ಬಾಕ್ಸಿಂಗ್‌ನಲ್ಲಿ ಬೆಳಗಾವಿಯದ್ದೇ ಪಾರಮ್ಯ

ಧಾರವಾಡ: ಈ ಹಿಂದೆ ಮಿಡಲ್ ವೇಟ್‌ನಲ್ಲಿ ಉಮಂಗ್ ಕುಮಂಗ್ ವಿರುದ್ಧ ಆಡಿ ಸೆಮಿಫೈನಲ್‌ಗೆ ಪ್ರವೇಶಿಸಿದ್ದ ಬೆಳಗಾವಿಯ ಅಶೋಕ ಕೋಹ್ಲೆ ಸೆಮಿಫೈನಲ್‌ನಲ್ಲಿ ಬೆಂಗಳೂರು ಗ್ರಾಮಾಂತರದ ಶಿವಕುಮಾರ ಅವರನ್ನು ಪರಾಜಯಗೊಳಿಸುವ ಮೂಲಕ ಫೈನಲ್‌ಗೆ ಪ್ರವೇಶಿಸಿದ್ದಾರೆ.

ಇದೇ ವಿಭಾಗದಲ್ಲಿ ಇಮೇಜ್ ಬಾಕ್ಸಿಂಗ್ ಕ್ಲಬ್‌ನ ಪುನೀತ ವಿಶ್ವು ಕೀರ್ತಿ ವಿರುದ್ಧ ಸ್ಪೋರ್ಟ್ಸ್ ಅಥಾರಿಟಿ ಆಫ್ ಕರ್ನಾಟಕದ ಜಯಪ್ರಕಾಶ ಆಡುವ ಮೂಲಕ ಜಯದ ನಗೆ ಬೀರಿ ಫೈನಲ್ ಪ್ರವೇಶಿಸಿದರು. ಇನ್ನು ಲೈಟ್ ವೇಯ್ಟ್ ವಿಭಾಗದಲ್ಲಿ ಇಮೆಜ್ ಬಾಕ್ಸಿಂಗ್ ಕ್ಲಬ್‌ನ ಕರಣ್ ವಿರುದ್ಧ ವಿಕಾಸ ರಾಣಾ ಜಯ ಗಳಿಸಿ ಫೈನಲ್ ಹಂತ ಪ್ರವೇಶಿಸಿದರು.

ವೆಲ್ಟರ್ ವೇಯ್ಟ್ ವಿಭಾಗದಲ್ಲಿ ಸ್ಪೋರ್ಟ್ಸ್ ಅಥಾರಿಟಿ ಆಫ್ ಕರ್ನಾಟಕದ ನಂದನ್ ಬಿ. ವಿರುದ್ಧ ಬೆಳಗಾವಿಯ ರೋಹನ್ ಪಾಟೆಕರ್ ಜಯ ಗಳಿಸಿದರು. ಲೈಟ್ ಹೇವಿ ವಿಭಾಗದಲ್ಲಿ ದಿನೇಶ ವಿರುದ್ಧ ಆಡಬೇಕಾಗಿದ್ದ ದರ್ಶನ್ ಎ. ಗೈರು ಇರುವ ಕಾರಣದಿಂದ ದರ್ಶನ್ ಫೈನಲ್ ಪ್ರವೇಶಿಸಿದರು. ಇದೇ ವಿಭಾಗದಲ್ಲಿ ಉಡುಪಿಯ ವಿರಾಜ್ ಮೆಂಡನ್ ವಿರುದ್ಧ ಆಡಿದ ಸ್ಪೋರ್ಟ್ಸ್ ಅಥಾರಿಟಿ ಆಫ್ ಕರ್ನಾಟಕದ ಅಜಯ ಕುಮಾರ ನಾಕೌಟ್ ಗೆಲುವು ಸಾಧಿಸಿದರು.

ಹೆವಿ ವೇಯ್ಟ್ ವಿಭಾಗದಲ್ಲಿ ಸ್ಪರ್ಧಿಸಿದ ಬೆಳಗಾವಿಯ ಅರ್ಜುನ್ ನಾಯರ್ನ ಬಿರುಸಿನ ಹೊಡೆತ ಮತ್ತು ಅನುಭವಕ್ಕೆ ರೈಲ್ವೆ ವೀಲ್ ಫ್ಯಾಕ್ಟರಿ ಬಾಕ್ಸಿಂಗ್ ಕ್ಲಬ್ನ ಮಲ್ಲಿಕಾರ್ಜುನ್ ಸರಿ ಹೋಗುವುದಿಲ್ಲ ಎಂದು ರೆಫರಿ ಹೇಳಿದರು. ಹೀಗಾಗಿ ಮೊದಲ ಸುತ್ತಿನಲ್ಲಿ ಅರ್ಜುನ್ ನಾಯರ್ ವಿಜಯಶಾಲಿ ಎಂದು ರೆಫರಿ ಘೋಷಿಸಿದರು. ಇದೇ ವಿಭಾಗದಲ್ಲಿ ಸ್ಪರ್ಧಿಸಿದ ಉಡುಪಿಯ ದೀಪಕ್ ಮೊದಲ ಸುತ್ತಿನಲ್ಲಿ ಮರಿಯಪ್ಪ ಬಾಕ್ಸಿಂಗ್ ಕ್ಲಬ್‌ನ ಅಂಕಿತ್ ದಾಸ ತಾಳಿಕೋಟ ವಿರದ್ಧ ಜಯ ಸಾಧಿಸಿ ಮುಂದಿನ ಹಂತ ಪ್ರವೇಶಿಸಿದರು.

ಸೂಪರ್ ಹೆವಿವೇಯ್ಟ್ ವಿಭಾಗದಲ್ಲಿ ರೈಲ್ವೆ ವೀಲ್ ಫ್ಯಾಕ್ಟರಿ ಬಾಕ್ಸಿಂಗ್ ಕ್ಲಬ್ನ ನಾಗರಾಜ್ ಸಿ. ವಿರುದ್ಧ ಬೆಳಗಾವಿಯ ಮೊರ್ಬಲೆ ಪ್ರವೀಣ್ ಗೆಲ್ಲುವ ಮೂಲಕ ಮುಂದಿನ ಸುತ್ತಿಗೆ ಕಾಲಿಟ್ಟರು. ಇದೆ ವಿಭಾಗದಲ್ಲಿ ಉಡುಪಿಯ ಸೌರಭ್ ಶೆಟ್ಟಿ ವಿರುದ್ಧ ಪೂನಲ್ಹ್ ಕೆ.ಎಸ್. ಜಯ ಸಾಧಿಸಿದರು.

ಇಂದು ಫೈನಲ್ ಪಂದ್ಯಗಳು ಜರುಗಲಿದ್ದು ಕ್ರೀಡಾಪ್ರೇಮಿಗಳಿಗೆ ರಸದೌತಣ ನೀಡಲಿವೆ.