ನವದೆಹಲಿ: ರಿಸರ್ವೇಶನ್ ಮಾಡಿ ಪ್ರಯಾಣಿಸುವ 5 ವರ್ಷ ಮೇಲ್ಪಟ್ಟ ಮಕ್ಕಳಿಗೂ ಇನ್ಮುಂದೆ ಫುಲ್ ಟಿಕೆಟ್ ಖರೀದಿಸಬೇಕು.
ಭಾರತೀಯ ರೈಲ್ವೆ ಇಲಾಖೆಯು ಮಕ್ಕಳ ಪ್ರಯಾಣ ಶುಲ್ಕ ನಿಯಮವನ್ನು ಪರಿಷ್ಕರಿಸಿದ್ದು, ರೈಲು ಪ್ರಯಾಣ ಸಮಯದಲ್ಲಿ ಮೊದಲೇ ಟಿಕೆಟ್ ಖಾಯ್ದಿರಿಸಿದರೆ ವಯಸ್ಕರ ಟಿಕೆಟ್‌ಗೆ ಎಷ್ಟು ಹಣ ಪಾವತಿಸಬೇಕೋ ಅಷ್ಟೇ ಹಣವನ್ನು 5 ರಿಂದ 12 ವರ್ಷ ವಯಸ್ಸಿನ ಮಕ್ಕಳ ಟಿಕೆಟ್‌ಗೂ ಪಾವತಿಸಬೇಕು.
ಈ ಮೊದಲು 5-12 ವರ್ಷ ವಯಸ್ಸಿನ ಮಕ್ಕಳಿಗೆ ಅರ್ಧ ಶುಲ್ಕವನ್ನು ಪಾವತಿಸಿದರೆ ಸಾಕಾಗಿತ್ತು. ರೈಲ್ವೆಯು ಮಕ್ಕಳ ಪ್ರಯಾಣ ಶುಲ್ಕ ನಿಯಮಾವಳಿಗಳನ್ನು ಪರಿಷ್ಕರಿಸಿದ ಕಾರಣ 5-12 ವಯಸ್ಸಿನ ಮಕ್ಕಳಿಗೂ ಫುಲ್ ಟಿಕೆಟ್ ಹಣ ಪಾವತಿಸಬೇಕು. ಟಿಕೆಟ್ ಕಾಯ್ದಿರಿಸುವ ಸಂದರ್ಭ ಮಕ್ಕಳಿಗೆ ಯಾವ ಸೀಟ್ / ಬರ್ಥ್ ಎಂದು ನಮೂದಿಸಬೇಕೆಂದಿಲ್ಲ ಎನ್ನಲಾಗಿದೆ.
ರಿಸರ್ವೇಶನ್ ಇಲ್ಲದ ಕಂಪಾರ್ಟ್‌ಮೆಂಟ್‌ನಲ್ಲಿ ಪ್ರಯಾಣಿಸುವ 5-12 ವಯಸ್ಸಿನ ಮಕ್ಕಳಿಗೆ ಹಾಫ್ ಟಿಕೆಟ್ ಸೌಲಭ್ಯ ಹಾಗೇ ಮುಂದುವರಿಯಲಿದೆ.
2016 ರ ಏಪ್ರಿಲ್‌ನಿಂದ ಹೊಸ ನಿಯಮ ಜಾರಿಗೆ ಬರಲಿದೆ ಎಂದು ರೈಲ್ವೆ ಇಲಾಖೆ ಹೇಳಿಕೆಯನ್ನು ಬಿಡುಗಡೆ ಮಾಡಿದೆ. ನಿಖರ ದಿನಾಂಕ ಇನ್ನಷ್ಟೇ ನಿಗದಿಯಾಗಬೇಕು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
