ನವದೆಹಲಿ: ವೆಂಟಿಲೇಟರ್‌ಗಳ ಅಗತ್ಯವಿರುವ ಕೊರೋನಾ ಸೋಂಕಿತರನ್ನು ಆರಂಭದಲ್ಲೇ ಪತ್ತೆ ಮಾಡಲು ‘ಕೋವಿಡ್ ಸಿವಿಯಾರಿಟಿ ಸ್ಕೋರ್’ ಎಂಬ ತಂತ್ರಜ್ಞಾನ ವೃದ್ಧಿ ಮಾಡುತ್ತಿರುವುದಾಗಿ ಸರ್ಕಾರ ತಿಳಿಸಿದೆ.
ಈ ಹೊಸ ತಂತ್ರಜ್ಞಾನ‌ವು ಆಸ್ಪತ್ರೆಗಳ ಐಸಿಯು, ವೆಂಟಿಲೇಟರ್ ನೆರವಿನ ಅಗತ್ಯ ಹೊಂದಿರುವ ರೋಗಿಗಳನ್ನು ಗುರುತಿಸುವಂತಹ ಪ್ಯಾರಾಮೀಟರ್‌ಗಳನ್ನು ಒಳಗೊಂಡಿದೆ. ಈ ತಂತ್ರಾಂಶ‌ದಿಂದ ಸಕಾಲದಲ್ಲಿ ರೋಗಿಗಳಿಗೆ ಚಿಕಿತ್ಸೆ ದೊರೆಯುವುದು ಸಾಧ್ಯವಾಗಲಿದೆ. ಜೊತೆಗೆ ರೋಗಿ ಗಂಭೀರ ಆರೋಗ್ಯ ಸಮಸ್ಯೆ‌ಗಳಿಗೆ ತುತ್ತಾಗುವುದಕ್ಕೂ ಪರಿಹಾರವಾಗಲಿದೆ.
ಈ ತಂತ್ರಜ್ಞಾನ ತೀವ್ರವಾಗಿ ಆರೈಕೆಯ ಅಗತ್ಯ‌ವಿಲ್ಲದ ರೋಗಿಗಳಿಗೆ ಆಸ್ಪತ್ರೆಗೆ ಹೋಗುವುದನ್ನು ತಡೆಯುವ ನಿಟ್ಟಿನಲ್ಲಿ‌ಯೂ ಸಹಕರಿಸಲಿದೆ. ಇದರಿಂದ ಹಾಸಿಗೆಗಳ ಕೊರತೆಯೂ ಕಡಿಮೆಯಾಗಲಿದೆ. ಈ ತಂತ್ರಾಂಶ ಕೊರೋನಾ ರೋಗಿಗಳ ಲಕ್ಷಣ, ಚಿಹ್ನೆ, ಪ್ರಮುಖ ಪ್ಯಾರಾಮೀಟರ್‌ಗಳು, ಪರೀಕ್ಷಾ ವರದಿಗಳು ಮತ್ತು ಇತರೆ ರೋಗಗಳನ್ನು ಸಹ ಅಳೆಯುತ್ತದೆ.
ಈ ಹೊಸ ತಂತ್ರಜ್ಞಾನ‌ವನ್ನು ಕೋಲ್ಕತ್ತಾ‌ದ ಬಾರಕ್‌ಪುರದಲ್ಲಿರುವ ಸರ್ಕಾರದ ಕೊರೋನಾ ಆರೈಕೆ ಕೇಂದ್ರ ಮತ್ತು ಉಪನಗರಗಳಲ್ಲಿರುವ ಸಹಾಯಕ ಆರೈಕೆ ಕೇಂದ್ರ‌ಗಳಲ್ಲಿ ಬಳಕೆ ಮಾಡಲಾಗುತ್ತಿದೆ ಎಂದು ಸರ್ಕಾರ ತಿಳಿಸಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
