ಕುಲ್ಲು: ಹಿಮಾಚಲ ಪ್ರದೇಶದ ಕುಲ್ಲು ಜಿಲ್ಲೆಯಲ್ಲಿ ಸುಮಾರು 5200 ಮಹಿಳೆಯರು ತಮ್ಮ ಮತಹಾಕಿದ ಶಾಯಿವುಳ್ಳ ಕೈಬೆರಳಿನೊಂದಿಗೆ ವೋಟರ್ ಐಡಿಯನ್ನು ಹಿಡಿದುಕೊಂಡು ನೃತ್ಯ ಮಾಡಿ, ಮತದಾನದ ಮಹತ್ವವನ್ನು ಸಾರಿದ್ದಾರೆ. ಮತದಾನ ಪ್ರಮಾಣವನ್ನು ಹೆಚ್ಚಿಸುವ ಉದ್ದೇಶದೊಂದಿಗೆ ಅವರು ಈ ವಿಭಿನ್ನ ನೃತ್ಯವನ್ನು ಮಾಡಿದ್ದಾರೆ.
‘ಲೋಕತಂತ್ರದ ಮಹಾಪರ್ವ’ವನ್ನು ಸಂಭ್ರಮಿಸುವ ಸಲುವಾಗಿ ಅವರು ತಮ್ಮ ಜಾನಪದ ನೃತ್ಯಕ್ಕೆ ಹೆಜ್ಜೆಹಾಕಿದ್ದಾರೆ. ಮತದಾನವನ್ನು ಸಾಂಕೇತಿಸುವ ಕೈ ಬೆರಳು ಮತ್ತು ವೋಟರ್ ಐಡಿಯೊಂದಿಗೆ ದೇಶದ ಪ್ರಜೆಗಳಾಗಿರುವ ಜನರ ಹೆಮ್ಮೆ ಇದು ಎಂಬುದನ್ನು ಈ ಮಹಿಳೆಯರು ಸಾರಿದ್ದಾರೆ.
ಕುಲ್ಲುವಿನಲ್ಲಿನ ರಥ ಮೈದಾನದಲ್ಲಿ 5200 ಮಹಿಳೆಯರು ನಾಟಿ ಎಂಬ ಸಾಂಪ್ರದಾಯಿಕ ನೃತ್ಯವನ್ನು ಮಾಡಿದ್ದಾರೆ. ಕುಲ್ಲು ಜಿಲ್ಲಾಡಳಿತ ಆರಂಭಿಸಿರುವ ‘ಅಸ ರ ವೋಟ್, ಅಸ ರ ಅಧಿಕಾರ್’ ಎಂಬ ಮತದಾನ ಜಾಗೃತಿ ಅಭಿಯಾನದ ಭಾಗವಾಗಿ ಈ ನೃತ್ಯವನ್ನು ಪ್ರದರ್ಶಿಸಲಾಗಿದೆ. ಪ್ರಜಾಪ್ರಭುತ್ವದ ವಿಶೇಷ ಹಾಡನ್ನು ಇವರ ನೃತ್ಯಕ್ಕೆ ಹಾಕಲಾಗಿತ್ತು. ಈ ವೇಳೆ ಪ್ರತಿ ಚುನಾವಣೆಯಲ್ಲೂ ಮತ ಹಾಕುತ್ತೇವೆ ಎಂಬ ಪ್ರಮಾಣವನ್ನು ಮಹಿಳೆಯರು ಮಾಡಿದರು.
ಇಷ್ಟು ಮಾತ್ರವಲ್ಲದೇ, ಈ ಮಹಿಳೆಯರ ನೃತ್ಯ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಸ್ಗೂ ಸೇರ್ಪಡೆಗೊಂಡಿದೆ. ಕುಲ್ಲುವಿನ ಜಿಲ್ಲಾಧಿಕಾರಿ ಸರ್ಟಿಫಿಕೇಟ್ ಅನ್ನು ಸ್ವೀಕಾರ ಮಾಡಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
