ಇದನ್ನು ಗಮನಿಸುತ್ತಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ರಷ್ಯಾದ ಮಾಸ್ಕೋದಲ್ಲಿ ಭಾರತೀಯ ಸಮುದಾಯ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಹೇಳಿದರು.

ದೇಶವು ಆತ್ಮವಿಶ್ವಾಸದಿಂದ ತುಂಬಿದೆ ಮತ್ತು ಕೆಲಸಗಳನ್ನು ಮಾಡುತ್ತಿದೆ ಎಂದ ಅವರು, “140 ಕೋಟಿಗೂ ಹೆಚ್ಚು ಭಾರತೀಯರು ಭಾರತದ ಈ ಪುನರುತ್ಥಾನವನ್ನು ಸಾಧ್ಯವಾಗಿಸುತ್ತಿದ್ದಾರೆ. ಅವರು ದೊಡ್ಡ ಕನಸು ಕಾಣುತ್ತಾರೆ, ಅವರು ಪ್ರತಿಜ್ಞೆ ಮಾಡುತ್ತಾರೆ ಮತ್ತು ನಂತರ ಅದನ್ನು ನೆರವೇರಿಸುತ್ತಿದ್ದಾರೆ” ಎಂದು ಅವರು ಹೇಳಿದರು.

“2014 ರ ಮೊದಲು, ನಾವು ಹತಾಶೆಯ ಕೂಪದಲ್ಲಿದ್ದೆವು, ಇಂದು, ದೇಶವು ಆತ್ಮವಿಶ್ವಾಸದಿಂದ ತುಂಬಿದೆ, ಒಂದೇ ಕಾಯಿಲೆಯಿಂದ ಬಳಲುತ್ತಿರುವ ಇಬ್ಬರು ರೋಗಿಗಳು ಒಂದೇ ಆಸ್ಪತ್ರೆಯಲ್ಲಿದ್ದಾರೆ, ಸಮರ್ಥ ವೈದ್ಯರು ಅವರಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ. ಆದರೆ ಒಬ್ಬ ರೋಗಿಯು ಆಶಾದಾಯಕವಾಗಿದ್ದರೆ ಮತ್ತು ಇನ್ನೊಬ್ಬರು ಹತಾಶೆಯಲ್ಲಿದ್ದಾರೆ, ಆಶಾದಾಯಕವಾಗಿರುವವರು ಶೀಘ್ರದಲ್ಲೇ ಚೇತರಿಸಿಕೊಳ್ಳುತ್ತಾರೆ ಎಂಬುದನ್ನು ನೀವು ನೋಡುತ್ತೀರಿ, ಅದು  ವಿಶ್ವಾಸಕ್ಕೆ ಇರುವ ಶಕ್ತಿಯಾಗಿದೆ ”ಎಂದು ಪ್ರಧಾನಿ ಹೇಳಿದರು.

“ಭಾರತದ T20 ವಿಶ್ವಕಪ್ ವಿಜಯವನ್ನು ನೀವು ಆಚರಿಸಿರಬೇಕು. ಆ ಗೆಲುವಿನ ನಿಜವಾದ ಕಥೆ ಒಂದು ದೊಡ್ಡ ಪಯಣವಾಗಿದೆ. ಇಂದಿನ ಯುವ ಭಾರತವು ಕೊನೆಯ ಎಸೆತ ಮತ್ತು ಕೊನೆಯ ಕ್ಷಣದವರೆಗೂ ಸೋಲನ್ನು ಒಪ್ಪಿಕೊಳ್ಳುವುದಿಲ್ಲ” ಎಂದರು. ಅಲ್ಲದೇ ಇತರ ಕ್ರೀಡೆಗಳಲ್ಲೂ ಭಾರತೀಯರ ಸಾಧನೆಗಳನ್ನು ಪ್ರಧಾನಿ ಶ್ಲಾಘಿಸಿದರು.