ತಿರುವನಂತಪುರಂ: ಕೇರಳ ಜೈವ ಕರ್ಷಕ ಸಮಿತಿ (ಕೇರಳ ಸಾವಯವ ಕೃಷಿಕರ ಸಮಿತಿ)ಯು ದಕ್ಷಿಣ ಕೊರಿಯಾದ ಇಂಟರ್ನ್ಯಾಷನಲ್ ಫೆಡರೇಶನ್ ಆಫ್ ಆರ್ಗ್ಯಾನಿಕ್ ಅಗ್ರಿಕಲ್ಚರ್ ಮೂವ್ಮೆಂಟ್ (IFOAM) ಏಷ್ಯಾ, ಚೀನಾ ಮೂಲದ ಕ್ಸಿಚಾಂಗ್ ಮುನ್ಸಿಪಲ್ ಕೋರ್ಪೋರೇಶನ್ ಸಹಯೋಗದೊಂದಿಗೆ ನೀಡುವ ಆರ್ಗ್ಯಾನಿಕ್ ಮೆಡಲ್ಗೆ ಭಾಜನವಾಗಿದೆ.
ಮೇ 30ರಂದು ಚೀನಾದ ಕ್ಸಿಚಾಂಗ್ನಲ್ಲಿ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಜರುಗಲಿದೆ. ಸರ್ಟಿಫಿಕೇಟ್, ಬಂಗಾರದ ಪದಕ, ಯುಎಸ್ಡಿ 5,000 (ರೂ.3.5 ಲಕ್ಷ) ಬಹುಮಾನವನ್ನು ಇದು ಒಳಗೊಂಡಿದೆ.
ಜೈವ ಕರ್ಷಕ ಸಮಿತಿಯನ್ನು 1992ರಲ್ಲಿ “ಒನ್ ಅರ್ಥ್ ಒನ್ ಲೈಫ್” ಎಂಬ ಪರಿಸರ ತಜ್ಞರ ಗುಂಪು ಖ್ಯಾತ ಭೂಶಾಸ್ತ್ರಜ್ಞ ಜಾನ್ ಸಿ.ಜಾಕೋಬ್, ನ್ಯುರೋಪಥಿ ವೈದ್ಯ ಡಾ.ಸಿ.ಆರ್.ಆರ್ ವರ್ಮಾ, ಸಾವಯವ ತಜ್ಞ ಕೆ.ವಿ.ದಯಾಳ್ ಅವರ ನೇತೃತ್ವದಲ್ಲಿ ಸ್ಥಾಪನೆ ಮಾಡಿತು. ಅತ್ಯಂತ ವಿಭಿನ್ನ ಸಾವಯವ ಮಾದರಿಯಲ್ಲಿ ಕೃಷಿಯನ್ನು ಮಾಡಿ, ಉತ್ಪಾದನೆಯನ್ನು ಹೆಚ್ಚಿಸುತ್ತಿರುವ ನಾವೀನ್ಯ ಕಾರ್ಯಕ್ಕಾಗಿ ಈ ಸಮಿತಿಗೆ ಅಂತಾರಾಷ್ಟ್ರೀಯ ಪ್ರಶಸ್ತಿ ಒಲಿದಿದೆ.
ಈ ಸಮಿತಿ ಸುಮಾರು 15,000 ಸದಸ್ಯರನ್ನು ಒಳಗೊಂಡಿದ್ದು, ಎಲ್ಲರೂ ಸಾವಯವ ಕೃಷಿಯಲ್ಲಿ ಸಕ್ರಿಯವಾಗಿ ಭಾಗಿಯಾಗುತ್ತಿದ್ದಾರೆ. ಸಾಂಪ್ರದಾಯಿಕ ಭತ್ತದ ತಳಿ, ಸ್ಥಳಿಯ ತರಕಾರಿ ತಳಿಗಳನ್ನು ಸಂರಕ್ಷಣೆ ಮಾಡುವ ಕಾರ್ಯದಲ್ಲೂ ಇದು ನಿರತವಾಗಿದೆ. ರೈತರಿಗೆ ಕೃಷಿ ತರಬೇತಿಯನ್ನೂ ಇದು ನೀಡುತ್ತಿದ್ದು, ವಿವಿಧ ಮಾದರಿಯ ಸಾವಯವ ಕೃಷಿ ವಿಧಾನವನ್ನು ಅವರಿಗೆ ಕಲಿಸಿಕೊಡುತ್ತದೆ.
ಅಷ್ಟು ಮಾತ್ರವಲ್ಲದೇ, ಈ ಸಮಿತಿಯು ಮಹಿಳೆಯರು ಮತ್ತು ಮಕ್ಕಳಿಗೆ ಮನೆಯನ್ನು ವಿಷಮುಕ್ತವಾಗಿ ಹೇಗೆ ಇಟ್ಟುಕೊಳ್ಳಬೇಕು ಎಂಬ ಬಗ್ಗೆಯೂ ಹೇಳಿಕೊಡುತ್ತದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.