ಮುಂಬಯಿ: 2006, ಜುಲೈ 11ರ ಮುಂಬಯಿ ರೈಲು ಬಾಂಬ್ ಸ್ಫೋಟದಲ್ಲಿ ಗಾಯಗೊಂಡು 9 ವರ್ಷಗಳ ಕಾಲ ಕೋಮಾವಸ್ಥೆಯಲ್ಲಿ ಜೀವನ ಕಳೆದಿದ್ದ ಪರಾಗ್ ಸಾವಂತ್ ಮಂಗಳವಾರ ನಿಧನರಾಗಿದ್ದಾರೆ.
ಕಳೆದ 9 ವರ್ಷದಿಂದಲೂ ಅವರು ಹಿಂದುಜಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು, ಮಿದುಳಿಗೆ ತೀವ್ರವಾದ ಹೊಡೆತ ಬಿದ್ದ ಪರಿಣಾಮವಾಗಿ ಅವರಿಗೆ ಕೋಮಾದಿಂದ ಹೊರಬರಲು ಸಾಧ್ಯವಾಗಿರಲಿಲ್ಲ. 2011ರಲ್ಲಿ ಒಮ್ಮೆ ಇವರು ಎಚ್ಚರಗೊಂಡು ತುಸು ಸಂಭಾಷಣೆ ನಡೆಸಿದ್ದರು. ಆದರೆ ಬಳಿಕ ಮತ್ತೆ ಕೋಮಾಗೆ ತೆರಳಿದ್ದರು.
ಚರ್ಚ್‌ಗೇಟ್-ವಿರರ್ ರೈಲು ಮೀರಾರೋಡ್ ತಲುಪುತ್ತಿದ್ದಂತೆ ಬಾಂಬ್ ಸ್ಫೋಟಕ್ಕೊಳಗಾಗಿತ್ತು, ಆ ವೇಳೆ ಇದರಲ್ಲಿ ಸಾವಂತ್ ಮತ್ತು ಅವರ ಗರ್ಭಿಣಿ ಪತ್ನಿ ಪ್ರೀತಿ ಸಾವಂತ್ ಇದ್ದರು. ಈ ಸ್ಫೋಟದಲ್ಲಿ ಒಟ್ಟು 118 ಮಂದಿ ಸಾವನ್ನಪ್ಪಿ 817 ಮಂದಿ ಗಾಯಗೊಂಡಿದ್ದರು.
ಈ ಸ್ಫೋಟದಲ್ಲಿ ಗಾಯಗೊಂಡು 9ವರ್ಷದಿಂದ ಕೋಮಾದಲ್ಲಿದ್ದ ಸಾವಂತ್ ಇಂದು ಆಸ್ಪತ್ರೆಯಲ್ಲೇ ಮೃತರಾಗಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
