ಬಾಗ್ದಾದ್: ಸಿರಿಯಾದ ನಿರಾಶ್ರಿತ ಬಾಲಕನೊಬ್ಬ ಸಮುದ್ರ ದಂಡೆಯಲ್ಲಿ ಸತ್ತು ಬಿದ್ದಿದ್ದ ಚಿತ್ರ ಇಡೀ ವಿಶ್ವ ಮರುಕುಪಡುವಂತೆ ಮಾಡಿತ್ತು. ಆದರೆ ಮನುಷ್ಯತ್ವವನ್ನೇ ಮರೆತಿರುವ ಇಸಿಸ್ ಉಗ್ರರು ಆ ಕರುಣಾಜನಕ ಫೋಟೋವನ್ನು ಬೆದರಿಕೆಯೊಡ್ಡಲು ಬಳಸಿಕೊಂಡಿದ್ದಾರೆ.
ಇಸ್ಲಾಂ ಭೂಮಿಯನ್ನು ತೊರೆದು ಪಶ್ಚಿಮದತ್ತ ವಲಸೆ ಹೋದರೆ ಏನೆಲ್ಲಾ ಅಪಾಯವಾಗುತ್ತದೆ ಎಂಬುದಕ್ಕೆ ಇದೇ ಉದಾಹರಣೆ ಎಂದು ತೋರಿಸಲು ಸತ್ತು ಬಿದ್ದಿದ್ದ ಆ ಮೂರು ವರ್ಷದ ಮಗುವಿನ ಶವದ ಚಿತ್ರವನ್ನು ಬಳಸಿದ್ದಾರೆ.
ಇಸ್ಲಾಂ ಭೂಮಿಯನ್ನು ತೊರೆಯುವುದು ಮಹಾಪಾಪ. ಹೀಗಾಗಿ ನಿರಾಶ್ರಿತರು ಈ ಭೂಮಿಯನ್ನು ತೊರೆದು ಪಶ್ಚಿಮದತ್ತ ಹೋಗಬಾರದು ಎಂದು ಉಗ್ರರು ಎಚ್ಚರಿಕೆ ನೀಡಿದ್ದಾರೆ.
ಮೂರು ವರ್ಷದ ಅಯ್ಲನ್ ಕುರ್ದಿ ತನ್ನ ತಂದೆ ತಾಯಿಯ ಜತೆ ಸಮುದ್ರ ಮಾರ್ಗವಾಗಿ ವಲಸೆ ಹೋಗುತ್ತಿದ್ದಾಗ ದೋಣಿ ಅಪಘಾತದಲ್ಲಿ ಸತ್ತು ಟರ್ಕಿಯ ಬೊರ್ದಮ್ ಸಮುದ್ರ ತೀರದಲ್ಲಿ ಶವವಾಗಿ ದೊರಕಿದ್ದ. ಈ ಘಟನೆ ಇಡೀ ವಿಶ್ವವೇ ಕಂಬನಿ ಮಿಡಿಯುವಂತೆ ಮಾಡಿತ್ತು.
ಇದೀಗ ಉಗ್ರರು ಇದೇ ಚಿತ್ರವನ್ನು ಇಂಗ್ಲಿಷ್ ನಿಯತಕಾಲಿಕೆ ‘ಡಬಿಕ್’ನಲ್ಲಿ ಪ್ರಕಟಿಸಿ ನಿರಾಶ್ರಿತರಿಗೆ ಬೆದರಿಕೆ ಹಾಕಿದ್ದಾರೆ. ಆ ಮೂಲಕ ತಾವು ಮನುಷ್ಯರೇ ಅಲ್ಲ ಎಂಬುದನ್ನು ಸಾಬೀತುಪಡಿಸಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
