ಮಂಗಳೂರು : ಜೂ.30 ರಂದು ದೈವಾಧೀನರಾದ ಮಣ್ಣಗುಡ್ಡ ವಾರ್ಡಿನ ಹಿರಿಯ ಕಾರ್ಯಕರ್ತ ಕಲ್ಯಾಣಪುರ ಮೋಹನದಾಸ ವೆಂಕಟೇಶ್ ಬಾಳಿಗಾ (ಬಾಳ್ ಮಾಮ್)ರವರಿಗೆ ವಾರ್ಡ ಬಿಜೆಪಿ ಕಾರ್ಯಕರ್ತರಿಂದ ಶ್ರದ್ಧಾಂಜಲಿ ಅರ್ಪಿಸಲಾಯಿತು.
ಅವರು ಪಕ್ಷಕ್ಕೆ ನೀಡಿದ ಕೊಡುಗೆ, ಸಾಮಾನ್ಯ ಕಾರ್ಯಕರ್ತನಾಗಿ ದುಡಿದು ಯಾವುದೇ ಫಲಾಪೇಕ್ಷೆಯಿಲ್ಲದೆ ಮಾರ್ಗದರ್ಶನ ನೀಡಿ ಹಲವು ದಶಕಗಳಿಂದ ಕಾರ್ಯ ಸಾಧನೆ ಮಾಡಿ ತುರ್ತು ಪರಿಸ್ಥಿತಿಯಲ್ಲಿ ಮೀಸಾ ಬಂಧನದಲ್ಲಿದ್ದು ಹೋರಾಟ ಪ್ರವೃತ್ತಿಯನ್ನು ಮೈಗೂಡಿಸಿಕೊಂಡಿದ್ದರು ಎಂದು ಸತೀಶ್ ಪ್ರಭುರವರು ತಿಳಿಸಿದರು.
ಕಾರ್ಯಕರ್ತರಾದ ಶ್ರೀ ಎಮ್.ಪುರುಷೋತ್ತಮ ಪ್ರಭುರವರು ತನ್ನ ಮಾತಿನಲ್ಲಿ ಬಾಳ್ ಮಾಮ್‌ರವರು ನಡೆದ ಆದರ್ಶವನ್ನು ನಾವು ಮುನ್ನಡೆಸಿದರೆ ಅದುವೇ ಅವರಿಗೆ ನೀಡುವ ಶ್ರದ್ಧಾಂಜಲಿ ಎಂದು ಹೇಳಿದರು.
ಬಜೆಪಿ ಮಣ್ಣಗುಡ್ಡ ವಾರ್ಡ್ ಅಧ್ಯಕ್ಷ ಬಿ.ಮೋಹನ ಆಚಾರ್ಯ, ಮಂಗಳೂರು ನಗರ ದಕ್ಷಿಣ ಭಾ.ಜ.ಪಾ. ಪ್ರಧಾನ ಕಾರ್ಯದರ್ಶಿ ವೇದವ್ಯಾಸ ಕಾಮತ್, ದ.ಕ.ಜಿಲ್ಲಾ ಭಾ.ಜ.ಪಾ.ದ ವಕ್ತಾರರಾದ ಶ್ರೀ ಸತೀಶ್ ಪ್ರಭು, ಮ.ನ.ಪಾ. ಸದಸ್ಯೆ ಜಯಂತಿ ಆಚಾರ್, ವೆಂಕಟೇಶ್ ಆಚಾರ್, ಅನಂತ ಕಾಮತ್, ಗುರುಚರಣ್, ಹರೀಶ್ ಆಚಾರ್, ವಿಶ್ವಾಸ ಪ್ರಭು, ವಾಮನ್ ಶೆಣೈ, ಮಹೇಶ್ ಕುಂದರ್ ಮುಂತಾದವರು ಉಪಸ್ಥಿತರಿದ್ದರು. ಪ್ರಧಾನ ಕಾರ್ಯದರ್ಶಿ ಶ್ರೀ ವಸಂತ ಶೇಟ್‌ರವರು ಧನ್ಯವಾದ ಅರ್ಪಣೆ ಮಾಡಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
