ಮೈಸೂರಿನಲ್ಲಿ ಹುನಾರ್ ಹಾತ್ ಉದ್ಘಾಟಿಸಿ‌ದ ಕೇಂದ್ರ ಸಚಿವ ಡಿ ವಿ ಸದಾನಂದ ಗೌಡ

ಮೈಸೂರು: ಕ್ರಾಫ್ಟ್, ಪಾಕ ಪದ್ಧತಿ, ಸಾಂಸ್ಕೃತಿಕ ಮೆಗಾ ಮಿಷನ್ ಕರಕುಶಲ ಮೇಳ ಪ್ರದರ್ಶನ ‘ಹುನರ್ ಹಾತ್’  ಇಂದಿನಿಂದ ಫೆ. 14 ರ ವರೆಗೆ ಚಾಮರಾಜಪುರದ ಮಹಾರಾಜ ಕಾಲೇಜು ಮೈದಾನದಲ್ಲಿ ನಡೆಯಲಿದ್ದು, ಈ ಸಾಂಪ್ರದಾಯಿಕ ಕಾರ್ಯಕ್ರಮ‌ವನ್ನು ಕೇಂದ್ರ ಸಚಿವ ಡಿ ವಿ ಸದಾನಂದ ಗೌಡ ಅವರು ಉದ್ಘಾಟಿಸಿದ್ದಾರೆ.

ಈ ಸಾಂಪ್ರದಾಯಿಕ ಕಾರ್ಯಕ್ರಮ‌ದಲ್ಲಿ ಕಲಾವಿದರು ಮತ್ತು ಕುಶಲಕರ್ಮಿಗಳ ಸ್ವದೇಶಿ ಕರಕುಶಲ ಉತ್ಪನ್ನಗಳ ಪ್ರದರ್ಶನ ಮತ್ತು ಮಾರಾಟ ನಡೆಯಲಿದೆ. ಈ ಕಾರ್ಯಕ್ರಮ ಬೆಳಗ್ಗೆ 11 ರಿಂದ ರಾತ್ರಿ 10 ವರೆಗೆ ಪ್ರತಿನಿತ್ಯವೂ ನಡೆಯಲಿದ್ದು, ತಿಂಡಿ ತಿನಿಸುಗಳು, ಕರಕುಶಲ ವಸ್ತುಗಳನ್ನು ಸಾರ್ವಜನಿಕರಿಗೆ ಪರಿಚಯಿಸುವ ನಿಟ್ಟಿನಲ್ಲಿ ಇದನ್ನು ಹಮ್ಮಿಕೊಂಡಿರುವುದಾಗಿ ಆಯೋಜಕರು ಮಾಹಿತಿ ನೀಡಿದ್ದಾರೆ.

ದೇಶದ ವಿವಿಧ ರಾಜ್ಯಗಳಿಗೆ ಸಂಬಂಧಿಸಿದಂತಹ ವಸ್ತುಗಳು, ಸ್ವಾದಭರಿತ ತಿನಿಸುಗಳನ್ನು ಜನಪ್ರಿಯ‌ಗೊಳಿಸುವ ನಿಟ್ಟಿನಲ್ಲಿ ಈ ಕಾರ್ಯಕ್ರಮ ಮಹತ್ವ ಪಡೆದಿದೆ.  ಬಿಹಾರ, ಹರ್ಯಾಣ, ಗುಜರಾತ್, ಕರ್ನಾಟಕ, ಕೇರಳ, ಮಹಾರಾಷ್ಟ್ರ, ಮಧ್ಯಪ್ರದೇಶ ಸೇರಿದಂತೆ ಹಲವು ರಾಜ್ಯಗಳು ಇದರಲ್ಲಿ ಭಾಗವಹಿಸುತ್ತಿವೆ.

ಮೈಸೂರಿನ ಮಹಾರಾಜ ಕಾಲೇಜು ಮೈದಾನದಲ್ಲಿ ಆಯೋಜಿಸಿರುವ ಕರಕುಶಲ ಮೇಳಕ್ಕೆ ಕೇಂದ್ರ ಸಚಿವರಾದ ಶ್ರೀ @DVSadanandGowda ಅವರು ಚಾಲನೆ ನೀಡಿ ಮಾತನಾಡಿದರು.#HunarHaat #Mysuru pic.twitter.com/jv8vH1XAKn

— PIB in Karnataka (@PIBBengaluru) February 6, 2021