ನವದೆಹಲಿ: ಕೇಂದ್ರ ಸರ್ಕಾರವು 7.47 ಲಕ್ಷ ಕಲಶ್ನಿಕೋವ್ ಸರಣಿಯ ಅಸಾಲ್ಟ್ ರೈಫಲ್‌ನ್ನು ಉತ್ಪಾದನೆ ಮಾಡುವ ಪ್ರಸ್ತಾವಣೆಗೆ ಬುಧವಾರ ಅನುಮೋದನೆಯನ್ನು ನೀಡಿದೆ. ಆರ್ಡನ್ಸ್ ಫ್ಯಾಕ್ಟರಿ ಬೋರ್ಡ್ ಮತ್ತು ರಷ್ಯಾ ಸಂಸ್ಥೆಯ ಜಂಟಿ ಸಹಯೋಗದಲ್ಲಿ ಇದರ ಉತ್ಪಾದನೆಯಾಗಲಿದೆ, ಉತ್ತರಪ್ರದೇಶದ ಕೋರ‍್ವಾದಲ್ಲಿ ಈ ಗನ್ ಉತ್ಪಾದನೆಯ ಘಟಕ ಆರಂಭವಾಗಲಿದೆ.
ಕೋರ‍್ವಾ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಪ್ರತಿನಿಧಿಸುವ ಲೋಕಸಭಾ ಕ್ಷೇತ್ರವಾಗಿದೆ.
ಈ ಜಂಟಿ ಸಹಯೋಗದಲ್ಲಿ ರಷ್ಯಾದ ಷೇರು ಶೇ.49.5ರಷ್ಟು ಇದೆ ಮತ್ತು ಆರ್ಡನ್ಸ್ ಫ್ಯಾಕ್ಟರಿ ಬೋರ್ಡ್‌ನ ಷೇರು ಶೇ.50.5ರಷ್ಟು ಇರಲಿದೆ.
ಕೋರ‍್ವಾ ಘಟಕ 7.62×39 ಎಂಎಂ ಕ್ಯಾಲಿಬ್ರೆ ಎಕೆ-203 ಗನ್‌ಗಳನ್ನು ಉತ್ಪಾದನೆ ಮಾಡಲಿದೆ, ಇದು ಎಕೆ-47 ರೈಫಲ್‌ನ ಸುಧಾರಿತ ಮಾದರಿಯಾಗಿದೆ. ಫೆ.15ರಂದು ಈ ಒಪ್ಪಂದಕ್ಕೆ ಸಹಿ ಬೀಳುವ ನಿರೀಕ್ಷೆ ಇದೆ. ಫೆ.28ರಂದು ಈ ಯೋಜನೆಗೆ ಮೋದಿ ಚಾಲನೆ ನೀಡಲಿದ್ದಾರೆ.
ಎನ್‌ಡಿಎ ಸರ್ಕಾರದ ಮಹತ್ವಾಕಾಂಕ್ಷೆಯ ಯೋಜನೆಯಾದ ಮೇಕ್ ಇನ್ ಇಂಡಿಯಾಗೆ ಇದು ಇನ್ನಷ್ಟು ಉತ್ತೇಜನವನ್ನು ನೀಡಲಿದೆ. ರೈಫಲ್ ಉತ್ಪಾದನೆಗೆ ಶೇ.100ರಷ್ಟು ಸ್ಥಳಿಯ ಕಂಟೆಂಟ್‌ಗಳನ್ನು ಒದಗಿಸುವ ಗುರಿಯನ್ನು ಇಟ್ಟುಕೊಂಡಿದೆ.
ಮೊನ್ನೆಯಷ್ಟೇ ಭಾರತ, 72,000 ಸಿಗ್ ಸಾರ್ 716 ಅಸಾಲ್ಟ್ ರೈಫಲ್ಸ್‌ನ್ನು ಯುಎಸ್‌ಎ ಸಂಸ್ಥೆಯಿಂದ ಖರೀದಿ ಮಾಡಲು ಅನುಮೋದನೆ ನೀಡಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
