ವಾಷಿಂಗ್ಟನ್: ಅಟ್ಲಾಂಟಿಕ್ ಮಹಾಸಾಗರದ ಮೇಲೆ ಹಾರಾಡುತ್ತಿದ್ದ ಚೀನೀ ಬೇಹುಗಾರಿಕೆ ಬಲೂನ್ ಅನ್ನು ಹೊಡೆದುರುಳಿಸಿದ ಯುಎಸ್ ವಿರುದ್ಧ ಚೀನಾ ತೀವ್ರವಾಗಿ ಪ್ರತಿಭಟಿಸಿದೆ. ಈ ಬೇಹುಗಾರಿಕೆ ಬಲೂನ್ ಉತ್ತರ ಅಮೆರಿಕಾದಾದ್ಯಂತ ಸೂಕ್ಷ್ಮ ಸೇನಾ ಸ್ಥಳಗಳಲ್ಲಿ ಸಂಚರಿಸಿತ್ತು ಎಂದು ಹೇಳಲಾಗಿದೆ.
ಚೀನಾದ ವಿದೇಶಾಂಗ ಸಚಿವಾಲಯವು ಭಾನುವಾರ ಹೇಳಿಕೆಯಲ್ಲಿ, ನಾಗರಿಕ ಮಾನವರಹಿತ ವಾಯುನೌಕೆಯ ಮೇಲೆ ಯುಎಸ್ ದಾಳಿಯನ್ನು ಬಲವಾಗಿ ವಿರೋಧಿಸುತ್ತೇವೆ ಮತ್ತು ಅದರ ವಿರುದ್ಧ ಚೀನಾ ಬಲವಾಗಿ ಪ್ರತಿಕ್ರಿಯಿಸಲಿದೆ ಎಂದು ಪರಿಣಾಮಗಳ ಬಗ್ಗೆ ಎಚ್ಚರಿಸಿದೆ.
ಯುಎಸ್ ಅಧ್ಯಕ್ಷ ಬಿಡೆನ್ ಅವರ ಆದೇಶದ ನಂತರ, ಯುಎಸ್ ದಕ್ಷಿಣ ಕೆರೊಲಿನಾ ರಾಜ್ಯದ ಕರಾವಳಿಯಲ್ಲಿ ಶನಿವಾರ ಅಟ್ಲಾಂಟಿಕ್ ಸಾಗರದಲ್ಲಿ ಶಂಕಿತ ಚೀನೀ “ಪತ್ತೇದಾರಿ” ಬಲೂನ್ ಅನ್ನು ಹೊಡೆದುರುಳಿಸಲಾಗಿದೆ. ಅವಶೇಷಗಳನ್ನು ಹೊರತೆಗೆಯುವ ಕಾರ್ಯಾಚರಣೆ ನಡೆಯುತ್ತಿದೆ.
ಈ ವಿಷಯವನ್ನು ಶಾಂತವಾಗಿ, ವೃತ್ತಿಪರವಾಗಿ ಮತ್ತು ಸಂಯಮದಿಂದ ಸರಿಯಾಗಿ ನಿಭಾಯಿಸುವಂತೆ ಚೀನಾದ ಕಡೆಯವರು ಅಮೆರಿಕಾಗಕೇಳಿಕೊಂಡಿದ್ದಾರೆ ಎಂದು ಚೀನಾದ ವಿದೇಶಾಂಗ ಸಚಿವಾಲಯ ತಿಳಿಸಿದೆ.
ಈ ವಾರ ಯುಎಸ್ ವಾಯುಪ್ರದೇಶದಲ್ಲಿ ಬಲೂನ್‌ನ ಉಪಸ್ಥಿತಿಯು ಜಾಗತಿಕ ಮಟ್ಟದಲ್ಲಿ ದೊಡ್ಡ ಸುದ್ದಿ ಮಾಡಿತ್ತು. ಈಗಾಗಲೇ ಹದಗೆಟ್ಟಿರುವ ಯುಎಸ್-ಚೀನೀ ಸಂಬಂಧಗಳಲ್ಲಿ ಇದು ಇನ್ನಷ್ಟು ಬಿರುಕು ಮೂಡಿಸಿದೆ. ಈ ಘಟನೆಯಿಂದ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಅವರ ಬೀಜಿಂಗ್‌ಗೆ ಬಹುನಿರೀಕ್ಷಿತ ಭೇಟಿ ಕೂಡ ಹಠಾತ್ ರದ್ದಾಗಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
