ಅಹ್ಮದಾಬಾದ್: ಗುಜರಾತ್ ಮೂಲದ ವ್ಯಕ್ತಿಯೊಬ್ಬ ಪ್ರಧಾನಿ ನರೇಂದ್ರ ಮೋದಿಯವರ ಮೇಲೆ ಥಿಸಿಸ್ ಸಿದ್ಧಪಡಿಸಿ ಪಿಎಚ್‌ಡಿ ಪದವಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದಾನೆ. ಮೆಹೂಲ್ ಚೋಕ್ಸಿ ಪಿಎಚ್‌ಡಿ ಪಡೆದ ವಿದ್ಯಾರ್ಥಿ. ಗುಜರಾತ್ ಸಿಎಂ ಆಗಿ ಮೋದಿ ಮತ್ತು ದೇಶದ ಪ್ರಧಾನಿಯಾಗಿ ಮೋದಿ ವಿಷಯದ ಬಗ್ಗೆ ಈತ ಥಿಸಿಸ್ ಸಿದ್ಧಪಡಿಸಿದ್ದಾನೆ.
ವೀರ ನರ್ಮದಾ ಸೌತ್ ಗುಜರಾತ್ ಯೂನಿವಸಿಟಿಯಲ್ಲಿ ರಾಜ್ಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದುಕೊಂಡಿರುವ ಚೋಕ್ಸಿ, ‘ಲೀಡರ್‌ಶಿಪ್ ಅಂಡರ್ ಗೌವರ್ನ್‌ಮೆಂಟ್-ಕೇಸ್ ಸ್ಟಡಿ ಆಫ್ ನರೇಂದ್ರ ಮೋದಿ’ ಎಂಬ ಶೀರ್ಷಿಕೆಯಡಿ ಥಿಸಿಸ್ ಸಿದ್ಧಪಡಿಸಿದ್ದಾನೆ.
ಸಮೀಕ್ಷೆಯನ್ನು ನಡೆಸಿ, ರೈತರು, ಸರ್ಕಾರಿ ಅಧಿಕಾರಿಗಳು, ವಿದ್ಯಾರ್ಥಿಗಳು, ರಾಜಕೀಯ ಮುಖಂಡರು ಮುಂತಾದ ಸುಮಾರು 450 ಮಂದಿಯನ್ನು ಸಂದರ್ಶನ ಮಾಡಿ, ಮೋದಿ ನಾಯಕತ್ವದ ಬಗ್ಗೆ ಅವರ ಅನಿಸಿಕೆ, ಅಭಿಪ್ರಾಯಗಳನ್ನು ಸಂಗ್ರಹಿಸಿದ್ದಾರೆ. ಮೋದಿಯ ಬಗ್ಗೆ ಒಂದಿಷ್ಟು ಪ್ರಶ್ನೆಗಳನ್ನು ಅವರ ಮುಂದಿಟ್ಟು ಉತ್ತರವನ್ನು ಪಡೆದುಕೊಂಡಿದ್ದಾರೆ.
32 ಪ್ರಶ್ನೆಗಳನ್ನು ಅವರು 450 ಮಂದಿಯ ಮುಂದಿಟ್ಟಿದ್ದಾರೆ. ಇದರಲ್ಲಿ ಶೇ.25ರಷ್ಟು ಮಂದಿ ಮೋದಿ ಅದ್ಭುತವಾದ ಭಾಷಣದ ಹೆಚ್ಚು ಸೆಳೆಯುತ್ತವೆ ಎಂದಿದ್ದಾರೆ, ಶೇ.48ರಷ್ಟು ಮಂದಿ ಮೋದಿಯವರ ಪೊಲಿಟಿಕಲ್ ಮಾರ್ಕೆಟಿಂಗ್ ಉತ್ತಮವಾಗಿದೆ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ವೀರ ನರ್ಮದಾ ಯೂನಿವರ್ಸಿಟಿಯ ಕಲಾ ವಿಭಾಗದ ಮುಖ್ಯಸ್ಥ ನಿಲೇಶ್ ಜೋಶಿ ಅವರ ಮಾರ್ಗದರ್ಶನದಲ್ಲಿ ಚೋಕ್ಸಿ ಥಿಸಿಸ್ ಪೂರ್ಣಗೊಳಿಸಿದ್ದಾರೆ.
ದೇಶದ ಅತ್ಯನ್ನತವಾದ ಹುದ್ದೆಯನ್ನು ಹೊಂದಿರುವ ವ್ಯಕ್ತಿಯ ಬಗ್ಗೆ ಯಾವುದೇ ತಾರತಮ್ಯಗಳನ್ನು ಮಾಡದೆ ಥಿಸಿಸ್ ಸಿದ್ಧಪಡಿಸುವುದು ನಮಗೆ ಅತೀದೊಡ್ಡ ಸವಾಲಿನ ಕೆಲಸವಾಗಿತ್ತು ಎಂದು ನಿಲೇಶ್ ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
