ಕಣ್ಣಿಲ್ಲದ ಕಂದಮ್ಮಗಳಿಗೆ ದೃಷ್ಠಿ ನೀಡಿದ ಸತೀಶ್ ಜೀ

ನೋಡು ವಿಠ್ಠಲಾ ಯಾರ ಹತ್ತಿರನೂ ಕೈ ಚಾಚಬೇಡಾ, ನಿನ್ನಲ್ಲಿರುವ ಅಕ್ಷರ ಜ್ಞಾನವನ್ನು ಮಾರಿಕೊಳ್ಳಬೇಡ, ವ್ಯಕ್ತಿಪೂಜಕರಾಗದೇ ಸ್ವಾವಲಂಬಿಯಾಗು, ಸಮಾಜದ ನ್ಯೂನ್ಯತೆ ಎತ್ತಿ ಹಿಡಿದು ನ್ಯಾಯ, ನಿಷ್ಠೆ, ಧರ್ಮ, ನಿನ್ನ ಕೈ ಬರಹವಾಗಲಿ ಎಂದು ಹರಸಿ ಹಾರೈಸಿದ ಸತೀಶ್ ಜೀ ಇಲ್ಲದ ಕ್ಷಣವನ್ನು ಊಹಿಸಲಸಾಧ್ಯ. ದೈಹಿಕವಾಗಿ ಅವರಿಲ್ಲದಿದ್ದರೂ ಅವರು ತೋರಿದ ಮಾರ್ಗದಲ್ಲಿ ಇಂದಿಗೂ ಮುನ್ನಡೆದಿದ್ದೇನೆ.

ನಿಜ, ಬಾಲ್ಯದಿಂದಲೂ ಸಂಘದ ಜತೆಗೆ ಜೋಡಿಸಿಕೊಂಡ ಮೇಲೆ ನಿತ್ಯ ಜೀವನ ಸಂಘಕಾರ್ಯದೊಂದಿಗೆ ಸಂಯೋಜಿಸಿಕೊಳ್ಳಲು ಪ್ರೇರಣೆ ನೀಡಿದವರು ಸತೀಶ್ ಜೀ ಕೋಲ್ಹಾರ. ಮೊದಲು ಒಂದೆಡೆ ಕೆಲಸ ಮಾಡುತ್ತ ಕುಂಟುತ್ತ ಸಾಗಿದ ನನ್ನ ಜೀನವದ ಆರ್ಥಿಕ ಸ್ಥಿತಿ ಸುಧಾರಣೆಗೆ ಸತೀಶ್ ಜೀ ಅವರು ಉತ್ತೇಜಿಸಿದ ನಂತರ ಹೊರಗಡೆಯ ಜಂಜಾಟ ಬಿಟ್ಟು ಐಡಿಯಾ (ಆದಿತ್ಯ ಬಿರ್ಲಾ ಗ್ರೂಫ್) ಮ್ಯಾನೇಜರ್ ಆಗಿ ಕಾರ್ಯ ನಿರ್ವಹಣೆ ಆರಂಭವಾಯ್ತು. ಕೈ ತುಂಬ ಸಂಬಳ, ಓಡಾಡಲೂ ಗಾಡಿ ಎಲ್ಲವೂ ಒಂದು ರೀತಿಯ ಬದುಕಿನ ದಿಕ್ಕಿಗೆ ಹೊಸ ಆಯಾಮವನ್ನು ನೀಡಿತು. 2014 ರಲ್ಲಿ ನಿರೀಕ್ಷಿತ ಐಡಿಯಾ ಕಂಪನಿ ಕೆಲಸಕ್ಕೆ ರಾಜೀನಾಮೆ. ನಂತರದ ಜೀವನ ಯಥಾಸ್ಥಿತಿ. ಅನಿರೀಕ್ಷಿತವೆಂಬಂತೆ ನಿನ್ನಲ್ಲಿ ಬರವಣಿಗೆ ಆಸಕ್ತಿಯಿದೆ. ಪ್ರತಿಯೊಂದು ಅಕ್ಷರಗಳಿಗೂ ನಿಜ ಜೀವನದ ರೂಪ ಕೊಡು ಎಂದು ತಿಳಿಸಿ ನನ್ನ ಆತ್ಮವಿಶ್ವಾಸವನ್ನು ಹೆಚ್ಚಿಸಿ ಮೇಲೆ ತಿಳಿಸಿದ ವಾಕ್ಯಗಳ ಪ್ರೇರಣೆ ನೀಡಿ, ಪತ್ರಿಕೆಯ ಅವಕಾಶ, ಜೊತೆಗೆ ಪತ್ರಕರ್ತರ ನಿಜ ಜೀವನ ಅನುಭವ ಎರಡು ನನ್ನ ಜೀವನದುದ್ದಕ್ಕೂ ಮರೆಯಲಾಗದ ನೆನಪುಗಳು. ನಂತರ ಪತ್ರಿಕೆಗೆ ರಾಜೀನಾಮೆ, ಎರಟೆಲ್ ಸ್ವಂತ ಉದ್ಯೋಗ ಪ್ರಾಂಭಿಸಿದ ಮೇಲೆಯೂ ನಿತ್ಯ ಪೋನ್ ಮಾಡಿ ಆಫೀಸ್ ಹೇಗೆ ನಡೆಯುತ್ತಿದೆ ಎಂದು ವಿಚಾರಿಸಿ ಸೂಕ್ತ ಮಾರ್ಗದರ್ಶನ ಮಾಡಿದ್ದು ಸತೀಶ್ ಜೀ….

ವರ್ಣಿಸಲಸಾಧ್ಯ ನೆನಪುಗಳು ಮರುಕಳಿಸುತ್ತಿವೆ. ವಿಧಿಯ ಆಟಕ್ಕೆ ಅವರ ವಿಚಾರಗಳು ಮಸುಕಾಗದಿರಲಿ, ಅವರು ತೋರಿದ ಹಾದಿಯಲ್ಲಿ ನಾವೆಲ್ಲರೂ ಸಾಗೋಣ, ಸತೀಶ್ ಜೀ ಅವರು ದೈಹಿಕವಾಗಿ ನಮ್ಮಜೊತೆಗೆ ಇಲ್ಲದೆ ಇಂದಿಗೆ (8/ಫೆ/ 2017) ಒಂದು ವರ್ಷವಾಯ್ತು, ಸಾವಿನಲ್ಲಿಯೂ ಸೂಕ್ತ ಸಂದೇಶವನ್ನು ನೀಡಿದ್ದಾರೆ. ಅಂಧತ್ವ ಮುಕ್ತ ಭಾರತಕ್ಕಾಗಿ ಸಂಕಲ್ಪಿಸಿದಂತೆ ನೇತ್ರದಾನ ಮಾಡಿದ್ದು, ನಮ್ಮೆಲ್ಲರಿಗೂ ನೇತ್ರದಾನದ ಅರಿವು ಮೂಡಿಸಿದ್ದಾರೆ. ಅವರ ಜೀವನದ ಅನುಭವ ಶಬ್ದಗಳಲ್ಲಿ ವರ್ಣಿಸಲಾಧ್ಯ. ಸಾವಿನಲ್ಲಿ ಸಾರ್ಥಕತೆ ಮೆರೆದ ಸತೀಶ್ ಜೀ ಅವರು ಇಂದು ಕಣ್ಣಿಲ್ಲದ ಕಂದಮ್ಮಗಳಿಗೆ ದೃಷ್ಟಿ ನೀಡಿದ್ದಾರೆ. ಅವರ ಪ್ರಥಮ ಪುಣ್ಯ ಸ್ಮರಣೆ ಅಂಗವಾಗಿ ಕಣ್ಣಿಂದ ಕಣ್ಣಿಗಾಗಿ ವಿಶೇಷ ಅಭಿಯಾನ ನಡೆಯಲಿದೆ. ಅದು 8/02/2018 ರಂದು ಮಧ್ಯಾಹ್ನ 3 ಗಂಟೆಗೆ ಮುಧೋಳ ತಾಲೂಕಿನ ಮಾಲಾಪೂರ ಗ್ರಾಮದ ಭಾಗೀರಥಿ ಶಿಶು ಮಂದಿರದಲ್ಲಿ ನಡೆಯಲಿರುವ ಸತೀಶ ಜೀ ಸ್ಮರಣೋತ್ಸವದಲ್ಲಿ ತಾವೆಲ್ಲರೂ ಭಾಗಿಯಾಗಿ ನೇತ್ರದಾನದ ಸಂಕಲ್ಪ, ಜಾಗೃತಿ ಮೂಡಿಸುವ ಕಾರ್ಯದಲ್ಲಿ ನಮ್ಮೊಂದಿಗೆ ಕೈ ಜೋಡಿಸಿ ಎಂದು ವಿನಂತಿಸುತ್ತಾ…….

– ವಿಠ್ಠಲ್ ಹನುಮಂತ ಪರಿತ್