ವಿಟ್ಲ : ಇಂದು (ಮಾರ್ಚ್ 27, 2018) ರ ಮಂಗಳವಾರ ಸಂಜೆ 4.30 ಕ್ಕೆ ವಿಟ್ಲ ಮೂರ್ಕಜೆಯ ಮೈತ್ರೇಯಿ ಕನ್ಯಾ ಗುರುಕುಲದ ಅರ್ಧಮಂಡಲೋತ್ಸವ ಕಾರ್ಯಕ್ರಮದ ಉದ್ಘಾಟನಾ ಕಾರ್ಯಕ್ರಮವು ನಡೆಯಲಿದೆ.
ಸ್ವಸ್ಥವ್ಯಕ್ತಿಯ ನಿರ್ಮಾಣದ ಮೂಲಕ ಸ್ವಸ್ಥ ಸಮಾಜವನ್ನು ಕಟ್ಟುವ ಉದ್ದೇಶವನ್ನಿಟ್ಟು ಮೈತ್ರೇಯೀ ಗುರುಕುಲವು 1994 ರಲ್ಲಿ ಆರಂಭಗೊಂಡಿತು. ಸ್ವಸ್ಥವ್ಯಕ್ತಿಯ ನಿರ್ಮಾಣದಲ್ಲಿ ತಾಯಿಯ ಪಾತ್ರ ಅತ್ಯಂತ ಮಹತ್ವದ್ದು. ಅಂತಹ ಸುಶಿಕ್ಷಿತ ಮಾತೆಯರ ನಿರ್ಮಾಣ ಕಾರ್ಯದಲ್ಲಿ 24 ವರ್ಷಗಳಿಂದ ನಿರಂತರವಾಗಿ ಪ್ರಯತ್ನ ಮಾಡುತ್ತಾ ಬಂದಿದೆ. ಈ ಮೈತ್ರೇಯೀ ಕನ್ಯಾಗುರುಕುಲವು ಈ ವರ್ಷ ತನ್ನ ಅರ್ಧಮಂಡಲೋತ್ಸವವನ್ನು (48 ವರ್ಷಗಳೆಂದರೆ ಪೂರ್ಣಮಂಡಲ. ಅದರ ಅರ್ಧ 24 ವರ್ಷಗಳು. ಈ 24 ವರ್ಷಗಳೆಂದರೆ ಅರ್ಧಮಂಡಲ) ಆಚರಿಸಿಕೊಳ್ಳುತ್ತಿದೆ.
ಆ ಪ್ರಯುಕ್ತ 2018 ರ ಯುಗಾದಿಯಿಂದ 2019 ರ ಯುಗಾದಿಯವರೆಗೆ, ಒಂದು ವರ್ಷಾವಧಿಯಲ್ಲಿ ವೇದ ಶಿಬಿರ, ಯೋಗ ಶಿಬಿರ, ಮಾತೃಪೂಜನ, ದೀಪ ಪೂಜನ, ಸಂಸ್ಕೃತ ಶಿಬಿರ, ಯೋಗ ಶಿಬಿರ ಇತ್ಯಾದಿ ಚಟುವಟಿಕೆಗಳನ್ನು ರಾಜ್ಯಾದ್ಯಂತ ಹಮ್ಮಿಕೊಂಡಿದೆ. ವರ್ಷಪೂರ್ತಿ ನಡೆಯುವ ಆ ಎಲ್ಲಾ ಕಾರ್ಯಕ್ರಮಗಳ ಉದ್ಘಾಟನೆಯು 27-3-2018 ರ ಮಂಗಳವಾರ ಸಂಜೆ 4.30ಗಂಟೆಗೆ ನಡೆಯುವ ಕಾರ್ಯಕ್ರಮದಲ್ಲಿ ನೆರವೇರಲಿದೆ.
ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಸರಸಂಘಚಾಲಕರಾದ ಶ್ರೀ ಮೋಹನ್ ಜೀ ಭಾಗವತ್ ಅವರು ಕಾರ್ಯಕ್ರಮದ ಉದ್ಘಾಟನೆಯನ್ನು ನೆರವೇರಿಸಲಿದ್ದಾರೆ.
ಆರ್ಟ್ ಆಫ್ ಲಿವಿಂಗ್ನ ಶ್ರೀ ರವಿಶಂಕರ ಗುರೂಜಿ ಅವರು ಅಧ್ಯಕ್ಷತೆ ವಹಿಸಲಿದ್ದಾರೆ. ಆದಿಚುಂಚನಗಿರಿ ಮಹಾಸಂಸ್ಥಾಪನಂನ ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿ ಅವರು ಆಶೀರ್ವಚನ ನೀಡಲಿದ್ದಾರೆ. ಅಭ್ಯಾಗತರಾಗಿ ಶ್ರೀಮತಿ ಅನ್ನಪೂರ್ಣ ಅಗಡಿ, ಅಧ್ಯಕ್ಷರು, ನಾಗಶಾಂತಿ ಎಜುಕೇಶನಲ್ ಆಂಡ್ ಚಾರಿಟೇಬಲ್, ಹುಬ್ಬಳ್ಳಿ ಇವರು ಉಪಸ್ಥಿತರಿರಲಿದ್ದಾರೆ.
ಗುರುಕುಲ ಪಂಚಮುಖೀ ಶಿಕ್ಷಣವನ್ನು ಪರಿಚಯಿಸುವ ಪ್ರದರ್ಶಿನಿ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮವಿರುತ್ತದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
