ನವದೆಹಲಿ : ಕೊರೋನಾ ಎಂಬ ಮಹಾಮಾರಿ ವೈರಸ್ ಇಡೀ ಪ್ರಪಂಚವನ್ನೇ ನಲುಗಿಸಿದೆ. ಅದೆಷ್ಟೋ ಸಾವು ನೋವುಗಳಿಗೆ ಕಾರಣವಾಗಿರುವ ಈ ಕಣ್ಣಿಗೆ ಕಾಣದ ವೈರಾಣು ಜನರನ್ನು ದೂರ ದೂರವಿರುವಂತೆ ಮಾಡಿದೆ. ವಿಶ್ವದ ಆರ್ಥಿಕತೆ, ಜನಜೀವನದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುತ್ತಿದ್ದು ಜನತೆ ಭಯಭೀತರಾಗಿದ್ದಾರೆ. ಇಂತಹ ಆತಂಕದ ಮಧ್ಯೆಯೂ ಇದೀಗ ನಿಟ್ಟುಸಿರು ಬಿಡುವಂತಹ ವಿಚಾರವೊಂದು ಈಗ ಬಹಿರಂಗಗೊಂಡಿದ್ದು, ಜಗತ್ತಿನಲ್ಲಿ ಕೊರೋನಾಗೆ ಮಡಿದವರ ಸಂಖ್ಯೆಗಿಂತ ಚೇತರಿಸಿ, ಗುಣಮುಖರಾದವರ ಸಂಖ್ಯೆ ಹೆಚ್ಚು ಎಂದು.
ಚೀನಾದಲ್ಲಿ ಜನ್ಮ ಪಡೆದ ಈ ವೈರಸ್ ವಿಶ್ವದಾದ್ಯಂತ ಕರಿ ನೆರಳು ಚಾಚಿದೆ. ಉಸಿರಾಟ, ಸಂಪರ್ಕದ ಕಾರಣದಿಂದಲೇ ಹರಡುವ ಈ ಸೋಂಕಿಗೆ ಈ ವರೆಗೆ ಔಷಧವನ್ನೂ ಕಂಡುಹಿಡಿಯಲಾಗಿಲ್ಲ. ಆ ಕಾರ್ಯ ನಡೆಯುತ್ತಿದೆಯಷ್ಟೇ. ಪ್ರಪಂಚದ ಪುಟ್ಟ ರಾಷ್ಟ್ರಗಳಿಂದ ಹಿಡಿದು ದೊಡ್ಡಣ್ಣನವರೆಗೆ ಈ ವೈರಸ್ ಜನರ ಜೀವನದ ಜೊತೆಗೆ ಚೆಲ್ಲಾಟ ಆಡುತ್ತಲೇ ಇದೆ. ಇಡೀ ವಿಶ್ವದಲ್ಲಿ 1 ಕೋಟಿಗೂ ಅಧಿಕ ಮಂದಿಗೆ ಸೋಂಕು ತಗುಲಿದೆ. ಇದರಲ್ಲಿ ಸುಮಾರು 88 ಸಾವಿರ ಜನರು ಮೃತಪಟ್ಟಿದ್ದರೆ, 3 ಲಕ್ಷಕ್ಕೂ ಅಧಿಕ ಜನರು ಗುಣಮುಖರಾಗಿರುವ ಬಗ್ಗೆ ವರದಿಗಳು ತಿಳಿಸುತ್ತದೆ.
ಇನ್ನು ಭಾರತದಲ್ಲಿ 5 ಸಾವಿರಕ್ಕೂ ಹೆಚ್ಚು ಸೋಂಕಿತರ ಪ್ರಕರಣಗಳಿದ್ದು 166 ಮಂದಿ ಸಾವನ್ನಪ್ಪಿದ್ದಾರೆ. 472 ಮಂದಿ ಕೊರೋನಾ ಜಯಿಸಿದ ಬಗ್ಗೆ ದಾಖಲೆಗಳು ಸಿಗುತ್ತವೆ. ಜೊತೆಗೆ ಕೊರೋನಾ ನಿಯಂತ್ರಣ ಮಾಡುವ ನಿಟ್ಟಿನಲ್ಲಿಯೂ ಕೇಂದ್ರ, ರಾಜ್ಯ ಸರ್ಕಾರಗಳು ನಿಯಂತ್ರಣ ಕ್ರಮಗಳನ್ನು ಅನುಸರಿಸಿದ್ದು, ಸೋಂಕು ವ್ಯಾಪಿಸುವ ತೀವ್ರತೆಯೂ ಕಡಿಮೆಯಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
