ನವದೆಹಲಿ: ಭಾರತದಲ್ಲಿ ಕೊರೋನಾವೈರಸ್ ಸಾಂಕ್ರಾಮಿಕ ರೋಗದ ಪ್ರಕರಣಗಳ ಸಂಖ್ಯೆ 1,01,139ಕ್ಕೆ ಏರಿಕೆಯಾಗಿದೆ. ಸಾವಿನ ಸಂಖ್ಯೆ 3163ಕ್ಕೆ ಏರಿಕೆಯಾಗಿದೆ. ಕಳೆದ 24 ಗಂಟೆಗಳಲ್ಲಿ 4,970 ಪ್ರಕರಣಗಳು ಮತ್ತು 134 ಸಾವುಗಳು ಸಂಭವಿಸಿವೆ.
ಇದುವರೆಗೆ ಸುಮಾರು 39,000 ರೋಗಿಗಳು ಚೇತರಿಸಿಕೊಂಡಿದ್ದಾರೆ. ಪ್ರಸ್ತುತ ದೇಶದಲ್ಲಿ 59000 ಸಕ್ರಿಯ ಪ್ರಕರಣಗಳು ಇವೆ. ಅಮೆರಿಕ, ರಷ್ಯಾ, ಬ್ರೆಜಿಲ್, ಫ್ರಾನ್ಸ್, ಇಟಲಿ ಮತ್ತು ಪೆರು ಬಳಿಕ ಭಾರತ ಏಳನೇ ಅತಿ ದೊಡ್ಡ ರೋಗಿಗಳ ಸಂಖ್ಯೆಯನ್ನು ಹೊಂದಿದೆ.
ಆರೋಗ್ಯ ಸಚಿವರ ಪ್ರಕಾರ, ಪ್ರಸ್ತುತ ಭಾರತದಲ್ಲಿ ಪ್ರತಿ ಒಂದು ಲಕ್ಷ ಜನರಿಗೆ 7.1 ಕರೋನಾವೈರಸ್ ಪ್ರಕರಣಗಳು ಇವೆ. ಜಾಗತಿಕ ಮಟ್ಟದಲ್ಲಿ ಇದು 60 ಆಗಿದೆ.
ಭಾರತದಲ್ಲಿನ ರೋಗಿಗಳ ಸಂಖ್ಯೆ ನೂರರಿಂದ ಒಂದು ಲಕ್ಷಕ್ಕೆ ಏರಿಕೆಯಾಗಲು 64 ದಿನಗಳು ಬೇಕಾದವು. ಅಮೆರಿಕ ಮತ್ತು ಸ್ಪೇನ್ನಂತಹ ದೇಶಗಳಿಗೆ ಹೋಲಿಕೆ ಮಾಡಿದರೆ ಭಾರತ ತೆಗೆದುಕೊಂಡ ದಿನಗಳು ದುಪ್ಪಟ್ಟಾಗಿವೆ.
ಅಮೆರಿಕದಲ್ಲಿ ಪ್ರಕರಣಗಳು ನೂರರಿಂದ ಒಂದು ಲಕ್ಷಕ್ಕೆ ಏರಿಕೆಯಾಗಲು 24 ದಿನಗಳು ತೆಗೆದುಕೊಂಡಿದೆ. ಸ್ಪೇನ್ ದೇಶದಲ್ಲಿ 1 ಲಕ್ಷ ತಲುಪಲು 30 ದಿನಗಳನ್ನು ತೆಗೆದುಕೊಂಡಿದೆ.
ವಿಶ್ವ ಮಟ್ಟದಲ್ಲಿ ಪ್ರಸ್ತುತ 49,55,775 ಕರೋನಾವೈರಸ್ ಪ್ರಕರಣಗಳು ಇವೆ. 3,23,190 ಸಾವುಗಳು ಸಂಭವಿಸಿವೆ. ಕಳೆದ 24 ಗಂಟೆಗಳಲ್ಲಿ ಜಾಗತಿಕ ಮಟ್ಟದಲ್ಲಿ 67,000 ಹೊಸ ಪ್ರಕರಣಗಳು ದಾಖಲಾಗಿವೆ. 3,228 ಸಾವು ಸಂಭವಿಸಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
