ಬೋಸ್ಟನ್: ಅಮೆರಿಕಾದ ನ್ಯೂಯಾಕ್‌ನಿಂದ ಲಂಡನ್‌ಗೆ ಕೇವಲ 3 ಗಂಟೆಯಲ್ಲಿ ಹಾರಬಲ್ಲ ಅತಿ ವೇಗದ ಸೂಪರ್‌ಸಾನಿಕ್ ವಿಮಾನವನ್ನು ಬೋಸ್ಟನ್ ಮೂಲದ ಸ್ಪೈಸ್ ಏರೋಸ್ಪೇಸ್ ಕಂಪನಿ ಅಭಿವೃದ್ಧಿಪಡಿಸಿದೆ. ವಿಶೇಷವೆಂದರೆ ಈ ವಿಮಾನ ಅಭಿವೃದ್ಧಿಯ ಹಿಂದೆ ಸಾಕಷ್ಟು ಭಾರತೀಯ ಮೂಲದ ಎಂಜಿನಿಯರ್‌ಗಳ ಪರಿಶ್ರಮವಿದೆ.
ಈ ಎಸ್-512ಸೂಪರ್‌ಸಾನಿಕ್ ವಿಮಾನ ಗಂಟೆಗೆ 2205 ಕಿಲೋ ಮೀಟರ್ ಹಾರಬಲ್ಲ ಸಾಮರ್ಥ್ಯವನ್ನು ಹೊಂದಿದೆ. ಇದನ್ನು 2013ರಲ್ಲಿ ಪರಿಚಯಿಸಲಾಯಿತಾದರೂ, ಕಂಪನಿ ಇದರ ವಿನ್ಯಾಸದಲ್ಲಿ ಕೆಲವೊಂದು ಅಪ್‌ಡೇಟ್‌ಗಳನ್ನು ಇತ್ತೀಚಿಗಷ್ಟೇ ಮಾಡಿತ್ತು. ಈ ಅಪ್‌ಡೇಟ್ ವಿಮಾನದ ವೇಗವನ್ನು ಮತ್ತಷ್ಟು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.
ಈ ವಿಮಾನದ ಮೂಲಕ ನ್ಯೂಯಾರ್ಕ್‌ನಿಂದ ಲಂಡನ್‌ಗೆ 3 ಗಂಟೆಗಳಲ್ಲಿ ಪ್ರಯಾಣಿಸಬಹುದು, ಅಲ್ಲದೇ ಪ್ಯಾರೀಸ್‌ನಿಂದ ದುಬೈಗೆ ಶಾಪಿಂಗ್, ಮನೋರಂಜನೆಗಾಗಿ ತೆರಳಿ ಡಿನ್ನರ್ ಸಮಯಕ್ಕೆ ವಾಪಾಸ್ ಆಗಬಹುದು ಎಂದು ಕಂಪನಿ ಹೇಳಿಕೊಂಡಿದೆ.
ಅತಿ ವೇಗವಾಗಿ ಹಾರಬಲ್ಲ ಈ ವಿಮಾನದ ಬೆಲೆ ಕೂಡ ದುಬಾರಿಯಾಗಿದ್ದು, 500 ಕೋಟಿಗೂ ಅಧಿಕವಿದೆ ಎಂದು ಹೇಳಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
