ಮುಂಬಯಿ: ಜಗತ್ತಿನಾದ್ಯಂತ ಕ್ರಿಕೆಟ್ ಪ್ರೇಮಿಗಳ ಬಹುನಿರೀಕ್ಷಿತ ವಿಶ್ವ ಟಿ-20 ಮಾ.8ರಿಂದ ಆರಂಭಗೊಂಡಿದೆ. ಪುರುಷರ ವಿಭಾಗದಲ್ಲಿ 35 ಪಂದ್ಯಗಳು ಹಾಗೂ ಮಹಿಳಾ ಟಿ-20 ವಿಭಾಗದಲ್ಲಿ 23 ಪಂದ್ಯಗಳು ನಡೆಯಲಿವೆ.
ವಿಶ್ವ ಟಿ-20 ಪಂದ್ಯಗಳು ಬೆಂಗಳೂರು, ಚೆನ್ನೈ, ಧರಂಶಾಲಾ, ಕೋಲ್ಕತಾ, ಮುಂಬಯಿ, ದೆಹಲಿ, ಮೊಹಾಲಿ ಹಾಗೂ ನಾಗ್ಪುರಗಳಲ್ಲಿ ಆಡಲಾಗುತ್ತಿದೆ.
ಪುರುಷರ ಟಿ-20 ಮೂರು ಹಂತಗಳಲ್ಲಿ ಆಡಲಾಗುತ್ತಿದ್ದು, ಮೊದಲ ಹಂತದಲ್ಲಿ ಮಾ.8ರಿಂದ ಮಾ.13ರ ವರೆಗೆ ’ಎ’ ಗ್ರೂಪ್‌ನ ಬಾಂಗ್ಲಾದೇಶ, ನೆದರ್ಲೆಂಡ್, ಐರ್ಲೆಂಡ್ ಹಾಗೂ ಒಮಾನ್ ತಂಡಗಳು ಪರಸ್ಪರ ಪೈಪೋಟಿ ನಡೆಸಲಿವೆ.
ಮತ್ತೊಂದೆಡೆ ’ಬಿ’ ಗ್ರೂಪ್‌ನ ಜಿಂಬಾಬ್ವೆ, ಸ್ಕಾಟ್ಲೆಂಡ್, ಹಾಂಗ್‌ಕಾಂಗ್ ಮತ್ತು ಅಫ್ಘಾನಿಸ್ಥಾನ ಸೆಣಸಲಿವೆ. ಈ ಹಂತದಲ್ಲಿ ಜಯ ಸಾಧಿಸಿದ ಎರಡು ತಂಡಗಳು ಸೂಪರ್ ೧೦ ಹಂತದಲ್ಲಿ ಆಡಲಿವೆ.
ಗ್ರೂಪ್ 1: ಶ್ರೀಲಂಕಾ, ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್, ಇಂಗ್ಲೆಂಡ್ ಹಾಗೂ ಗ್ರೂಪ್ ಬಿ ವಿಜೇತ ತಂಡ.
ಗ್ರೂಪ್ 2: ಭಾರತ, ಪಾಕಿಸ್ಥಾನ, ಆಸ್ಟ್ರೇಲಿಯಾ, ನ್ಯೂಜಿಲೆಂಡ್ ಹಾಗೂ ಗ್ರೂಪ್ ಎ ವಿಜೇತ ತಂಡ.
ಮೂರನೇ ಹಂತದಲ್ಲಿ ಮಾ.30 ಹಾಗೂ 31ರಂದು ಸೆಮಿಫೈನಲ್ ಪಂದ್ಯಗಳು ದೆಹಲಿ ಮತ್ತು ಮುಂಬಯಿಗಳಲ್ಲಿ ಆಡಲಾಗುತ್ತಿದ್ದು, ಎ.3ರಂದು ಕೋಲ್ಕತಾದಲ್ಲಿ ಫೈನಲ್ ಪಂದ್ಯ ನಡೆಯಲಿದೆ.
ಭಾರತ ತನ್ನ ಮೊದಲ ಪಂದ್ಯದಲ್ಲಿ ಮಾ.15ರಂದು ನ್ಯೂಜಿಲೆಂಡ್, ಮಾ.19ರಂದು ಪಾಕಿಸ್ಥಾನ, ಮಾ.23 ರಂದು ಗ್ರೂಪ್ ಎ ವಿಜೇತ ತಂಡ ಹಾಗೂ ಮಾ.27ರಂದು ಆಸ್ಟ್ರೇಲಿಯಾ ತಂಡಗಳನ್ನು ಎದುರಿಸಲಿದೆ.
ಟಿ-20 ಪಂದ್ಯಗಳು ಭಾರತೀಯ ಕಾಲಮಾನ ಮಧ್ಯಾಹ್ನ 3 ಗಂಟೆ ಹಾಗೂ ಸಂಜೆ 7.30ರಿಂದ ಆರಂಭವಾಗಲಿವೆ.
ಸೆಮಿಫೈನಲ್ ಹಾಗೂ ಫೈನಲ್ ಪಂದ್ಯಗಳು ಭಾರತೀಯ ಕಾಲಮಾನ ಸಂಜೆ 7 ಗಂಟೆಗೆ ಆರಂಭಗೊಳ್ಳಲಿವೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
