ಭಾರತದ ಜೊತೆ ಸೇರಿ ಶಸ್ತ್ರಸಜ್ಜಿತ ವಾಹನ, ಜಲಾಂತರ್ಗಾಮಿ ನೌಕೆ ನಿರ್ಮಿಸಲು ರಷ್ಯಾ ಉತ್ಸುಕ

ಮಾಸ್ಕೋ:  ಮುಂದಿನ ಪೀಳಿಗೆಯ ಶಸ್ತ್ರಸಜ್ಜಿತ ವಾಹನಗಳು ಮತ್ತು ಜಲಾಂತರ್ಗಾಮಿ ನೌಕೆಗಳನ್ನು ಭಾರತದ ಜಂಟಿ ಸಹಯೋಗದಲ್ಲಿ ನಿರ್ಮಿಸಲು ಬಯಸುತ್ತಿರುವುದಾಗಿ ರಷ್ಯಾ ಹೇಳಿದೆ.

ಅಂತರರಾಷ್ಟ್ರೀಯ ನಿರ್ಬಂಧಗಳಿಗೆ ಕಾರಣವಾದ ಉಕ್ರೇನ್‌ನೊಂದಿಗೆ ನಡೆಯುತ್ತಿರುವ ಯುದ್ಧದ ಹೊರತಾಗಿಯೂ, ನಿಗದಿತ ಸಮಯಕ್ಕೆ S-400 ವಾಯು ರಕ್ಷಣಾ ವ್ಯವಸ್ಥೆ ಸೇರಿದಂತೆ ಎಲ್ಲಾ ವ್ಯವಸ್ಥೆಗಳ ಒಪ್ಪಂದದ ಜವಾಬ್ದಾರಿಗಳು ಮತ್ತು ವಿತರಣೆಗೆ ರಷ್ಯಾ ಕಟಿಬದ್ಧವಾಗಿದೆ ಎಂದು ಭಾರತಕ್ಕೆ ಅದು ಭರವಸೆ ನೀಡಿದೆ.

S-400 ಸಿಸ್ಟಮ್‌ನ ಎರಡನೇ ರೆಜಿಮೆಂಟ್‌ನ ವಿತರಣೆಯು ಈಗಾಗಲೇ ನಡೆಯುತ್ತಿದೆ.

ರಷ್ಯಾದ ಫೆಡರಲ್ ಸರ್ವೀಸ್ ಫಾರ್ ಮಿಲಿಟರಿ ಟೆಕ್ನಿಕಲ್ ಕೋಆಪರೇಷನ್ (ಎಫ್‌ಎಸ್‌ಎಂಟಿಸಿ) ಮುಖ್ಯಸ್ಥ ಡಿಮಿಟ್ರಿ ಶುಗೇವ್ ಈ ಬಗ್ಗೆ ಮಾಹಿತಿ ನೀಡಿದ್ದು, “ಭಾರತದಲ್ಲಿ ಎಕೆ -203 ಆಕ್ರಮಣಕಾರಿ ರೈಫಲ್‌ಗಳ ಉತ್ಪಾದನೆಯನ್ನು ಸಂಘಟಿಸುವ ಕೆಲಸ ನಡೆಯುತ್ತಿದೆ, ಇದರ ಸರಣಿ ಉತ್ಪಾದನೆಯು 2022 ರ ಕೊನೆಯಲ್ಲಿ-2023 ರ ಆರಂಭದಲ್ಲಿ ಪ್ರಾರಂಭವಾಗುವ ನಿರೀಕ್ಷೆಯಿದೆ. ರಷ್ಯಾ ಮತ್ತು ಭಾರತದಲ್ಲಿ ಪ್ರಾಜೆಕ್ಟ್ 11356 ಫ್ರಿಗೇಟ್‌ಗಳ ನಿರ್ಮಾಣದ ಒಪ್ಪಂದಗಳ ಅನುಷ್ಠಾನವು ಯೋಜಿಸಿದಂತೆ ಮುಂದುವರಿಯುತ್ತಿದೆ. ಪ್ರಸ್ತುತ ಪರಿಸ್ಥಿತಿಯು ನಮ್ಮ ಜವಾಬ್ದಾರಿಗಳ ನೆರವೇರಿಕೆಯ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ ಎಂದು ರಷ್ಯಾ ಹೇಳಿದ್ದಾರೆ.

ಮಾಸ್ಕೋದಲ್ಲಿ ರಷ್ಯಾ ನಡೆಸುತ್ತಿರುವ ಆರ್ಮಿ 2022 ರ ಅಂತಾರಾಷ್ಟ್ರೀಯ ರಕ್ಷಣಾ ಪ್ರದರ್ಶನದ ವೇಳೆ ಅವರು ಈ ಹೇಳಿಕೆ ನೀಡಿದ್ದಾರೆ.