ರಾಯ್ಪುರ : ಮದ್ಯಪಾನ ಮುಂತಾದ ಸಾಮಾಜಿಕ ಅನಿಷ್ಟಗಳ ವಿರುದ್ಧ ದಶಕಗಳಿಂದ ಹೋರಾಟ ನಡೆಸುತ್ತಲೇ ಬಂದಿರುವ ಛತ್ತೀಸ್ಗಢದ ‘ಮಹಿಳಾ ಕಮಾಂಡೋಸ್’ ಎಂಬ ಮಹಿಳಾ ಬ್ರಿಗೇಡ್ ಒಂದು ಶೀಘ್ರದಲ್ಲೇ ಸೂಪರ್ ಪೊಲೀಸ್ ಆಫೀಸರ್ಸ್ ಎಂಬ ಮಾನ್ಯತೆಯನ್ನು ಪಡೆದುಕೊಳ್ಳಲಿದೆ.
ಛತ್ತೀಸ್ಗಢದ ಬಲೋಡ್ ಜಿಲ್ಲೆಯ ಸ್ವಯಂಸೇವಾ ಸಂಸ್ಥೆಯೊಂದು ಈ ಕಮಾಂಡೋ ಬ್ರಿಗೇಡ್ನ್ನು ಸ್ಥಾಪನೆ ಮಾಡಿತ್ತು. ಇದೀಗ ಬರೋಡ್ನ ಪೊಲೀಸ್ ಮಹಾನಿರ್ದೇಶಕ ಆರೀಫ್ ಶೇಖ್ ಹುಸೇನ್ ಅವರು ಈ ಕಮಾಂಡೋಗಳಿಗೆ ಹೊಸ ಆಯಾಮ ನೀಡಿದ್ದಾರೆ.
ಇದರಲ್ಲಿ 100 ಮಹಿಳೆಯರನ್ನು ಈಗಾಗಲೇ ಸೂಪರ್ ಕಾಪ್ಸ್ಗಳಾಗಿ ಮಾಡಲಾಗಿದೆ. ಇವರಿಗೆ ಮೆರೂನ್ ಸೀರೆ, ಬ್ಯಾಟನ್, ಕ್ಯಾಪ್ಗಳನ್ನು ಸಮವಸ್ತ್ರವಾಗಿ ನೀಡಲಾಗಿದೆ. ಇದೀಗ ರಾಜ್ಯಾದ್ಯಂತ ಒಟ್ಟು 1000 ಇಂತಹ ಕಮಾಂಡೋಗಳನ್ನು ನಿಯೋಜನೆ ಮಾಡುವಂತೆ ಪ್ರಸ್ತಾವನೆಯನ್ನು ಸಲ್ಲಿಕೆ ಮಾಡಲಾಗಿದೆ.
ಸಂಶಾದ್ ಬೇಗಂ ಎಂಬ ಸಮಾಜಸೇವಕಿ 2006 ರಲ್ಲಿ ಈ ಕಮಾಂಡೋ ಮಹಿಳಾ ಬ್ರಿಗೇಡ್ನ್ನು ಸ್ಥಾಪನೆ ಮಾಡಿದ್ದರು. ‘ಮುಂದಿನ ಪೀಳಿಗೆಯನ್ನು ಮದ್ಯಮುಕ್ತಗೊಳಿಸಿ’ ಎಂಬುದು ಇದರ ಧ್ಯೇಯವಾಕ್ಯವಾಗಿತ್ತು. ಸುಮಾರು ೩೦೦ ಗ್ರಾಮಗಳಲ್ಲಿ ಮಹಿಳಾ ಕಮಾಂಡೋಗಳು ಸಕ್ರಿಯರಾಗಿದ್ದಾರೆ.
ಅಕ್ರಮ ಮದ್ಯಸಾಗಾಣೆ, ಮದ್ಯ ತಯಾರಿಕೆಯನ್ನು ತಡೆಯುವ ಸಲುವಾಗಿ ತಡರಾತ್ರಿಯವರೆಗೂ ಈ ಮಹಿಳಾ ಕಮಾಂಡೋಗಳು ಕೈಯಲ್ಲಿ ಟಾರ್ಚ್ ಮತ್ತು ದೊಣ್ಣೆ ಹಿಡಿದು ಕಾವಲು ಕಾಯುತ್ತಾರೆ. ಕುಡುಕರಿಗೆ ಕುಡಿತ ಬಿಡುವಂತೆ ತಿಳಿ ಹೇಳುವ ಕಾರ್ಯ ಮಾಡುತ್ತಾರೆ. ಕೆಲವೊಂದು ಸನ್ನಿವೇಶಗಳನ್ನು ನಿಭಾಯಿಸಲು ಪೊಲೀಸರ ಮತ್ತು ಸರ್ಪಂಚ್ಗಳ ಸಹಾಯ ಪಡೆಯುತ್ತಾರೆ.
ಕಾನೂನನ್ನು ಕೈಗೆ ತೆಗೆದುಕೊಳ್ಳಬಾರದು ಎಂಬ ನಿಯಮವನ್ನು ಇವರು ಪಾಲಿಸುತ್ತಿದ್ದಾರೆ. ವರದಕ್ಷಿಣೆ ಬಗ್ಗೆ ಅರಿವು ಮೂಡಿಸುತ್ತಾರೆ. ಸರ್ಕಾರಿ ಯೋಜನೆಗಳ ಬಗ್ಗೆ ಮಾಹಿತಿ ನೀಡುತ್ತಾರೆ. ಶಾಂತಿ ಮತ್ತು ಸೌಹಾರ್ದತೆಯ ಸಂದೇಶವನ್ನು ಪಸರಿಸುತ್ತಾರೆ.
ಇವರ ಈ ಶ್ಲಾಘನೀಯ ಕಾರ್ಯವನ್ನು ಪರಿಗಣಿಸಿ ಇವರಿಗೆ ಇದೀಗ ಸೂಪರ್ ಕಾಪ್ಸ್ ಮಾನ್ಯತೆ ಸಿಗುತ್ತಿದೆ. ನಿಜಕ್ಕೂ ಇದೊಂದು ಪರಿಣಾಮಕಾರಿ ಬೆಳವಣಿಗೆಯಾಗಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.