ಧಾರವಾಡ: ರಾಜ್ಯ ಒಲಿಂಪಿಕ್ ಕ್ರೀಡಾಕೂಟದ ಹಾಕಿ ಪಂದ್ಯದ 5 ನೇ ದಿನವಾದ ಇಂದು ಅಂತಿಮ ಮಹಿಳಾ ಹಾಕಿ ಲೀಗ್ ಪಂದ್ಯವು ಡಿ.ವೈ.ಇ.ಎಸ್ ಮೈಸೂರು ಹಾಗೂ ಬೆಳಗಾವಿ ಮಹಿಳಾ ತಂಡಗಳು ಮುಖಾಮುಖಿಯಾದವು.
ಡಿ.ವೈ.ಇ.ಎಸ್ ಮೈಸೂರು ತಂಡವು ಬೆಳಗಾವಿ ತಂಡವನ್ನು 13-0 ಗೋಲುಗಳ ಅಂತರದಿಂದ ಮಣಿಸಿ ಪೈನಲ್ಗೆ ಲಗ್ಗೆ ಇಟ್ಟಿತು.
ಡಿ.ವೈ.ಇ.ಎಸ್ ಮೈಸೂರು ತಂಡದ ಪರ ರಶ್ಮಿ-4 ಗೋಲು(2, 3, 15 ಹಾಗೂ 16 ನೇ.ನಿ) ಕೃತಿಕಾ-1 (10ನೇ .ನಿ), ನಿಹಾ-2 (12 , 38 ನೇ .ನಿ), ತನುಶ್ರೀ-1 (20ನೇ ನಿ.), ರಮ್ಯಾ-3 (19, 39, 44 ನೇ, ನಿ), ಭವ್ಯಾ ಎಸ್.ಪಿ-1(46 ನೇ,ನಿ), ರುಕ್ಮಿಣಿ-1 (13ನೇ, ನಿ) ತಂಡದ ಜಯಕ್ಕೆ ಕಾರಣರಾದರು. ಬೆಳಗಾವಿ ತಂಡವು ಯಾವುದೇ ಗೋಲುಗಳಿಸದೇ ಸೋಲೊಪ್ಪಿಕೊಂಡಿತು. ಈ ಗೆಲುವಿನೊಂದಿಗೆ ಡಿ.ವೈ.ಇ.ಎಸ್ ಮೈಸೂರು ತಂಡವು ನಾಳೆ ನಡೆಯುವ ಫೈನಲ್ ಪಂದ್ಯದಲ್ಲಿ ಬಳ್ಳಾರಿ ತಂಡವನ್ನು ಎದುರಿಸಲಿದೆ.
ನಂತರ ನಡೆದ 2ನೇ ಪಂದ್ಯದಲ್ಲಿ ಬಳ್ಳಾರಿ ತಂಡವು ಆತಿಥೇಯ ಹುಬ್ಬಳ್ಳಿ-ಧಾರವಾಡ ತಂಡವನ್ನು 4-1 ಗೋಲುಗಳ ಅಂತರದಿಂದ ಸೋಲಿಸುವ ಮೂಲಕ ಜಯ ಕಂಡಿತು. ಬಳ್ಳಾರಿ ತಂಡದ ಪರ ನಿಕಿತಾ-2 (5 , 6ನೇ ನಿ), ವಿಜಯಲಕ್ಷ್ಮೀ-1 (8 ನೇ.ನಿ), ಸಾಯೀದಾ-1 (2ನೇ ನಿ), ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಆತಿಥೇಯ ತಂಡ ಒಂದೇ ಒಂದು ಗೋಲನ್ನು ಗಳಿಸಿ ಸೋತಿತು. ಹುಬ್ಬಳ್ಳಿ-ಧಾರವಾಡ ತಂಡದ ಪರ ಐಶ್ವರ್ಯ-1 (22 ನೇ. ನಿ) ಗಳಿಸಿದರು. ಬಳ್ಳಾರಿ ಈ ಜಯದೊಂದಿಗೆ ಪೈನಲ್ ಪ್ರವೇಶಿಸಿತು.
ಪುರುಷರ ಹಾಕಿ ವರದಿ:
ಪೈನಲ್ಗೆ ಲಗ್ಗೆ ಇಟ್ಟ ಕೂರ್ಗ(ಕೊಡಗು) ಹಾಗೂ ಆರ್.ಡಬ್ಲು.ಎಫ್ ಬೆಂಗಳೂರು ಪುರುಷರ ಹಾಕಿ ತಂಡ ಇಂದು ನಡೆದ ಪುರುಷರ ಮೊದಲನೇ ಹಾಕಿ ಸೆಮಿಪೈನಲ್ ಪಂದ್ಯದಲ್ಲಿ ಆರ್.ಡಬ್ಲು.ಎಫ್ ತಂಡವು ಆತಿಥೇಯ ಹುಬ್ಬಳ್ಳಿ-ಧಾರವಾಡ ತಂಡವನ್ನು 6-4 ಗೋಲುಗಳಿಂದ ಮಣಿಸಿತು. ಆರ್.ಡಬ್ಲು.ಎಫ್ ತಂಡವು ಪಂದ್ಯದ ಪ್ರಥಮಾರ್ಧದಲ್ಲಿ ತಂಡದ ಕುಶಾ-2 (26, 31ನೇ. ನಿ) ಗೋಲುಗಳಿಸುವ ಮೂಲಕ 2-0 ದಿಂದ ಮುನ್ನಡೆ ಸಾಧಿಸಿತು. ಈ ಸಮಯದಲ್ಲಿ ಆತಿಥೇಯ ತಂಡ ಯಾವುದೇ ಗೋಲುಗಳಿಸದೆ ವಿಫಲವಾಯಿತು.
ದ್ವೀತಿಯಾರ್ಧದಲ್ಲಿ ಆತಿಥೇಯ ತಂಡ ಎರಡು ಮಹತ್ವದ ಗೋಲುಗಳಿಸುವ ಮೂಲಕ ಪಂದ್ಯವನ್ನು ಡ್ರಾ ಮಾಡಿಕೊಂಡಿತು. ಈ ಸಮಯದಲ್ಲಿ ತಂಡದ ಪರ ವಿನಾಯಕ-1 (40ನೇ.ನಿ), ಮಂಜುನಾಥ-1 (64ನೇ ನಿ.)ಗೋಲು ಗಳಿಸಿದರು.
ಪಂದ್ಯವು ಡ್ರಾ ಗೊಂಡ ನಂತರ ಎರಡು ತಂಡಗಳಿಗೆ ಪೆನಾಲ್ಟಿ ಶೂಟೌಟ್ ಗೆ ಅವಕಾಶ ನೀಡಲಾಯಿತು. ಆರ್.ಡಬ್ಲು.ಎಫ್ ತಂಡವು 4 ಗೋಲುಗಳನ್ನು ಗಳಿಸುವ ಮೂಲಕ ಫೈನಲ್ ಗೆ ಪ್ರವೇಶಿಸಿತು. ತಂಡದ ಪರ ಉಮೇಶ-1, ಕುಶಾ-1, ಚಂಗಪ್ಪ-1, ಬಿಜು-1 ಗೋಲು ಗಳಿಸಿದರು.
ಹುಬ್ಬಳ್ಳಿ-ಧಾರವಾಡ ತಂಡವು ಪೆನಾಲ್ಟಿ ಶೂಟೌಟ್ ನಲ್ಲಿ ಕೇವಲ 2 ಗೋಲು ಗಳಿಸುವ ಮೂಲಕ ಸುಲಭವಾಗಿ ಶರಣಾಯಿತು. ತಂಡದ ಪರ ಶ್ರೀಶೈಲ-1, ಸಚಿನ್-1 ಗಳಿಸಿದರು. ಇದರಿಂದಾಗಿ ತನ್ನ 3ನೇ ಸ್ಥಾನಕ್ಕಾಗಿ ನಾಳೆ ಸಾಯಿ ಸೌಥ್ ಬೆಂಗಳೂರು ತಂಡದ ವಿರುದ್ದ ಹೋರಾಡಲಿದೆ.
2ನೇ ಸೆಮಿ ಪೈನಲ್ ಪಂದ್ಯದಲ್ಲಿ ಕೂರ್ಗ(ಕೊಡಗು) ತಂಡವು ಸಾಯಿ ಸೌಥ್ ಬೆಂಗಳೂರು ತಂಡವನ್ನು 2-1 ಗೋಲುಗಳ ಅಂತರದಿಂದ ರೋಚಕ ಜಯದೊಂದಿಗೆ ಪೈನಲ್ ಪ್ರವೇಶಿಸಿತು.
ಕೂರ್ಗ ತಂಡದ ಪರ ಕುಂಜಪ್ಪ-1 (31ನೇ.ನಿ), ಭರತ-1 (67ನೇ. ನಿ)ಗಳಿಸಿದರು. ಸಾಯಿ ಸೌಥ್ ಪರ ಪೃಥ್ವಿ-1 (53ನೇ, ನಿ)ಗಳಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
