ನವದೆಹಲಿ: ಭಾರತೀಯ ವಾಯುಪಡೆಯು ಭವಿಷ್ಯದಲ್ಲಿ ದೇಶದ ಉತ್ತರ ಮತ್ತು ಪಶ್ಚಿಮ ಗಡಿನಾಡುಗಳಲ್ಲಿ ನಿಯೋಜಿಸುವ ಸಲುವಾಗಿ 450 ಯುದ್ಧ ವಿಮಾನಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಯೋಜಿಸುತ್ತಿದೆ ಎಂದು ವಾಯುಪಡೆಯ ಮುಖ್ಯಸ್ಥ ಆರ್ಕೆಎಸ್ ಭದೌರಿಯಾ ಸೋಮವಾರ ತಿಳಿಸಿದ್ದಾರೆ.
ವಾಯುಪಡೆಯು ಖರೀದಿಗೆ ಯೋಜಿಸುತ್ತಿರುವ ವಿಮಾನಗಳ ಪಟ್ಟಿಯಲ್ಲಿ 36 ರಫೇಲ್ಗಳು, 114 ಮಲ್ಟಿರೋಲ್ ಫೈಟರ್ ಏರ್ಕ್ರಾಫ್ಟ್, 100 ಅಡ್ವಾನ್ಸ್ಡ್ ಮೀಡಿಯಮ್ ಕಂಬಾಟ್ ಏರ್ಕ್ರಾಫ್ಟ್ (ಎಎಂಸಿಎ) ಮತ್ತು ಲೈಟ್ ಕಾಂಬ್ಯಾಟ್ ಏರ್ಕ್ರಾಫ್ಟ್ನ 200 ಕ್ಕೂ ಹೆಚ್ಚು ಮಾದರಿಗಳು ಸೇರಿವೆ.
“ಮುಂದಿನ 15 ವರ್ಷಗಳಲ್ಲಿ, 83 ಎಲ್ಸಿಎಗಳ ಖರೀದಿ ನಮ್ಮ ಪ್ರಾಥಮಿಕ ಕೇಂದ್ರಬಿಂದುವಾಗಿದೆ, ಅದರ ನಂತರ ಎಲ್ಸಿಎ ಮಾರ್ಕ್ 2 ನತ್ತ ಗಮನ ಹರಿಸುತ್ತೇವೆ, 100 ಕ್ಕಿಂತಲೂ ಹೆಚ್ಚಿನದನ್ನು ನಾವು ಖರೀದಿ ಮಾಡುವತ್ತ ನೋಡುತ್ತಿದ್ದೇವೆ. ಅದು ಎಲ್ಸಿಎ ವರ್ಗಗಳನ್ನು 200ರ ಸಮೀಪಕ್ಕೆ ಕೊಂಡೊಯ್ಯುತ್ತದೆ” ಎಂದು ಭದೌರಿಯಾ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
“ಎಎಂಸಿಎಮಲ್ಲಿ, ನಾವು ಆರು ಸ್ಕ್ವಾಡ್ರನ್ಗಳನ್ನು ನೋಡುತ್ತಿದ್ದೇವೆ, ಇದರಿಂದ ಅಂತಹ 100 ವಿಮಾನ ಹೊಂದಿದಂತೆ ಆಗುತ್ತದೆ” ಎಂದಿದ್ದಾರೆ.
ಮುಂದಿನ 35 ವರ್ಷಗಳ ಅವಧಿಯಲ್ಲಿ ಈ ಫೈಟರ್ಗಳ ನಿಯೋಜನೆಗೆ ಪ್ರಯತ್ನಗಳು ನಡೆಯುತ್ತದೆ, ಭವಿಷ್ಯದ ಅವಶ್ಯಕತೆಗಳನ್ನು ಗಮನದಲ್ಲಿಟ್ಟುಕೊಳ್ಳಲು ಖರೀದಿಗಳನ್ನು ಯೋಜಿಸಬೇಕಾಗಿದೆ ಎಂದಿದ್ದಾರೆ.
ವಾಯುಪಡೆಯ ಮುಖ್ಯಸ್ಥರ ಪ್ರಕಾರ, “ತರಬೇತುದಾರ ವಿಮಾನ ವಿಭಾಗದಲ್ಲಿ, ನಾವು 70 ಎಚ್ಟಿಟಿ -40 ಅನ್ನು ಪಿಲಾಟಸ್ ನೌಕಾಪಡೆಗೆ ಬೆಂಬಲ ವಿಮಾನವಾಗಿ ನೋಡುತ್ತಿದ್ದೇವೆ. ಆದ್ದರಿಂದ, ನಾವು 370 ಸ್ಥಳೀಯ ವಿಮಾನಗಳ ಖರೀದಿಯತ್ತ ನೋಡುತ್ತಿದ್ದೇವೆ” ಎಂದಿದ್ದಾರೆ.
ಸ್ಥಳೀಯ ಉತ್ಪಾದನೆಯ ದೃಷ್ಟಿಕೋನದಿಂದ ಇದು ಅತ್ಯುತ್ತಮ ಸಮಯ ಎಂದು ಐಎಎಫ್ ಮುಖ್ಯಸ್ಥರು ಹೇಳಿದ್ದಾರೆ
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
