News13 ವಾಟ್ಸ್ಯಾಪ್‌ ಗ್ರೂಪ್‌ಗೆ ಸೇರಿ
Wednesday, 8th February 2023


×
Home About Us Advertise With s Contact Us

ಅತ್ಯಾಧುನಿಕ ಶಸ್ತ್ರಗಳೊಂದಿಗೆ ಚೀನಾ ಗಡಿಯಲ್ಲಿ ನಿಯೋಜಿತಗೊಂಡಿದೆ ಗರುಡ ಪಡೆ

ಬಾಗ್‌ಪತ್ : ಕಾಶ್ಮೀರ ಕಣಿವೆಯಲ್ಲಿ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆ ಮತ್ತು ವಾಯು ನೆಲೆಯ ಭದ್ರತೆಯಲ್ಲಿ ತಮ್ಮ ಸಾಮರ್ಥ್ಯವನ್ನು ಈಗಾಗಲೇ ಸಾಬೀತುಪಡಿಸಿರುವ ಭಾರತೀಯ ವಾಯುಪಡೆಯ ಗರುಡ ವಿಶೇಷ ಪಡೆಗಳು ವಿಶೇಷ ಕಾರ್ಯಾಚರಣೆಗಾಗಿ ಚೀನಾ ಗಡಿಯಲ್ಲಿ ಎತ್ತರದ ಸ್ಥಾನಗಳಲ್ಲಿ ನಿಯೋಜಿಸಲ್ಪಟ್ಟಿವೆ.

“ಗರುಡ ವಿಶೇಷ ಪಡೆಗಳನ್ನು ಪೂರ್ವ ಲಡಾಖ್‌ನಿಂದ ಸಿಕ್ಕಿಂ ಮತ್ತು ಅರುಣಾಚಲ ಪ್ರದೇಶದವರೆಗೆ ಚೀನಾ ಗಡಿಯುದ್ದಕ್ಕೂ ಮುಂಚೂಣಿಯ ಪ್ರದೇಶಗಳಲ್ಲಿ ನಿಯೋಜಿಸಲಾಗಿದೆ, ಅಲ್ಲಿ ಯಾವುದೇ ಅಗತ್ಯವಿದ್ದಲ್ಲಿ ಅವರು ವಿಶೇಷ ಕಾರ್ಯಾಚರಣೆಗಳನ್ನು ನಡೆಸುತ್ತಾರೆ” ಎಂದು ವಾಯುಸೇನಾ ಅಧಿಕಾರಿಗಳು ತಿಳಿಸಿದ್ದಾರೆ.

ಅಲ್ಲದೇ ಭಾರತೀಯ ವಾಯುಪಡೆಯು AK-103 ಜೊತೆಗೆ ಇತ್ತೀಚಿನ AK-203 ಆವೃತ್ತಿ ಮತ್ತು ಅಮೇರಿಕನ್ ಸಿಗ್ ಸೌರ್ ಅಸಾಲ್ಟ್ ರೈಫಲ್‌ಗಳಂತಹ  ಶಸ್ತ್ರಾಸ್ತ್ರಗಳನ್ನು ಸಹ ಗರುಡ ಪಡೆಗಳೊಂದಿಗೆ ಸಜ್ಜುಗೊಳಿಸಿದೆ.

ಈ ಪ್ರದೇಶದಲ್ಲಿ ಚೀನಾದ ಆಕ್ರಮಣವನ್ನು ಎದುರಿಸಲು ಭಾರತೀಯ ವಾಯುಪಡೆಯು ಆಕ್ರಮಣಕಾರಿ ರೀತಿಯಲ್ಲಿ ತನ್ನನ್ನು ನಿಯೋಜಿಸಿತಗೊಳಿಸಿದ ನಂತರ LAC ನಲ್ಲಿ ಗರುಡ ಪಡೆಗಳ ನಿಯೋಜನೆಯು 2020 ರಿಂದ ಆರಂಭವಾಗಿದೆ. ಗರುಡ ರೆಜಿಮೆಂಟಲ್ ತರಬೇತಿ ಕೇಂದ್ರದಲ್ಲಿ ವಾಯುಪಡೆಯು ತನ್ನ ಗರುಡ ಕಮಾಂಡೋಗಳಿಗೆ ಒದಗಿಸುತ್ತಿರುವ ಹೊಸ ಶಸ್ತ್ರಾಸ್ತ್ರಗಳು ಮತ್ತು ಸಲಕರಣೆಗಳನ್ನು ನೋಡಬಹುದು. ಇಸ್ರೇಲಿ ಟಾವರ್ ರೈಫಲ್‌ಗಳ ಜೊತೆಗೆ ಸಿಗ್ ಸೌರ್, ಎಕೆ-ಸರಣಿಯ ಅಸಾಲ್ಟ್ ರೈಫಲ್‌ಗಳಂತಹ ಇತ್ತೀಚಿನ ಶಸ್ತ್ರಾಸ್ತ್ರಗಳು ಮತ್ತು ಅವುಗಳ ವಿಭಿನ್ನ ರೂಪಾಂತರಗಳು ಇಲ್ಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪಡೆಗಳು ನೆಗೆವ್ ಲೈಟ್ ಮೆಷಿನ್ ಗನ್‌ಗಳನ್ನು ಹೊಂದಿದ್ದು, ಜೊತೆಗೆ ಗಲಿಲ್ ಸ್ನೈಪರ್ ರೈಫಲ್‌ಗಳನ್ನು ಹೊಂದಿವೆ. ಇದು 800-1000 ಮೀಟರ್ ವ್ಯಾಪ್ತಿಯಿಂದ ಶತ್ರು ಪಡೆಗಳನ್ನು ಹೊಡೆಯಬಲ್ಲವು. ಜಮ್ಮು ಮತ್ತು ಕಾಶ್ಮೀರದ ಪ್ರಸಿದ್ಧ ರಖ್ತ್ ಹಾಜಿನ್ ಕಾರ್ಯಾಚರಣೆಯಲ್ಲಿ ಗರುಡ ಯೋಧರು ನೆಗೆವ್ ಎಲ್ಎಂಜಿಯನ್ನು ಬಳಸಿದ್ದರು, ಈ ಕಾರ್ಯಾಚರಣೆಯಲ್ಲಿ ಗರುಡ ತಂಡವು ಐವರು ಭಯೋತ್ಪಾದಕರನ್ನು ಕೊಂದಿತು. ಇದಕ್ಕಾಗಿ ಕಾರ್ಪೋರಲ್ ಜ್ಯೋತಿ ಪ್ರಕಾಶ್ ನಿರಾಲಾ ಅವರಿಗೆ ಮರಣೋತ್ತರವಾಗಿ ಅಶೋಕ ಚಕ್ರವನ್ನು ನೀಡಲಾಯಿತು.

ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.

News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.

Recent News

Back To Top