ಸಿಡ್ನಿ: ಆಸ್ಟ್ರೇಲಿಯಾದ ಸಿಡ್ನಿ ಮೆಟ್ರೋದಲ್ಲಿ ಭಾರತ ನಿರ್ಮಿತ ಸಂಪೂರ್ಣ ಸ್ವಯಂಚಾಲಿತ ಮತ್ತು ಚಾಲಕ ರಹಿತ ರೈಲು ಪ್ರಯಾಣವನ್ನು ಆರಂಭಿಸಿದೆ, ಈ ಮೂಲಕ ಪ್ರಧಾನಿ ನರೇಂದ್ರ ಮೋದಿಯವರ ‘ಮೇಕ್ ಇನ್ ಇಂಡಿಯಾ’ ಯೋಜನೆಗೆ ಹೆಚ್ಚಿನ ಉತ್ತೇಜನ ದೊರೆತಂತಾಗಿದೆ.
ಸಿಡ್ನಿ ಇತ್ತೀಚಿಗಷ್ಟೇ ಚಾಲಕ ರಹಿತ ಮೆಟ್ರೋ ಲೈನ್ ಅನ್ನು ಆರಂಭಿಸಿದ್ದು, ಇದರ ಮೂಲಕ ಅದು 6 ಕೋಚುಗಳುಳ್ಳ 22 ಸ್ವಯಂ ಚಾಲಿತ ರೈಲನ್ನು ಓಡಿಸಲಿದೆ. ಎಲ್ಲಾ ಕೋಚುಗಳು ಕೂಡ ಆಲ್ಸ್ಟೋಂಮ್ ಸಂಸ್ಥೆಯ ಆಂಧ್ರಪ್ರದೇಶದಲ್ಲಿರುವ ಶ್ರೀ ಸಿಟಿ ಫೆಸಿಲಿಟಿಯಲ್ಲಿ ಅಭಿವೃದ್ಧಿಗೊಳ್ಳಲಿದೆ ಮತ್ತು ಉತ್ಪಾದನೆಗೊಳ್ಳಲಿದೆ.
2018ರ ಡಿಸೆಂಬರ್ ತಿಂಗಳಲ್ಲಿ ಅಲ್ಟ್ಸೋಂಮ್ ಇಂತಹ ಕೋಚುಗಳನ್ನು ಕೊನೆಯ ಬಾರಿಗೆ ಸಿಡ್ನಿ ಮೆಟ್ರೋಗೆ ನೀಡಿದೆ. ಈ ಕೋಚುಗಳು ಸಂಪೂರ್ಣ ಸ್ವಯಂಚಾಲಿತವಾಗಿದ್ದು, ಎಲ್ಇಡಿ ಲೈಟಿಂಗ್ಸ್, ಎಮರ್ಜೆನ್ಸಿ ಇಂಟರ್ಕಾಂ, ಸಿಸಿಟಿವಿ ಕ್ಯಾಮೆರಾ, ರಿಯಲ್ ಟೈಮ್ ಟ್ರಾವೆಲ್ ಇನ್ಫಾರ್ಮೇಶನ್, ಡಬಲ್ ಡೋರ್ ಸೇರಿದಂತೆ ಹಲವಾರು ವ್ಯವಸ್ಥೆಗಳನ್ನು ಹೊಂದಿದೆ.
ಗಮನಿಸಬೇಕಾದ ಒಂದು ಅಂಶವೆಂದರೆ, ಈ ರೈಲುಗಳನ್ನು ರಫ್ತು ಮಾಡಿದ ಆಂಧ್ರಪ್ರದೇಶ ಮೂಲದ ಫೆಸಿಲಿಟಿಯು ಅರ್ಬಲಿಸ್ 400 ಸಿಗ್ನಲಿಂಗ್ ವ್ಯವಸ್ಥೆಯನ್ನು ಹೊಂದಿದ್ದು, ಅದು ನಿಲ್ದಾಣಗಳಲ್ಲಿ ಸ್ಥಗಿತಗೊಳ್ಳುವ ಸಮಯವನ್ನು ಮತ್ತು ಅನೇಕ ಸೇವೆಗಳ ನಡುವಿನ ಸಮಯವನ್ನು ಕಡಿಮೆ ಮಾಡುತ್ತದೆ. ಆಲ್ಸ್ಟೋಂಮ್ನ ಬೆಂಗಳೂರು ಮೂಲದ ಎಂಜಿನಿಯರಿಂಗ್ ಕೇಂದ್ರದಲ್ಲಿ ಈ ಕೋಚುಗಳನ್ನು ಅರ್ಬಲಿಸ್ 400 ವ್ಯವಸ್ಥೆಯೊಂದಿಗೆ ಸಂಯೋಜನೆಗೊಳಿಸಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
