ಮಂಗಳೂರು: ಮಣಿಪಾಲದಲ್ಲಿ ಉನ್ನತ ವ್ಯಾಸಂಗ ಮಾಡುತ್ತಿರುವ ತನ್ನ ಮಗಳನ್ನು ನೋಡಲು ‘ಮಗಳನ್ನು ರಕ್ಷಿಸಿ, ಮಗಳನ್ನು ಓದಿಸಿ’ ಎಂಬ ಸಂದೇಶವನ್ನು ಸಾರುತ್ತಾ ತಂದೆಯೊಬ್ಬರು 1,800 ಕಿಮೀ ಬೈಕ್ ಸವಾರಿ ಮಾಡಿದ್ದಾರೆ.
ವೃತ್ತಿಯಲ್ಲಿ ಷೇರ್ ಸಬ್ ಬ್ರೋಕರ್ ಆಗಿರುವ 52 ವರ್ಷದ ಸಜಲ್ ಸೇತ್ ಮಾ.28ರಿಂದ ಕಟಕ್ ನಿಂದ ತಮ್ಮ ಬೈಕ್ ಮೂಲಕ ಹೊರಟು ಮೂರು ದಿನಗಳಲ್ಲಿ ಮಣಿಪಾಲವನ್ನು ತಲುಪಿದ್ದಾರೆ. ದಿನಕ್ಕೆ 600 ಕಿಮೀಯಂತೆ ಒಟ್ಟು 1800 ಕಿಮೀ ಪ್ರಯಾಣಿಸಿದ್ದಾರೆ.
ಮಗಳನ್ನು ಕಾಣಲು ಬಂದ ಅವರು ತಮ್ಮ ಪ್ರಯಾಣದುದ್ದಕ್ಕೂ ಹೆಣ್ಣು ಮಕ್ಕಳ ರಕ್ಷಣೆ, ಶಿಕ್ಷಣದ ಬಗ್ಗೆ ಜಾಗೃತಿ ಮೂಡಿಸುತ್ತಾ ಬಂದಿದ್ದಾರೆ. ಈ ಬಗೆಗಿನ ಧ್ವಜವನ್ನೂ ಬೈಕ್ನಲ್ಲಿ ಅಳವಡಿಸಿದ್ದರು. ಶಿಕ್ಷಿಕತಳಾದ ಹೆಣ್ಣು ಎಷ್ಟೇ ಕಷ್ಟವಾದರೂ ಬದುಕನ್ನು ಸಮರ್ಥವಾಗಿ ನಿಭಾಯಿಸುತ್ತಾಳೆ ಎಂಬುದು ಅವರ ದೃಢ ನಂಬಿಕೆ.
ಬೈಕರ್ ಆಗಿರುವ ಅವರು 2013ರಲ್ಲಿ ತಮ್ಮ ಕಿರಿಯ ಮಗಳನ್ನು ಕಾಣಲು 3,863 ಕಿಮೀ ದೂರ ಬೈಕ್ ಸವಾರಿ ಮಾಡಿದ್ದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.