ಸೂರತ್: ಈಗಾಗಲೇ ಮದುವೆ ಕಾರ್ಡ್‌ಗಳಲ್ಲಿ ಮೋದಿಯ ಚಿತ್ರ ಹಾಕುವುದು, ಟಿ-ಶರ್ಟ್‌ಗಳಲ್ಲಿ ನಮೋ ಸ್ಲೋಗನ್‌ಗಳನ್ನು ಹಾಕುವುದು ಒಂದು ಟ್ರೆಂಡ್ ಆಗಿಬಿಟ್ಟಿದೆ. ಇದಕ್ಕೆ ಹೊಸ ಸೇರ್ಪಡೆ ಸೀರೆ. ಮೋದಿಯ ಭಾವಚಿತ್ರವುಳ್ಳ ಸೀರೆಗಳು ಮೋದಿಯ ತವರು ರಾಜ್ಯ ಗುಜರಾತ್‌ನಲ್ಲಿ ಭಾರೀ ಹವಾ ಎಬ್ಬಿಸಿದೆ.
ಸೂರತ್‌ನಲ್ಲಿ ಮೋದಿ ಸೀರೆಯ ಟ್ರೆಂಡ್ ಆರಂಭಗೊಂಡಿದೆ, ಮಹಿಳೆಯರು ಭಾರೀ ಪ್ರಮಾಣದಲ್ಲಿ ಈ ಸೀರೆಗಳನ್ನು ಖರೀದಿ ಮಾಡುತ್ತಿದ್ದಾರೆ. ಮಾರುಕಟ್ಟೆಗಳು ಈ ಸೀರೆ ಖರೀದಿಸುವವರಿಂದಲೇ ತುಂಬಿ ತುಳುಕುತ್ತಿದೆ.
ಈ ಸೀರೆಗಳಲ್ಲಿ ಮೋದಿ ಚಿತ್ರಗಳನ್ನು ಡಿಜಿಟಲ್ ಆಗಿ ಪ್ರಿಂಟ್ ಮಾಡಲಾಗಿದೆ. ಮೋದಿ ಚಿತ್ರವುಳ್ಳ ಕನಿಷ್ಠ ನಾಲ್ಕು ಬಗೆಯ ಸೀರೆಗಳು ಪ್ರಸ್ತುತ ಮಾರುಕಟ್ಟೆಯಲ್ಲಿ ಇದೆ ಎಂದು ಮಾರಾಟಗಾರರು ತಿಳಿಸಿದ್ದಾರೆ.
ಈಗಾಗಲೇ ಮೋದಿ ಚಿತ್ರವುಳ್ಳ ಟಿ-ಶರ್ಟ್, ಮದುವೆ ಕಾರ್ಡ್, ರಾಖಿ, ಮಗ್, ಗೋಲ್ಡ್ ಮತ್ತು ಸಿಲ್ವರ್ ಬಾರ್‌ಗಳು ಸುದ್ದಿ ಮಾಡಿವೆ. ಇದೀಗ ಸೀರೆಗಳು ಈ ಸಾಲಿಗೆ ಸೇರುತ್ತಿವೆ. ಮುಂಬರುವ ದಿನಗಳಲ್ಲಿ ಬೇರೆ ಬೇರೆ ರಾಜಕಾರಣಿಗಳ ಇನ್ನಷ್ಟು ಸೀರೆಗಳನ್ನು ಹೊರತರುವ ಹುಮ್ಮಸ್ಸಿನಲ್ಲಿದ್ದಾರೆ ಮಾರಾಟಗಾರರು.
ಇತ್ತೀಚಿಗೆ ನವದಂಪತಿಗಳು ತಮ್ಮ ಔತಣಕೂಟದಲ್ಲಿ ಮೋದಿ ಭಾವಚಿತ್ರವನ್ನು ಹಿಡಿದು ಬಂದ ಅತಿಥಿಗಳಲ್ಲಿ ಮೋದಿಗೆ ಮತ ಹಾಕಿ ಎಂದು ವಿನಂತಿಸುತ್ತಿರುವ ಫೋಟೋ ವೈರಲ್ ಆಗಿತ್ತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
