ಉಡುಪಿ ಶ್ರೀಕೃಷ್ಣ ಮಠ ದುಶ್ಚಟ ನಿವಾರಣಾ ಹುಂಡಿ ಉದ್ಘಾಟನೆ

ಉಡುಪಿ: ದುಶ್ಚಟದಿಂದ ಮುಕ್ತಿ ಹೊಂದುವವರಿಗೆ ಶ್ರೀಕೃಷ್ಣ ಮಠದಲ್ಲಿ ದುಶ್ಚಟ ನಿವಾರಣಾ ಹುಂಡಿಯನ್ನು ಸ್ಥಾಪಿಸಲಾಗಿದೆ.ದುಶ್ಚಟಮುಕ್ತ ಸಮಾಜ ನಿರ್ಮಾಣವಾಗಬೇಕೆಂಬ ಉದ್ದೇಶದಿಂದ ಯೋಜನೆಯನ್ನು ಆರಂಭಿಸಲಾಗಿದೆ ಎಂದು ಹುಂಡಿಯನ್ನು ಬುಧವಾರ ಹನುಮಜ್ಜಯಂತಿ ಉತ್ಸವದ ಆರಂಭದ ದಿನ ಉದ್ಘಾಟಿಸಿದ ಪರ್ಯಾಯ ಶ್ರೀ ಪೇಜಾವರ ಮಠದ ಶ್ರೀ ವಿಶ್ವೇಶತೀರ್ಥ ಶ್ರೀಪಾದರು ನುಡಿದರು.

ರಾಮಾಯಣದಲ್ಲಿ ರಾಮ ಮತ್ತು ಹನುಮಂತ ಇಬ್ಬರು ಪರಿಪೂರ್ಣ ಆದರ್ಶ ಪುರುಷರು ಕಂಡುಬರುತ್ತಾರೆ. ರಾಮ ಜಗತ್ಪತಿ, ಹನುಮಂತ ಜಗದ್ಗುರುವಾದ ವಾಯುದೇವರು, ಸೀತೆ ಜಗನ್ಮಾತೆ. ಹನುಮಂತನ ಸ್ಮರಣೆಯಿಂದ ಬುದ್ಧಿಮತ್ತೆ, ಯಶಸ್ಸು, ಧೈರ್ಯ, ಇತ್ಯಾದಿ ಸದ್ಗುಣಗಳು ಬರುತ್ತವೆ. ಈ ಹಿನ್ನೆಲೆಯಲ್ಲಿ ಶ್ರೀಕೃಷ್ಣ ಮತ್ತು ಮುಖ್ಯಪ್ರಾಣನ ಕ್ಷೇತ್ರವಾದ ಶ್ರೀಕೃಷ್ಣ ಮಠದಲ್ಲಿ ಇಂದು ದುಶ್ಚಟ ಮುಕ್ತಿ ನಿವಾರಣಾ ಹುಂಡಿಯನ್ನು ಆರಂಭಿಸಿದ್ದೇವೆ. ದುಶ್ಚಟ ಬಿಟ್ಟವರಿಂದ ದೊಡ್ಡ ಕ್ರಾಂತಿ ಸಮಾಜಧಿದಲ್ಲಿ ಸಾಧ್ಯವಾಗುತ್ತದೆ ಎಂದರು.ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದರು ಉಪಸ್ಥಿತರಿದ್ದರು. ಪೆರಂಪಳ್ಳಿ ವಾಸುದೇವ ಭಟ್‌ ಕಾರ್ಯಕ್ರಮ ನಿರ್ವಹಿಸಿದರು.

ದುಶ್ಚಟ ಮುಕ್ತಿ ಮಾರ್ಗ… : ಶ್ರೀಕೃಷ್ಣ ಮಠದಲ್ಲಿ  ದುಶ್ಚಟ ಮುಕ್ತಿ ಸಂಕಲ್ಪದ ಹುಂಡಿಯನ್ನು  ಇರಿಸಲಾಗಿದ್ದು ವಿವಿಧ ರೀತಿಯ ದುಶ್ಚಟಗಳನ್ನು ಬಿಡುವುದಾಗಿ ಸಂಕಲ್ಪಿಸಿ ಹುಂಡಿಧಿಯೊಳಗೆ ಹಾಕಬಹುದು. ಇದಕ್ಕಾಗಿ ಅರ್ಜಿಯನ್ನು ಮುದ್ರಿಸಿಡಲಾಗಿದೆ. ವಿವಿಧ ರೀತಿಯ ದುಶ್ಚಟಗಳನ್ನು ಅರ್ಜಿಯಲ್ಲಿ ಬರೆಯಲಾಗಿದೆ. ಈ ಪಟ್ಟಿಯ ಹೊರತಾಗಿರುವ ದುಶ್ಚಟಗಳನ್ನೂ ಬಿಡಬಹುದು. ಅರ್ಜಿಯಲ್ಲಿ ಹೆಸರು ಬರೆಯಲೇಬೇಕೆಂದಿಲ್ಲ. ಹೆಸರು ಬರೆಯದೆಯೂ ಶ್ರೀಕೃಷ್ಣ ಮುಖ್ಯಪ್ರಾಣನ ಸನ್ನಿಧಿಯಲ್ಲಿ ದುಶ್ಚಟ ಮುಕ್ತಿ ಹೊಂದುವ ಸಂಕಲ್ಪ ಮಾಡಬಹುದು.