ಇದು ನಮ್ಮ ತಂಗುದಾಣ, ಸ್ಚಚ್ಚತೆಯೇ ನಮ್ಮ ಧ್ಯೇಯ

ಸುಬ್ರಹ್ಮಣ್ಯ : ಆದದ್ದೆಲ್ಲಾ ಒಳ್ಳೆಯದಕ್ಕೆ ಆಗಿದೆ,ಆಗುವುದು ಒಳ್ಳೆಯದೇ ಆಗುತ್ತಿದೆ, ಆಗಲಿರುವುದು ಕೂಡಾ ಒಳ್ಳೆಯದಕ್ಕೆ ಆಗಲಿದೆ., ಶೂರನಾಗು ಆದರೆ ಕಂಟಕನಾಗಬೇಡ, ದಾನಿಯಾಗು ಆದರೆ ದರಿದ್ರನಾಗನಾಗಬೇಡ. . . . . ಕೆಟ್ಟವನು ಈ ಮೇಲಿನ ನುಡಿಮುತ್ತು ಓದಿ ನಗುವನು, ಒಳ್ಳೆಯನು ಅಳವಡಿಸಿಕೊಳ್ಳುವನು. . . ಇದೆಲ್ಲಾ ಕಂಡುಬರುವುದು ಪ್ರಯಾಣಿಕರ ಬಸ್ ತಂಗುದಾಣದಲ್ಲಿ.

ಗುತ್ತಿಗಾರು ಗ್ರಾಮಪಂಚಾಯತ್ ವ್ಯಾಪ್ತಿಯ ನಾಲ್ಕೂರು ಗ್ರಾಮದ ನಡುಗಲ್ಲು ಪ್ರದೇಶದಲ್ಲಿ ಸಣ್ಣದೊಂದು ಬಸ್ ತಂಗುದಾಣ ನಿರ್ಮಾಣವಾಗಿದೆ. ಗ್ರಾಮ ಪಂಚಾಯತ್ ಅನುದಾನದಲ್ಲಿ ರಚನೆಯಾದ ಈ ತಂಗುದಾಣ, ಅತ್ಯಂತ ವಿಶಿಷ್ಟವಾಗಿ ರಚನೆ ಮಾಡಲಾಗಿದೆ,.ಬಸ್‌ಗಾಗಿ ಕಾಯುವ ವೇಳೆ ಇದರಲ್ಲಿ ಬದುಕಿಗೆ ಸ್ಫೂರ್ತಿ ನೀಡುವ ಧನಾತ್ಮಕವಾಗಿ ಯೋಚಿಸಬೇಕಾದ ಅಂಶಗಳನ್ನು ಬರೆಯಲಾಗಿದೆ.ಇದರ ಜೊತೆಗೇ ಉತ್ತಮ ವಿನ್ಯಾಸ ಕೂಡಾ ಮಾಡಲಾಗಿದೆ.ಸಾಮಾನ್ಯವಾಗಿ ಪಂಚಾಯತ್ ಅನುದಾನದಲ್ಲಿ ರಚನೆಯಾಗುವ ಬಸ್ ತಂಗುದಾಣಗಳು ಕೇವಲ ಕಟ್ಟಡವಾಗಿ ಉಳಿಯುತ್ತದೆ, ಆದರೆ ಇದು ವಿಶಿಷ್ಟವಾಗಿ ರಚನೆ ಮಾಡಲಾಗಿದೆ.ಇದಕ್ಕೆ ಸ್ಥಳೀಯ ಗ್ರಾಮ ಪಂಚಾಯತ್ ಸದಸ್ಯರ ವಿಶೇಷ ಕಾಳಜಿ ಇದೆ.ಇದರ ಜೊತೆಗೆ ಬಸ್ ತಂಗುದಾಣದ ಸ್ವಚ್ಚತೆ ಕಡೆಗೂ ಈಗಲೇ ಗಮನಹರಿಸಲಾಗಿದೆ.ಹೀಗಾಗಿ ಗಮನ ಸೆಳೆಯುತ್ತಿದೆ. ಈ ನೂತನ ಬಸ್‌ತಂಗುದಾಣವನ್ನು ತಾಪಂ ಸದಸ್ಯ ಮುಳಿಯ ಕೇಶವ ಭಟ್ ಶನಿವಾರ ಉದ್ಘಾಟಿಸಿ, ರಾಜಕೀಯ ರಹಿತವಾಗಿ ಊರಿನಲ್ಲಿ ಅಭಿವೃದ್ಧಿ ಕಾರ್ಯಗಳು ನಡೆಯಬೇಕು, ಆಗ ಮಾತ್ರಾ ಅಭಿವೃಧ್ಧಿ ಸಾಧ್ಯವಿದೆ.ಇದೊಂದು ಮಾದರಿ ಬಸ್‌ತಂಗುದಾಣವಾಗಿದೆ ಎಂದರು.

ಸಭಾಧ್ಯಕ್ಷತೆ ವಹಿಸಿದ್ದ ಗ್ರಾಪಂ ಅಧ್ಯಕ್ಷ ಅಚ್ಚುತ ಗುತ್ತಿಗಾರು ಮಾತನಾಡಿ,ಗ್ರಾಮದ ಅಭಿವೃಧ್ಧಿಯಲ್ಲಿ ಎಲ್ಲರೂ ಕೈಜೋಡಿಸಬೇಕಿದೆ.ಬಸ್ ತಂಗುದಾಣದ ವಿಚಾರದಲ್ಲೂ ಗ್ರಾಮಸ್ಥರ ಕಾಳಜಿ ಹಾಗೂ ಸದಸ್ಯರ ಆಸಕ್ತಿಯಿಂದ ವಿಶೇಷವಾಗಿ ರಚನೆಯಾಗಿದೆ ಎಂದರು.’ಈ ಸಂದರ್ಭದಲ್ಲಿ ಮರಕತ ದುರ್ಗಾಪರಮೇಶ್ವರಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಪಿ.ಆರ್.ಪದ್ಮನಾಭ, ಗ್ರಾಪಂ ಉಪಾದ್ಯಕ್ಷೆ ಸವಿತಾ ಕುಳ್ಳಂಪಾಡಿ, ಗ್ರಾಪಂ ಸದಸ್ಯ ವೆಂಕಟ್ ವಳಲಂಬೆ, ಪಿಡಿಒ ಶ್ಯಾಂ ಪ್ರಸಾದ್ ಮರ್ಕಂಜ,ವಿಜಯಕುಮಾರ್ ಚಾರ್ಮತ ಮಾತನಾಡಿದರು.

ವೇದಿಕೆಯಲ್ಲಿ ಗ್ರಾಮ ಪಂಚಾಯತ್ ಸದಸ್ಯರುಗಳಾದ ಜಯಪ್ರಕಾಶ್ ಮೊಗ್ರ,ಅಮ್ಮಣ್ಣಿ, ಭರತ್ ಕುಕ್ಕುಜೆ,ಕಿಶೋರಿ,ರತ್ನಾವತಿ, ನಡುಗಲ್ಲು ಶಾಲಾಭಿವೃಧ್ಧಿ ಸಮಿತಿ ಅಧ್ಯಕ್ಷ ಸುಬ್ರಹ್ಮಣ್ಯ ,ಗ್ರಾಪಂ ಮಾಜಿ ಸದಸ್ಯ ಗಿರಿಯಪ್ಪ ನೆಕ್ಕಿತಪುಣಿ,ಗುತ್ತಿಗೆದಾರ ಮನು ಪಂಜ ಉಪಸ್ಥಿತರಿದ್ದರು.ಗ್ರಾಪಂ ಸದಸ್ಯ ವಿಜಯಕುಮಾರ್ ಚಾರ್ಮತ ಸ್ವಾಗತಿಸಿ ಗ್ರಾಪಂ ಕಾರ್ಯದರ್ಶಿ ಸೀತಾರಾಮ ವಂದಿಸಿದರು.ಚಂದ್ರಶೇಖರ ಬಾಳುಗೋಡು ಕಾರ್ಯಕ್ರಮ ನಿರೂಪಿಸಿದರು.