ಶ್ರೀನಗರ: ಕಾಶ್ಮೀರದಲ್ಲಿ ಮೊದಲ ಅತ್ಯಾಧುನಿಕ ಮಲ್ಟಿಪ್ಲೆಕ್ಸ್‌ನ ನಿರ್ಮಾಣವು ಮುಕ್ತಾಯದ ಹಂತದಲ್ಲಿದ್ದು, ಮೂರು ದಶಕಗಳ ಅಂತರದ ನಂತರ ಕಾಶ್ಮೀರವು ಸಿನಿಮಾವನ್ನು ಮತ್ತೆ ಸ್ವಾಗತಿಸಲು ಸಿದ್ಧವಾಗಿದೆ. ಬೇಸಿಗೆಯ ರಾಜಧಾನಿ ಶ್ರೀನಗರದ ಗೋಲ್ಡನ್ ಏರಿಯಾದಲ್ಲಿ ನಿರ್ಮಿಸಲಾದ ಚಿತ್ರಮಂದಿರವು ಶೀಘ್ರದಲ್ಲೇ ಬಾಲಿವುಡ್ ಚಲನಚಿತ್ರಗಳಿಂದ ತುಂಬಲಿದೆ ಮತ್ತು ಸೆಪ್ಟೆಂಬರ್ ಕೊನೆಯ ವಾರದಲ್ಲಿ ಸಾರ್ವಜನಿಕರಿಗೆ ತೆರೆಯಲಿದೆ.
ಒಂದು ಕಾಲದಲ್ಲಿ ಅಲ್ಲಿ ಬ್ರಾಡ್‌ವೇ ಚಿತ್ರಮಂದಿರವನ್ನು ಹೊಂದಿದ್ದ ಮಲ್ಟಿಪ್ಲೆಕ್ಸ್ ಮಾಲೀಕರ ಪ್ರಕಾರ, ಕಾಶ್ಮೀರದಲ್ಲಿ ಚಿತ್ರರಂಗದ ಪುನರುಜ್ಜೀವನಕ್ಕೆ ಈ ಮಲ್ಟಿಫ್ಲೆಕ್ಸ್ ಮುನ್ನುಡಿ ಬರೆಯಲಿದೆ. ಇದರಿಂದ ಇಲ್ಲಿನ ಜನರು ಅದರಲ್ಲೂ ಯುವಕರು ಮನರಂಜನೆ ಪಡೆಯಬಹುದು ಎಂದಿದ್ದಾರೆ.
ಕಾಶ್ಮೀರವು ಬಾಲಿವುಡ್ ಚಿತ್ರಗಳ ಚಿತ್ರೀಕರಣದ ಸ್ವರ್ಗವಾಗಿತ್ತು. 90ರ ದಶಕದವರೆಗೆ, ಕಾಶ್ಮೀರದ ಸೌಂದರ್ಯವನ್ನು ಪ್ರದರ್ಶಿಸದ ಯಾವುದೇ ಬಾಲಿವುಡ್ ಚಿತ್ರ ಇರಲಿಲ್ಲ. ಆದರೆ ಕಾಶ್ಮೀರದಲ್ಲಿ ಉಗ್ರಗಾಮಿತ್ವ ತಲೆ ಎತ್ತಲು ಆರಂಭಿಸಿದ ಕೂಡಲೇ ಇದು ಸ್ಥಗಿತಗೊಂಡಿತ್ತು.
ಕಾಶ್ಮೀರ ಕಣಿವೆಯ ಚಲನಚಿತ್ರ ನಿರ್ಮಾಪಕರು ಮತ್ತು ಕಲಾವಿದರು ಐನಾಕ್ಸ್ ಚಿತ್ರಮಂದಿರದ ಪ್ರಾರಂಭದ ಬಗ್ಗೆ ತಮ್ಮ ಸಂತೋಷವನ್ನು ವ್ಯಕ್ತಪಡಿಸಿದ್ದಾರೆ, ಇದು ಉತ್ತಮ ಉಪಕ್ರಮವಾಗಿದ್ದು, ಕಣಿವೆಗೆ 90 ರ ಹಿಂದಿನ ವೈಭವವನ್ನು ಮರಳಿ ತರಬಹುದು ಎಂದು ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
