ಮಹಾಮಳೆಗೆ ಮುಂಬಯಿ ತತ್ತರಿಸಿ ಹೋಗಿದ್ದ ಸಂದರ್ಭದಲ್ಲಿ ಹಲವಾರು ಮಂದಿ ತಮ್ಮಿಂದಾದ ಸಹಾಯ ಮಾಡಿ ಸಂತ್ರಸ್ಥರು ಪರಿಸ್ಥಿತಿಯನ್ನು ಧೈರ್ಯಯುತವಾಗಿ ಎದುರಿಸಲು ಸಹಾಯ ಮಾಡಿದ್ದಾರೆ. ಈ ಮೂಲಕ ಮುಂಬಯಿ ಹೃದಯವಂತರ ನಾಡು ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.
ಹೆಚ್ಚಿನ ಸೆಲೆಬ್ರಿಟಿಗಳು ಎನಿಸಿಕೊಂಡವರೆಲ್ಲಾ ಟ್ವಿಟ್ ಮಾಡಿ ಶೋಕ ವ್ಯಕ್ತಪಡಿಸುವುದರಲ್ಲಿ, ಜನರಿಗೆ ಹುಷಾರಾಗಿರಿ ಎಂದು ಹೇಳುವುದರಲ್ಲೇ ಬ್ಯೂಸಿಯಾಗಿದ್ದ ಸಂದರ್ಭದಲ್ಲಿ ನಟ ಗೋವಿಂದ್ ನಾಮ್‌ದೇವ್ ನೆರೆ ಬಂದು ಹೋದ ಬಳಿಕ ಅಕ್ಷರಶಃ ಮೂಲೆಗುಂಪಾಗಿ ದಿಕ್ಕು ಕಾಣದಾದ ಭಿಕ್ಷುಕರ, ಬೀದಿ ಬದಿ ಮಕ್ಕಳ ನೆರವಿಗೆ ಆಗಮಿಸಿದ್ದಾರೆ. ಆಹಾರ, ರೈನ್ ಕೋಟ್, ಕೊಡೆಗಳನ್ನು ಅವರಿಗೆ ಹಂಚಿದ್ದಾರೆ.
ನೆರೆ ಬಂದಾಗ ಅವರ ಕಾರು ರಸ್ತೆ ಬದಿಯಲ್ಲಿ ಸಿಕ್ಕಿ ಹಾಕಿಕೊಂಡಿತು. ಈ ವೇಳೆ ಬೀದಿ ಜನರ ಗುಂಪೊಂದು ದಿಕ್ಕು ತೋಚದೆ ಕಂಗಾಲಾಗಿ ನಿಂತಿತ್ತು. ಅವರಲ್ಲಿ ಮಹಿಳೆಯರೂ, ಮಕ್ಕಳೂ ಇದ್ದರು. 6-7 ತಿಂಗಳಿನ ಪುಟ್ಟ ಮಗುವನ್ನು ಮಳೆಯಿಂದ ರಕ್ಷಿಸಲು ಅವರು ಮುರಿದ ಕೊಡೆ, ಬಟ್ಟೆಗಳನ್ನು ಹಿಡಿಯುತ್ತಿದ್ದರು. ನೋಡಿ ಮನ ಕಲುಕಿತು. ತಕ್ಷಣವೇ ಅವರ ಸಹಾಯಕ್ಕೆ ಧಾವಿಸಿದೆ. ಡ್ರೈವರ್‌ಗೆ ಹೇಳಿ ಅವರಿಗೆ ಹಾಲು, ವಡಾ ಪಾವ್ ತರಿಸಿಕೊಟ್ಟೆ. ಬಳಿಕ ದೊಡ್ಡ ಕೊಡೆಗಳನ್ನು, ರೈನ್ ಕೋಟ್‌ಗಳನ್ನು ಅವರಿಗೆ ನೀಡಿದೆವು.
ನೆರೆಯಲ್ಲಿ ಬಡವರು ಹೆಚ್ಚಿನ ಸಂಕಟ ಅನುಭವಿಸುತ್ತಾರೆ. ಅವರಿಗೆ ಬಟ್ಟೆಗಳನ್ನು, ಔಷಧಿಗಳನ್ನು ಕೊಡುವ ವ್ಯವಸ್ಥೆಯನ್ನು ನಾವು ಮಾಡಬೇಕು ಎಂದು ಗೋವಿಂದ್ ನಾಮ್‌ದೇವ್ ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
