ಮಾತೃಭಾಷೆ ಕಲಿಕೆಯ ಸಾಧನೆಗೆ ಪೂರಕ-ಪಿ.ಸಿ ಶ್ರೀನಿವಾಸ ಗೌಡ

ಸುಳ್ಯ : ನಿಜವಾದ ಶಿಕ್ಷಣದ ಅರ್ಥವೇನು?ಎಂಬುದನ್ನು ಈ ಶಿಕ್ಷಣ ಸಂಸ್ಥೆಯಲ್ಲಿ ಕಂಡುಕೊಂಡೆ. ನಮ್ಮಲ್ಲಿಯಾವುದೇ ಕೀಳರಿಮೆ ಬೇಡ. ಸಾಧನೆಗೆ ಆತ್ಮವಿಶ್ವಾಸ ಅಗತ್ಯ. ಈಗಿನ ಕಾಲದಲ್ಲಿಇಂಗ್ಲಿಷ್ ನ ವ್ಯಾಮೋಹ ಹೆಚ್ಚಾಗಿದೆ. ಆದರೆ ಕನ್ನಡ ಮಾಧ್ಯಮದಲ್ಲಿ ಕಲಿತು ಉತ್ತಮ ಸಾಧನೆ ಮಾಡಿದ ಅನೇಕ ಮಹನೀಯರನ್ನು ನೆನಪಿಸಿ, ನೀವು ಕನ್ನಡ ಮಾಧ್ಯಮದಲ್ಲಿ ಕಲಿತು ಸಾಧನೆ ಮಾಡಿದ್ದೀರಿ. ಅದಕ್ಕೆ ಪೂರಕವಾದ ವಾತಾವರಣ ಈ ಶಾಲೆಯಲ್ಲಿದೆ ಎಂದು ರಾಷ್ಟ್ರಪತಿ ಭವನದ ಒಳವರ್ತುಲ ಅಧಿಕಾರಿಗಳಾದ ಪಿ.ಸಿ.ಶ್ರೀನಿವಾಸ ಗೌಡರವರು ಹೇಳಿದರು.

ಇವರು ಸ್ನೇಹ ಶಿಕ್ಷಣ ಸಂಸ್ಥೆಯಲ್ಲಿ ಜೂ.2 ರಂದು 2014-15 ನೇ ಸಾಲಿನ ಸಾಧಕರನ್ನು ಸನ್ಮಾನಿಸಿ ಮಾತಾನಾಡಿದರು. ಈ ವರ್ಷ ಹತ್ತನೆಯ ಎಲ್ಲರೂ ಪ್ರಥಮ ಶ್ರೇಣಿಯಲ್ಲಿತೇರ್ಗಡೆಯಾದ ಸಂಭ್ರಮದಲ್ಲಿ ಪ್ರತಿ ವಿದ್ಯಾರ್ಥಿಯನ್ನು ಶಾಲು ಹೊದಿಸಿ ಸನ್ಮಾನಿಸಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಸಂಸ್ಥೆಯ ಅಧ್ಯಕ್ಷರಾದ ಡಾ.ಚಂದ್ರಶೇಖರದಾಮ್ಲೆಯವರು ಮಾತನಾಡಿ ಶಿಕ್ಷಣವೆಂಬುದು ಒಂದು ಪ್ರಕ್ರಿಯೆ ಅದರ ಬೆಳವಣಿಗೆ ಹೆಚ್ಚು ಹೆಚ್ಚು ಪುಸ್ತಕಗಳ ಅಧ್ಯಯನ ಅಗತ್ಯವೆಂದರು. ವೇದಿಕೆಯಲ್ಲಿ ಸಂಸ್ಥೆಯ ಮುಖ್ಯೋಪಾಧ್ಯಾಯಿನಿಯವರು ಉಪಸ್ಥಿತರಿದ್ದು ಎಲ್ಲರಿಗೂ ಶುಭ ಹಾರೈಸಿದರು.

ವಿದ್ಯಾರ್ಥಿಗಳ ಪೋಷಕರಾದ ಶ್ರೀಮತಿ ಸವಿತಾ, ಪುರುಷೋತ್ತಮ ಅಳಿಕೆಮಜಲು, ಈಶ್ವರ ಭಟ್, ಈಶ್ವರಕುಮಾರ್ ಭಟ್ ಹಾಗೂ ವಿದ್ಯಾರ್ಥಿ ಸುರಕ್ಷಾ ಸಮಿತಿ ಪದಾಧಿಕಾರಿಗಳಾದ ಶ್ರೀಮತಿ ವಿದ್ಯಾ ಶ್ರೀಕೃಷ್ಣ ಭಟ್ ತಮ್ಮ ಅನಿಸಿಕೆ ವ್ಯಕ್ತ ಪಡಿಸಿದರು. ವಿದ್ಯಾರ್ಥಿಗಳಾದ ಆದೇಶ.ಯಂ, ಅನನ್ಯಾ .ಟಿ, ಮಾನಸ .ಪಿ, ಪ್ರತೀಕಾ.ಎ.ಪಿ ತಮ್ಮ ಅನಿಸಿಕೆ ವ್ಯಕ್ತ ಪಡಿಸಿದರು. ಕು.ಅನನ್ಯಾ ಟಿ ಶಾಲೆಗೆ ನೆನಪಿನ ಕಾಣಿಕೆಯಾಗಿ ಕಪಾಟನ್ನು ಈ ಸಂದರ್ಭದಲ್ಲಿ ನೀಡಿದಳು. ಸಂಸ್ಥೆಯ ವಿದ್ಯಾರ್ಥಿನಿಯರು ಪ್ರಾರ್ಥಿಸಿದರು. ಸಂಸ್ಥೆಯ ಸಂಚಾಲಕರಾದ ಡಾ.ವಿದ್ಯಾ ಶಾಂಭವ ಪಾರೆ ಸ್ವಾಗತಿಸಿ ಶಿಕ್ಷಕಿ ಶ್ರೀಮತಿ ಜಯಭಾರತಿ ವಂದಿಸಿದರು. ಶಿಕ್ಷಕಿ ಶ್ರೀಮತಿ ಜಯಲಕ್ಷ್ಮೀ ಕಾರ್ಯಕ್ರಮ ನಿರೂಪಿಸಿದರು.