ಕನ್ಯಾಕುಮಾರಿ: ಇಸಾಕಿ ಅಮ್ಮನ್ ದೇವಸ್ಥಾನದಲ್ಲಿ ಭಾರತಮಾತೆ ಪ್ರತಿಮೆಯನ್ನು ಅದರ ಮೂಲ ಸ್ಥಾನದಲ್ಲಿ ಪುನಃ ಸ್ಥಾಪಿಸಲು ಕಲೆಕ್ಟರ್ ಆದೇಶಿಸಿದ ನಂತರ, ಗ್ರಾಮಸ್ಥರು ‘ಭಾರತ್ ಮಾತಾ ಪೂಜನ್’ ಕಾರ್ಯಕ್ರಮವನ್ನು ಆಯೋಜಿಸಿದರು ಮತ್ತು ಭಾರತ ಮಾತಾ ಪ್ರತಿಮೆಗೆ ಉತ್ಸಾಹದಿಂದ ಪೂಜಾರ್ಪಣೆ ಮಾಡಿದರು ಎಂದು ವರದಿಗಳು ತಿಳಿಸಿವೆ.
“ಕನ್ಯಾಕುಮಾರಿಯಲ್ಲಿ ಸೈನಿಕರಿಗೆ ಮತ್ತು ಭಾರತ ಮಾತೆಗೆ ನಮಸ್ಕರಿಸುವ ಆಂದೋಲನ ನಡೆದಿದ್ದು, ಅಲ್ಲಿ ದೇಶಭಕ್ತ ಗ್ರಾಮಸ್ಥರ ಒಗ್ಗಟ್ಟಿನ ಮುಂದೆ ಪೊಲೀಸರು ಹಿಮ್ಮೆಟ್ಟಿದರು. ಸಾಮಾನ್ಯ ಗ್ರಾಮಸ್ಥರ ಸಹಾಯದಿಂದ ಅಲ್ಲಿ ಭಾರತ ಮಾತೆಯ ಗೌರವವನ್ನು ಪುನಃಸ್ಥಾಪಿಸಲಾಗಿದೆ. ನಾವು ಪ್ರತಿ ನಗರದಲ್ಲಿ ಭಾರತ ಮಾತೆಯ ಪ್ರತಿಮೆಗಳನ್ನು ಹೊಂದುತ್ತೇವೆಯೇ? ನಾವು ಅದಕ್ಕಾಗಿ ಏಕೆ ಹೋರಾಡಬೇಕಾಯಿತು? ಭಾರತ ಮಾತೆಯನ್ನು ಏಕೆ ವಿರೋಧಿಸಲಾಯಿತು?” ಎಂದು ಮಾಜಿ ಸಂಸದ ತರುಣ್ ವಿಜಯ್ ಟ್ವೀಟ್ ಮಾಡಿದ್ದಾರೆ.
A movement to salute #soldiers & #BharatMata in Kanyakumari where police retreated under patriotic villagers solidarity.#BharatMata honour restored with common villagers help.Will we hv Bharat Mata statues in every city?Why did we hv to battle it out? Why was #BharatMata Opposed? pic.twitter.com/rpiLKyNNjb
— Tarun Vijay தருண் விஜய் (@Tarunvijay) May 25, 2020
ಕ್ರಿಶ್ಚಿಯನ್ ಆಫ್ ದಿ ಚರ್ಚ್ ಆಫ್ ಸೌತ್ ಇಂಡಿಯಾ (ಸಿಎಸ್ಐ) ಎಂಬ ಕ್ರಿಶ್ಚಿಯನ್ ಮಿಷನರಿ ಸಂಘಟನೆಯು ಭಾರತ ಮಾತೆ ಪ್ರತಿಮೆಯ ಬಗ್ಗೆ ಆಕ್ಷೇಪಣೆ ಸಲ್ಲಿಸಿ, ಈ ಪ್ರತಿಮೆಯು ತಮ್ಮ ಧಾರ್ಮಿಕ ಭಾವನೆಗಳನ್ನು ನೋಯಿಸುತ್ತಿದೆ ಎಂದು ಆರೋಪಿಸಿದ್ದರು. ಅವರ ದೂರಿನ ಹಿನ್ನೆಲೆಯಲ್ಲಿ ಕನ್ಯಾಕುಮಾರಿ ಪೊಲೀಸರು ಪ್ರತಿಮೆಯನ್ನು ಬಟ್ಟೆಯಿಂದ ಮುಚ್ಚಿ ಹಾಕಿದ್ದರು, ಇದು ಗ್ರಾಮಸ್ಥರ ಆಕ್ರೋಶಕ್ಕೆ ಕಾರಣವಾಗಿತ್ತು.
ಭಾರತೀಯ ಜನತಾ ಪಕ್ಷ (ಬಿಜೆಪಿ), ಹಿಂದೂ ಮುನ್ನಾನಿ, ಮತ್ತು ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್ಎಸ್ಎಸ್) ಮತ್ತು ಗ್ರಾಮಸ್ಥರು ಪ್ರತಿಭಟನೆಗಳನ್ನು ನಡೆಸಿ ನಂತರ ಪ್ರತಿಮೆಗೆ ಹಾಕಿದ ಕವರ್ ಅನ್ನು ತೆಗೆದುಹಾಕಿದರು. ಇದು ಪ್ರತಿಭಟನೆಗೆ ನಾಂದಿ ಹಾಡಿತು. ಪ್ರತಿಭಟನೆಯನ್ನು ಬಿಜೆಪಿ ನಾಯಕ ತರುಣ್ ವಿಜಯ್ ಮತ್ತು ಸ್ಥಳೀಯ ಆರ್ಎಸ್ಎಸ್ ಸ್ವಯಂಸೇವಕರು ವಹಿಸಿದ್ದರು, ನಂತರ ಭಾರತ ಮಾತೆಯ ಪ್ರತಿಮೆಯನ್ನು ಹಿಂದಿನ ಸ್ಥಿತಿಗೆ ತರಲು ಕಲೆಕ್ಟರ್ ಆದೇಶ ಹೊರಡಿಸಿದ ನಂತರ ಪರಿಸ್ಥಿತಿ ಶಮನಗೊಂಡಿತು.
ಭಾರತ ಮಾತೆ ಪ್ರತಿಮೆಯನ್ನು ಮುಚ್ಚಿದ್ದಕ್ಕಾಗಿ ವಕೀಲ ಅಶುತೋಷ್ ಜೆ ದುಬೆ ಅವರು ಕನ್ಯಾಕುಮಾರಿ ಪೊಲೀಸರಿಗೆ ಕಾನೂನು ನೋಟಿಸ್ ನೀಡಿದ್ದಾರೆ. ಭಾರತ ಮಾತೆ ಪ್ರತಿಮೆಯನ್ನು ಯಾವ ಸಾಂವಿಧಾನಿಕ ನಿಬಂಧನೆಯೌ ಅಡಿಯಲ್ಲಿ ಮುಚ್ಚಲಾಯಿತು ಎಂದು ಅಶುತೋಷ್ ಪ್ರಶ್ನಿಸಿದ್ದಾರೆ. ಭಾರತ ಮಾತೆ ಪ್ರತಿಮೆಯನ್ನು ಪೊಲೀಸರು ಮುಚ್ಚಿದ ನಂತರ ಅದರ ವಿರುದ್ಧ ಪ್ರತಿಭಟನೆ ನಡೆಸಿದ ಪ್ರತಿಭಟನಾಕಾರರನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ವಕೀಲ ದುಬೆ ಹೇಳಿದ್ದಾರೆ.
ಭಾರತ ಮಾತೆ ಪ್ರತಿಮೆ ಇಸಾಕಿ ಅಮ್ಮನ್ ದೇವಾಲಯದ ಆವರಣದಲ್ಲಿತ್ತು, ಇದು 200 ವರ್ಷಗಳಷ್ಟು ಹಳೆಯದಾಗಿದೆ ಎಂದು ವರದಿಯಾಗಿದೆ. ಸೈಟ್ ಖಾಸಗಿ ಆಸ್ತಿಯಾಗಿದೆ. ಮಾಲೀಕರು ಭಾರತ ಮಾತಾ ಪ್ರತಿಮೆಯನ್ನು ಸ್ಥಾಪಿಸಿ ಅದನ್ನು ತ್ರಿವರ್ಣ ಬಣ್ಣದ ಸೀರೆಯಿಂದ ಅಲಂಕರಿಸಿದ್ದರು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
