ಗುತ್ತಿಗಾರಿನಲ್ಲಿ ಗಾಂಧಿಜಯಂತಿ ಆಚರಣೆ

ಸುಬ್ರಹ್ಮಣ್ಯ : ಗುತ್ತಿಗಾರು ಗ್ರಾಮದ ಸುಮಾರು ೨೦ ಕ್ಕೂ ಅಧಿಕ ಸಂಘ ಸಂಸ್ಥೆಗಳು ಜೊತೆಯಾಗಿ ಇಡೀ ಗುತ್ತಿಗಾರು ಪೇಟೆಯನ್ನು ಶುಕ್ರವಾರ ಸ್ವಚ್ಚವಾಗಿಸಿದರು. ಗಾಂಧಿ ಜಯಂತಿ ಅಂಗವಾಗಿ ಈ ಕಾರ್ಯಕ್ರಮವನ್ನು ಸಂಘಟಿಸಲಾಗಿತ್ತು.

ಲಯನ್ಸ್ ಕ್ಲಬ್ ಸುಳ್ಯ ಹಾಗೂ ಗುತ್ತಿಗಾರಿನ ಪ್ರದೇಶದ ಲಯನ್ಸ್ , ಲಯನೆಸ್, ಯುವಕಮಂಡಲ, ಆದರ್ಶಯೂತ್ ಕ್ಲಬ್,ವೀರಮಾರುತಿ ಸ್ಫೋಟ್ಸ್ ಕ್ಲಬ್,ವಾಹನ ಚಾಲಕ ಮಾಲಕರು,ವರ್ತಕ ಸಂಘ,ಗೌಡ ಯುವಸೇವಾ ಸಂಘ, ಶಂಖಶ್ರೀ ಮಹಿಳಾ ಮಂಡಲ,ವೀರಕೇಸರಿ ಯುವಕರು,ಹಳೆವಿದ್ಯಾರ್ಥಿ ಸಂಘ ಮೆಟ್ಟಿನಡ್ಕ,ಆದಿಶಕ್ತಿ ಕ್ರೀಡಾ ಸಂಘ ಬಾಕಿಲ,ಪದವಿ ಪೂರ್ವ ಕಾಲೇಜು, ಪ್ರಾಥಮಿಕ ಆರೋಗ್ಯ ಕೇಂದ್ರ,ಕರ್ನಾಟಕ ರಕ್ಷಣಾ ವೇದಿಕೆ, ಕೃಷ್ಣ ಭಜನಾ ಮಂದಿರ, ಕರ್ನಾಟಕ ಮಲಬಾರ್ ಕೆಥೋಲಿಕ್ ಅಸೋಸಿಯೇಶನ್ ಸಹಯೋಗದೊಂದಿಗೆ ಗುತ್ತಿಗಾರು ಪೇಟೆಯಲ್ಲಿ ಗಾಂಧಿ ವೇಷಧಾರಿಗಳೊಂದಿಗೆ ವಿವಿಧ ಸಂಘಸಂಸ್ಥೆಗಳ ಪ್ರಮುಖರು, ಶಾಲೆ ,ಕಾಲೇಜು ವಿದ್ಯಾರ್ಥಿಗಳು ಮೆರವಣಿಗೆ ಮೂಲಕ ಮುತ್ತಪ್ಪನಗರಕ್ಕೆ ಆಗಮಿಸಲಾಯಿತು.

ಬಳಿಕ ನಡೆದ ಸಭಾಕಾರ್ಯಕ್ರಮದಲ್ಲಿ ಹಿರಿಯ ಕ್ರೀಡಾಪಟು ಮಣಿಯಾನ ಮನೆ ಓಬಯ್ಯ ಗೌಡ ಗಾಂಧಿ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ದೀಪ ಬೆಳಗಿದರು.ಬಳಿಕ ಗಾಂಧಿಜಯಂತಿ ಸಂದೇಶ ನೀಡಿದ ಭರತ್ ಮುಂಡೋಡಿ, ಗಾಂಧೀಜಿಯವರು ಸ್ವಚ್ಚತೆಯ ಬಗ್ಗೆ ಅಂದೇ ತಿಳಿಹೇಳಿದ್ದರು.ಆದರೆ ಈಗ ವರ್ಷದ ಹಿಂದೆ ದೇಶದ ಪ್ರಧಾನಿಗಳು ಮತ್ತೆ ಸ್ವಚ್ಚತೆಗೆ ಕರೆ ನೀಡಿರುವುದು ಸಂತಸದ ವಿಷಯ.ಇಂದು ಇಡೀ ನಾಡಿನಲ್ಲಿ ಇದಕ್ಕೆ ಸ್ಪಂದನೆ ದೊರೆತಿದೆ.ಪ್ರತೀ ವಿಚಾರದಲ್ಲೂ ಬೋಧನೆ ಮಾಡುವುದಕ್ಕಿಂತ ಆಚರಣೆ ಮಾಡುವುದೇ ಉತ್ತಮವಾಗಿದೆ.ಇಂದು ನಾವು ಆಚರಣೆ ಮಾಡಬೇಕಿದೆ, ಸ್ವಚ್ಚತೆಯ ಕಡೆಗೆ ಆದ್ಯತೆ ನೀಡಬೇಕಿದೆ ಎಂದರು.

ಇದೇ ವೇಳೆ ಗಾಂಧಿ ವೇಷ ಧರಿಸಿದ ಶಾಲಾ ವಿದ್ಯಾರ್ಥಿಗಳಿಗೆ ಬಹುಮಾನ ನೀಡಲಾಯಿತು.ಈ ಸಂದರ್ಭದಲ್ಲಿ ಲಯನ್ಸ್ ಸುಳ್ಯ ಅಧ್ಯಕ್ಷ ಜಯರಾಮ ದೇರಪ್ಪಜ್ಜನ ಮನೆ, ಗುತ್ತಿಗಾರು ಗ್ರಾಪಂ ಅಧ್ಯಕ್ಷ ಅಚ್ಚುತ ಗುತ್ತಿಗಾರು, ತಾಪಂ ಸದಸ್ಯ ಮುಳಿಯ ಕೇಶವ ಭಟ್,ಗುತ್ತಿಗಾರು ಲಯನ್ಸ್ ಅಧ್ಯಕ್ಷ ಬಿಟ್ಟಿ ಬಿ ನೆಡುನೀಲಂ, ಗುತ್ತಿಗಾರು ಗ್ರಾಪಂ ಸದಸ್ಯ ವೆಂಕಟ್ ವಳಲಂಬೆ, ಉಪಾಧ್ಯಕ್ಷೆ ಸವಿತಾ ಕುಳ್ಳಂಪಾಡಿ,ಗುತ್ತಿಗಾರು ಗ್ರಾಪಂ ಪಿಡಿಒ ಶ್ಯಾಮ ಪ್ರಸಾದ್, ಗುತ್ತಿಗಾರು ಯುವಕ ಮಂಡಲ ಅಧ್ಯಕ್ಷ ಮಹೇಶ್ ಪುಚ್ಚಪ್ಪಾಡಿ, ಆದರ್ಶ ಯೂತ್ ಕ್ಲಬ್ ಅಧ್ಯಕ್ಷ ಅರುಣ್ ತಿಪ್ಪನೂರು,ಅಟೋರಿಕ್ಷಾ ಚಾಲಕ ಮಾಲಕರ ಸಂಘದ ಮೋಹನ್, ವರ್ತಕ ಸಂಘದ ಅಧ್ಯಕ್ಷ ವೆಂಕಟ್ರಮಣ ಕೇಂಬ್ರೋಳಿ,ಕೃಷ್ಣ ಭಜನಾ ಮಂದಿರದ ಅಧ್ಯಕ್ಷ ಶ್ರೀಧರ್ ಬಿಕೆ,ಗೌಡಯುವಸೇವಾ ಇದರ ಶಿವಪ್ರಸಾದ್ ಹಾಲೆಮಜಲು,ಲಯನೆಸ್ ಕ್ಲಬ್ ಅಧ್ಯಕ್ಷೆ ಸರೋಜಿನಿ ಗಂಗಯ್ಯ, ಗುತ್ತಿಗಾರು ವಾಹನ ಚಾಲಕ ಮಾಲಕ ಸಂಘದ ಸದಸ್ಯರು,ಮೆಟ್ಟಿನಡ್ಕ ಹಿರಿಯ ವಿದ್ಯಾರ್ಥಿ ಸಂಘದ ಕರುಣಾಕರ ಸಾಲ್ತಾಡಿ ಹಾಗೂ ರಮೇಶ್ ಮೆಟ್ಟಿನಡ್ಕ,ಶಾಲಾಭಿವೃಧ್ಧಿ ಸಮಿತಿ ಅಧ್ಯಕ್ಷರುಗಳಾದ ಶಿವರಾಮ ಕರುವಜೆ ಹಾಗೂ ರಾಧಾಕೃಷ್ಣ ತುಪ್ಪದಮನೆ,ಕರ್ನಾಟಕ ರಕ್ಷಣಾ ವೇದಿಕೆಯ ಮಾಧವ ಎರ್ದಡ್ಕ, ಆದಿಶಕ್ತಿ ಕ್ರೀಡಾಸಂಘದ ಅಧ್ಯಕ್ಷ ಅಜಿತ್ ಬಾಕಿಲ, ಪ್ರಾಥಮಿಕ ಆರೋಗ್ಯ ಕೇಂದ್ರ ವೈದ್ಯಾಧಿಕಾರಿ ಡಾ.ನಂದಕುಮಾರ್ ಸೇರಿದಂತೆ ನೂರಾರು ಮಂದಿ ಭಾಗವಹಿಸಿದ್ದರು.

ಸಭಾ ಕಾರ್ಯಕ್ರಮದ ಬಳಿಕ ಶಾಲಾಕಾಲೇಜು ವಿದ್ಯಾರ್ಥಿಗಳು ಹಾಗೂ ಸಂಘಸಂಸ್ಥೆಗಳ ಪದಾಧಿಕಾರಿಗಳು ಗುತ್ತಿಗಾರು ಡಿವಿಜಿ ನಗರದಿಂದ ಬಾಕಿಲದವರೆಗೆ ಸ್ವಚ್ಚತಾ ಕಾರ್ಯದಲ್ಲಿ ಭಾಗವಹಿಸಿದರು.ಗುತ್ತಿಗಾರು ಗ್ರಾಪಂ ಅಧ್ಯಕ್ಷ ಅಚ್ಚುತ ಗುತ್ತಿಗಾರು ಸೇರಿದಂತೆ ಗ್ರಾಪಂ ಸದಸ್ಯರು, ಸಿಬಂದಿಗಳು ಸ್ವಚ್ಚತಾ ಕಾರ್ಯದಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡರೆ ಸುಮಾರು ೨೦ ಕ್ಕೂ ಹೆಚ್ಚು ಸಂಘಸಂಸ್ಥೆಗಳ ಪದಾಧಿಕಾರಿಗಳು ಸ್ವಚ್ಚತಾ ಕಾರ್ಯದಲ್ಲಿ ತೊಡಗಿಕೊಂಡರು.ಸುಳ್ಯ ಲಯನ್ಸ್ ಕ್ಲಬ್ ಅಧ್ಯಕ್ಷ ಜಯರಾಮ ದೇರಪ್ಪಜ್ಜನಮನೆ ಸ್ವಾಗತಿಸಿ ಗುತ್ತಿಗಾರು ಗ್ರಾಪಂ ಅಧ್ಯಕ್ಷ ಅಚ್ಚುತ ಗುತ್ತಿಗಾರು ವಂದಿಸಿದರು.