ನವದೆಹಲಿ: ಕೋವಿಡ್-19 ಕಾರಣದಿಂದಾಗಿ ದೇಶ ಲಾಕ್ಡೌನ್ ಆಗಿದೆ. ಸೋಂಕು ಹರಡದಂತೆ ತಡೆಯಲು ಕೇಂದ್ರ ಮತ್ತು ಎಲ್ಲಾ ರಾಜ್ಯ ಸರ್ಕಾರಗಳು ಅನೇಕ ನಿಯಂತ್ರಣ ಕ್ರಮಗಳನ್ನೂ ಜಾರಿಗೆ ತಂದಿದೆ. ಇದರಲ್ಲಿ ಮಾಸ್ಕ್ ಧರಿಸುವುದು, ಸ್ಯಾನಿಟೈಸರ್ ಬಳಸಿ ಕೈಯನ್ನು ಸ್ವಚ್ಚವಾಗಿಟ್ಟುಕೊಳ್ಳುವುದರ ಮೂಲಕವೂ ಸೋಂಕು ತಡೆಯಬಹುದು ಎಂದು ಸರ್ಕಾರ ತಿಳಿಸಿದೆ.
ಆದರೆ ಸ್ಯಾನಿಟೈಸರ್ ಮತ್ತು ಮಾಸ್ಕ್ಗಳ ವಿಚಾರಕ್ಕೆ ಬಂದಾಗ ದೇಶದಲ್ಲಿ ಅವುಗಳ ಕೊರತೆ ಹೆಚ್ಚಾಗಿದೆ. ಇವುಗಳು ತೀರಾ ಅತ್ಯಗತ್ಯವೆನಿಸಿದ ಆರೋಗ್ಯ ರಕ್ಷಕರಿಗೂ ಸಮರ್ಪಕವಾಗಿ ಇವನ್ನು ಪೂರೈಸಲು ಸಾಧ್ಯವಾಗುತ್ತಿಲ್ಲ. ಇದನ್ನು ಮನಗಂಡಿರುವ ರೈಲ್ವೆ ಇಲಾಖೆ ದೇಶದ ವಿವಿಧೆಡೆ ಗಳಲ್ಲಿರುವ ತನ್ನ ಘಟಕಗಳಲ್ಲಿ ಇವುಗಳನ್ನು ತಯಾರಿಸಲು ಮುಂದಾಗಿದೆ.
ಈ ವರೆಗೆ ಸುಮಾರು 5.8 ಲಕ್ಷಕ್ಕೂ ಅಧಿಕ ಮರು ಬಳಕೆಗೆ ಪೂರಕವಾದ ಮಾಸ್ಕ್ಗಳು ಮತ್ತು 41 ಸಾವಿರ ಲೀಟರ್ಗಳಷ್ಟು ಸ್ಯಾನಿಟೈಸರ್ಗಳನ್ನು ಭಾರತೀಯ ರೈಲ್ವೆ ತಯಾರಿಸಿದೆ. ಸುಮಾರು 81 ಸಾವಿರಗಳಷ್ಟು ಮಾಸ್ಕ್ ಮತ್ತು 2500 ಲೀ. ಗಳಷ್ಟು ಸ್ಯಾನಿಟೈಸರ್ ತಯಾರಿಸಿರುವ ಪಶ್ಚಿಮ ರೈಲ್ವೆ ಈ ಕಾರ್ಯದಲ್ಲಿ ಮುಂಚೂಣಿಯಲ್ಲಿದೆ ಎಂದು ಇಲಾಖೆ ಹೇಳಿದೆ.
ಈ ಹಿಂದೆ ರೈಲುಗಳನ್ನು ಐಸೋಲೇಶನ್ ವಾರ್ಡ್ಗಳನ್ನಾಗಿ ಪರಿವರ್ತನೆ ಮಾಡಿ ಕೋವಿಡ್ ವಿರುದ್ಧ ತೊಡೆ ತಟ್ಟಿದ್ದ ರೈಲ್ವೆ ಇಲಾಖೆ, ಈಗ ಅಗತ್ಯ ಆರೋಗ್ಯ ರಕ್ಷಕ ಸಾಮಗ್ರಿಗಳನ್ನು ಉತ್ಪಾದನೆ ಮಾಡುವ ಮೂಲಕ ಮತ್ತೆ ಜನಸೇವೆಗೆ ಮುಂದಾಗಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.