ನಾಸಾ ರೋವರ್ ಚಾಲೆಂಜ್ 2023ರಲ್ಲಿ ಭಾಗವಹಿಸಲು ಭಾರತದ 6 ಮಕ್ಕಳು ಸಜ್ಜು

ನವದೆಹಲಿ: ಪ್ರಮುಖ ಬೆಳವಣಿಗೆಯೊಂದರಲ್ಲಿ, ಮುಂದಿನ ವಾರ ಭಾರತದಾದ್ಯಂತದ ಆರು ವಿದ್ಯಾರ್ಥಿಗಳು ನಾಸಾ ರೋವರ್ ಚಾಲೆಂಜ್ 2023 ರಲ್ಲಿ ಭಾಗವಹಿಸಲು ಯುಎಸ್‌ಗೆ ಪ್ರಯಾಣಿಸಲಿದ್ದಾರೆ. ತಮ್ಮ ಹಳ್ಳಿ ಬಿಟ್ಟು ಆಚೆ ಕಾಲಿಡದ ವಿದ್ಯಾರ್ಥಿಗಳು ಈಗ ಅಮೆರಿಕದ ಅಲಬಾಮಾದ ಹಂಟ್ಸ್‌ವಿಲ್ಲೆಯಲ್ಲಿರುವ ಏಜೆನ್ಸಿಯ ಬಾಹ್ಯಾಕಾಶ ಮತ್ತು ರಾಕೆಟ್ ಕೇಂದ್ರಕ್ಕೆ ಹಾರಲು ಸಜ್ಜಾಗಿದ್ದಾರೆ.

NASA ಹ್ಯೂಮನ್ ಎಕ್ಸ್‌ಪ್ಲೋರೇಶನ್ ರೋವರ್ ಚಾಲೆಂಜ್ 2023 ರಲ್ಲಿ ಭಾಗವಹಿಸಲು ಭಾರತದಾದ್ಯಂತದ ಹಳ್ಳಿಗಳು ಮತ್ತು ನಗರಗಳಿಂದ ಆಯ್ಕೆಯಾದ ಈ ವಿದ್ಯಾರ್ಥಿಗಳು 14 ರಿಂದ 18 ವರ್ಷ ವಯಸ್ಸಿನವರು.

ಒಡಿಶಾ ಮೂಲದ ಯಂಗ್ ಟಿಂಕರ್ ಎಜುಕೇಷನಲ್ ಫೌಂಡೇಶನ್‌ನಿಂದ ಮಾರ್ಗದರ್ಶನ ಪಡೆದ ಈ ಮಕ್ಕಳು ಭಾರತದ ವಿವಿಧ ಭಾಗಗಳಿಂದ ಮತ್ತು ವಿವಿಧ ಸಾಮಾಜಿಕ-ಆರ್ಥಿಕ ಹಿನ್ನೆಲೆಯಿಂದ ಬಂದವರು.  ಪ್ರಪಂಚದಾದ್ಯಂತದಿಂದ ಆಯ್ಕೆಯಾದ 61 ತಂಡಗಳಲ್ಲಿ ಇವರ ತಂಡ ಕೂಡ ಒಂದಾಗಿದೆ.

ಮುಂಬೈನ ಸಿದ್ದಾಂತ್ ಘೋಷ್, ಆಂಧ್ರಪ್ರದೇಶದ ಚಿಟ್ಟಿನೇನಿ ಆಕರ್ಶ್, ಆಂಧ್ರದ ಸಾಯಿ ಅಕ್ಷರ ವೇಮುರಿ, ಒಡಿಶಾದ ಬಸುದೇಬ ಭೋಯ್, ಆಕಾಂಕ್ಷಾ ದಾಸ್ ಮತ್ತು ಓಂ ಪಾಧಿ ತಂಡದಲ್ಲಿರುವ ಮಕ್ಕಳು. ಇವರು ಮಂಗಳ ಮತ್ತು ಚಂದ್ರನ ಮೇಲ್ಮೈಯನ್ನು ಅನ್ವೇಷಿಸಲು ಮತ್ತು ಡೇಟಾ ಮತ್ತು ಚಿತ್ರಗಳನ್ನು ಮರಳಿ ತರುವ ಸಾಮರ್ಥ್ಯವನ್ನು ಹೊಂದಿರುವ ರೋವರ್ ಅನ್ನು ತಯಾರಿಸಿದ್ದಾರೆ. ಅವರ ತಂಡವು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಭಾರತವನ್ನು ಪ್ರತಿನಿಧಿಸಲು ಸಿದ್ಧವಾಗಿದೆ ಮತ್ತು ಏಪ್ರಿಲ್ 14 ರಂದು ಅಲಬಾಮಾದ ಹಂಟ್ಸ್‌ವಿಲ್ಲೆಗೆ ಪ್ರಯಾಣಿಸಲಿದೆ.

ಸರ್ಕಾರಿ ಐಟಿಐ ಭುವನೇಶ್ವರದಲ್ಲಿ ಓದುತ್ತಿರುವ ಅನಾಥಾಶ್ರಮದಲ್ಲಿರುವ ಆಕಾಂಕ್ಷಾ ದಾಸ್  ಈ ಬಗ್ಗೆ ಮಾತನಾಡಿ, “ಭಾರತದಾದ್ಯಂತ ಸಂದರ್ಶನವನ್ನು ನಡೆಸಲಾಯಿತು, ಐದು ಸಾವಿರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸಂದರ್ಶನದಲ್ಲಿ ಭಾಗವಹಿಸಿದರು ಮತ್ತು ಅವರಲ್ಲಿ ಆರು ವಿದ್ಯಾರ್ಥಿಗಳು ಭಾರತಕ್ಕೆ ನಾಸಾ ರೋವರ್ ಸವಾಲಿಗೆ ಆಯ್ಕೆಯಾದರು. ನಾವು ನಾಸಾಗೆ ಪ್ರಸ್ತಾವನೆಯನ್ನು ಕಳುಹಿಸಿದೆವು ಮತ್ತು ಅವರು ನಮ್ಮ ಪ್ರಸ್ತಾಪವನ್ನು ಒಪ್ಪಿಕೊಂಡರು ಮತ್ತು ನಾವು ಎಲ್ಲಾ ಮಾರ್ಗಸೂಚಿಗಳನ್ನು ಅನುಸರಿಸಿ ಹಗುರವಾದ ರೋವರ್ ಅನ್ನು ರಚಿಸಿದ್ದೇವೆ. ಕಳೆದ ಆವೃತ್ತಿಯಲ್ಲಿ ನಾವು ವಿಶ್ವ ಶ್ರೇಯಾಂಕ 3 ಅನ್ನು ಪಡೆದುಕೊಂಡಿದ್ದೇವೆ, ಈ ವರ್ಷ ನಾವು ವಿಶ್ವ ಶ್ರೇಣಿಯಲ್ಲಿ 1 ನೇ ಸ್ಥಾನವನ್ನು ತರಲು ಆಶಿಸುತ್ತೇವೆ” ಎಂದಿದ್ದಾನೆ.