ವಿಕಾಸ್ ಪದವಿಪೂರ್ವ ಕಾಲೇಜಿನಲ್ಲಿ ಗುರುವಿಗೆ ನಮನ ಕಾರ್ಯಕ್ರಮ ಆಚರಣೆ

ಮಂಗಳೂರು : ಡಾ.ಸರ್ವಪಲ್ಲಿ ರಾಧಾಕೃಷ್ಣನ್ ಅವರ ಜನ್ಮದಿನದ ಪ್ರಯುಕ್ತವಾಗಿ ಹಮ್ಮಿಕೊಂಡ ಶಿಕ್ಷಕರ ದಿನಾಚರಣೆಯಲ್ಲಿ ಗುರುವಿಗೆ ನಮನ ಕಾರ್ಯಕ್ರಮವನ್ನು ವಿಕಾಸ್ ಪದವಿಪೂರ್ವ ಕಾಲೇಜಿನಲ್ಲಿ ಆಚರಿಸಲಾಯಿತು.

ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾದ ಮಾ.ನ.ಪಾ.ದ ಮಾಜಿ ಮೇಯರ್ ಶಂಕರ ಭಟ್ ಅವರು ಶಿಕ್ಷಕರಿಗೆ ಶುಭಾಶಯಗಳನ್ನು ಕೋರುತ್ತಾ ಗುರುವಿನ ಋಣ ಯಾವತ್ತೂ ತೀರಿಸಲಾಗದ್ದು, ವಿದ್ಯಾರ್ಥಿಗಳು ಯಾವಾಗಲೂ ಗುರುವಿಗೆ ಆಭಾರಿಯಾಗಿರಬೇಕುಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ವಿಕಾಸ್ ಸಂಸ್ಥೆಯ ಅಧ್ಯಕ್ಷ ಕೃಷ್ಣ.ಜೆ.ಪಾಲೆಮಾರ್ ರವರು ಮಾತನಾಡುತ್ತಾ ವಿದ್ಯಾರ್ಥಿಗಳು ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ ಶಿಕ್ಷಕರು ವಿದ್ಯಾರ್ಥಿಗಳಲ್ಲಿ ಮಾನವೀಯ ಮೌಲ್ಯಗಳು ಅಚ್ಚೊತ್ತುವಂತೆ ಶ್ರಮಿಸಬೇಕು. ಪ್ರಧಾನಿ ನರೇಂದ್ರ ಮೋದಿಯವರ ಜನ್ಮ ದಿನವಾದ ಸ. 17ರಂದು, ವಿದ್ಯಾರ್ಥಿಗಳ ಪೋಷಕರ ಸ್ಥಾನದಲ್ಲಿ ನಿಂತು ಅವರ ಬೇಕು-ಬೇಡಗಳನ್ನು ಆಲಿಸುವ GUARDIANS DAY ಕಾಲೇಜಿನಲ್ಲಿ ಆಚರಿಸುವುದಾಗಿ ಹೇಳಿದರು.

ಕಾಲೇಜಿನ ಸಲಹೆಗಾರರಾದ ಶ್ರೀ.ಅನಂತ ಪ್ರಭು, ಎಜುಕೇಶನ್‌ಟ್ರಸ್ಟ್‌ನ ಸದಸ್ಯರಾದ ಶ್ರೀ.ಜೆಕೊರಗಪ್ಪ, ಶ್ರೀ. ಸೂರಜ್‌ ಕುಮಾರ್‌ ಕಲ್ಯ, ಕಾಲೇಜು ಆಡಳಿತಗಾರರಾದ ಶ್ರೀ.ಕಾಲಿನ್ ಡಿಸೋಜಾ, ಉಪ ಪ್ರಾಂಶುಪಾಲರಾದ ಶ್ರೀ.ನವೀನ್‌ಎಸ್.ಎ ಮುಂತಾದವರು ಉಪಸ್ಥಿತರಿದ್ದರು.

ವಿಶೇಷ ದಿನದ ಅಂಗವಾಗಿ ಗುರುಕಾಣಿಕೆಎಂಬಂತೆಕಾಲೇಜಿನಎಲ್ಲಾ ಶಿಕ್ಷಕರಿಗೂ ವಿದ್ಯಾರ್ಥಿಗಳು ಪ್ರಧಾನಿ ನರೇಂದ್ರ ಮೋದಿಯವರ ಮಹತ್ವದ ಜೀವ ವಿಮೆ ಯೋಜನೆಗಳಾದ ಪ್ರಧಾನ ಮಂತ್ರಿ ಸುರಕ್ಷಾ ಭೀಮಾ ಯೋಜನಾ, ಪ್ರಧಾನ ಮಂತ್ರಿ ಜೀವನ್ ಭೀಮಾ ಯೋಜನೆಯನ್ನು ಮಾಡಿಸಿದರು.ಅಲ್ಲದೇ ಶಿಕ್ಷಕರಿಗಾಗಿ ಕೆಲವೊಂದು ಕೌಶಲ್ಯಯುತವಾದ ಆಟಗಳನ್ನು ಏರ್ಪಡಿಸಿದ್ದರು.