ನವದೆಹಲಿ: ತವಾಂಗ್‌ಗೆ ಎಲ್ಲಾ ಹವಾಮಾನದ ರಸ್ತೆ ಸಂಪರ್ಕವನ್ನು ಒದಗಿಸುವ ನಿಟ್ಟಿನಲ್ಲಿ ಅರುಣಾಚಲ ಪ್ರದೇಶದ ಪಶ್ಚಿಮ ಕಮೆಂಗ್ ಜಿಲ್ಲೆಯ ನೆಚಿಪು ಸುರಂಗ ಕೊರೆಯುವ ಕಾರ್ಯವನ್ನು ಬಾರ್ಡರ್ ರೋಡ್ ಆರ್ಗನೈಸೇಶನ್ (BRO) ಇಂದು ಪೂರ್ಣಗೊಳಿಸಿದೆ.
ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು 12 ಅಕ್ಟೋಬರ್ 2020 ರಂದು ಈ ಯೋಜನೆಗೆ ಅಡಿಗಲ್ಲು ಹಾಕಿದ್ದರು.
5,700 ಅಡಿ ಎತ್ತರದಲ್ಲಿರುವ ನೆಚಿಪು ಸುರಂಗವು ಬಲಿಪರಾ – ಚಾರ್ದುವಾರ್ – ತವಾಂಗ್ (BCT) ರಸ್ತೆಯಲ್ಲಿ 500-ಮೀಟರ್ ಉದ್ದದ ‘D-ಆಕಾರದ, ಸಿಂಗಲ್ ಟ್ಯೂಬ್ ಡಬಲ್ ಲೇನ್ ಅನ್ನು ಹೊಂದಿದೆ.
“ನೆಚಿಪು ಸುರಂಗವು ದ್ವಿಮುಖ ಸಂಚಾರಕ್ಕೆ ಅವಕಾಶ ಕಲ್ಪಿಸುತ್ತದೆ ಮತ್ತು ಆಧುನಿಕ ಬೆಳಕು ಮತ್ತು ಸುರಕ್ಷತಾ ಸೌಲಭ್ಯಗಳನ್ನು ಹೊಂದಿದೆ. ಹಲವು ದಶಕಗಳಿಂದ ಸಾಮಾನ್ಯ ಸಂಚಾರ ಮತ್ತು ಸೇನಾ ಬೆಂಗಾವಲು ಪಡೆಗಳಿಗೆ ಅಡ್ಡಿಯಾಗುತ್ತಿದ್ದ ತೀವ್ರವಾದ ಮಂಜಿನ ಪರಿಸ್ಥಿತಿಗಳನ್ನು ನಿರ್ಮೂಲನೆ ಮಾಡಿ ಎಲ್ಲಾ ಹವಮಾನ ರಸ್ತೆ ಒದಗಿಸುವ ನಿಟ್ಟಿನಲ್ಲಿ ಸುರಂಗವನ್ನು ನಿರ್ಮಿಸಲಾಗಿದೆ” ಎಂದು ಬಿಆರ್‌ಒ ಹೇಳಿದೆ.
ನೆಚಿಪು ಸುರಂಗ ಯೋಜನೆಯ ಜೊತೆಗೆ BROನ ಪ್ರಾಜೆಕ್ಟ್ ವರ್ತಕ್ ಅಡಿಯಲ್ಲಿ ಅದೇ ರಸ್ತೆಯಲ್ಲಿ ಮತ್ತೊಂದು ಆಯಕಟ್ಟಿನ ಸುರಂಗವಾದ ಸೆಲಾ ಟನಲ್ ಪ್ರಾಜೆಕ್ಟ್‌ನ ಕೊರೆಯುವಿಕೆ ಕಾರ್ಯವನ್ನು ಜನವರಿ 2022 ರಲ್ಲಿ ಪೂರ್ಣಗೊಳಿಸಿದೆ.
ಸೆಲಾ ಸುರಂಗ ಯೋಜನೆಯು ಸುರಂಗ-1, 980 ಮೀ ಉದ್ದದ ಸಿಂಗಲ್ ಟ್ಯೂಬ್ ಸುರಂಗ ಮತ್ತು ಸುರಂಗ-2, 1,555 ಮೀ ಉದ್ದದ ಅವಳಿ-ಟ್ಯೂಬ್ ಸುರಂಗವನ್ನು ಒಳಗೊಂಡಿದೆ.
ನೆಚಿಪು ಸುರಂಗ ಮತ್ತು ಸೆಲಾ ಸುರಂಗವು ಸುರಕ್ಷಿತ, ಎಲ್ಲಾ ಹವಾಮಾನ ಸಂಪರ್ಕವನ್ನು ಒದಗಿಸುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
