ಗುರಿ ತಲುಪುವ ತನಕ ಹೋರಾಟವನ್ನು ನಿಲ್ಲಿಸಬೇಡ, ನಿನ್ನಲ್ಲಿ ವಿಭಿನ್ನತೆ ಇದೆ, ನಿನ್ನಲ್ಲಿ ಗುರಿ ಇದೆ, ಜ್ಞಾನವನ್ನು ನಿರಂತರವಾಗಿ ಪಡಿ, ಶ್ರಮಪಡು, ಬದುಕಿನ ಶ್ರೇಷ್ಠತೆಯನ್ನು ಅರಿಯಲು ಪರಿಶ್ರಮಪಡು ಎಂದು ಮಾಜಿ ರಾಷ್ಟ್ರಪತಿ ಅಬ್ದುಲ್ ಕಲಾಂ ಹೇಳಿದ ಮಾತನ್ನು ಚಾಚು ತಪ್ಪದಂತೆ ಪಾಲಿಸಿ ಇದೀಗ ಯಶಸ್ಸಿನ ಉತ್ತುಂಗ ಏರಿದವನು ಮಾಯಾಂಕ್ ಭುರ.
23 ವರ್ಷದ ಈತ ಗೂಗಲ್ ಸಂಸ್ಥೆಯಲ್ಲಿ ಉದ್ಯೋಗ ಗಿಟ್ಟಿಸುವಲ್ಲಿ ಯಶಸ್ವಿಯಾಗಿದ್ದಾನೆ. ಈತ ಗೂಗಲ್‌ವರೆಗೆ ಪ್ರಯಾಣಿಸಲು ಪಟ್ಟ ಪರಿಶ್ರಮ ನಿಜಕ್ಕೂ ಪ್ರೇರಣಾದಾಯಕ.
ಹೈಸ್ಕೂಲ್ ಓದುತ್ತಿರುವಾಗಲೇ ಕೋಡಿಂಗ್‌ನಲ್ಲಿ ಆಸಕ್ತಿ ಹೊಂದಿದ್ದ ಈತ ಟೆಕ್ಕಿ ಆಗಬೇಕು ಎಂಬ ಕನಸು ಕಂಡವನು. ಎನ್‌ಐಟಿಕೆಯಲ್ಲಿ ಎಂಜಿನಿಯರಿಂಗ್ ಪದವಿ ಮುಗಿಸಿದ ಈತ. 3ನೇ ವರ್ಷದ ವ್ಯಾಸಂಗದಲ್ಲಿದ್ದಾಗಲೇ ಗೂಗಲ್ ಬೆಂಗಳೂರಿನಲ್ಲಿ ಇಂಟರ್ನ್‌ಶಿಪ್ ಮಾಡಿದ್ದ. ಕೊನೆಗೆ ಪ್ರೀ ಪ್ಲೇಸ್‌ಮೆಂಟ್ ಆಫರ್(ಪಿಪಿಓ) ಇಂಟರ್‌ವ್ಯೂವ್ ಮೂಲಕ ಉದ್ಯೋಗವನ್ನು ಗಿಟ್ಟಿಸಕೊಂಡ.
ಪಿಪಿಓಗಾಗಿ ನಿರಂತರ ಸಜ್ಜಾಗುತ್ತಿದ್ದೆ, ಹಲವಾರು ಉತ್ತಮ ವೆಬ್‌ಸೈಟ್‌ಗಳಲ್ಲಿ ಕೋಡಿಂಗ್ ಕಲಿತೆ. ಆನ್‌ಲೈನ್‌ಗಳ ಮುಖಾಂತರ ಡಾಟಾ ಸ್ಟ್ರಕ್ಚರ್ ಮತ್ತು ಕ್ರಮಾವಳಿಗಳ ಬಗ್ಗೆ ಅಭ್ಯಾಸಿಸಿದೆ. ನಿರಂತರವಾಗಿ ಪಟ್ಟ ಶ್ರಮದಿಂದ ಕೊನೆಗೂ ಕನಸಿನಂತೆ ಜಾಗತಿಕ ಇಂಟರ್ನೆಟ್ ದೈತ್ಯ ಗೂಗಲ್‌ನಲ್ಲಿ ಉದ್ಯೋಗಪಡೆಯಲು ಯಶಸ್ವಿಯಾದೆ ಎಂದು ಮಾಯಾಂಕ್ ಹೇಳುತ್ತಾರೆ.
ಗೂಗಲ್‌ನಲ್ಲಿನ ಉದ್ಯೋಗಿಗಳು ತುಂಬಾನೇ ಸ್ಮಾರ್ಟ್, ತುಂಬಾ ಜ್ಞಾನ, ಅನುಭವ ಅವರಿಗಿದೆ. ಅವರೊಂದಿಗೆ ಕಾರ್ಯನಿರ್ವಹಿಸುವುದರಿಂದ ನಾವೂ ತುಂಬಾ ಜ್ಞಾನ ಪಡೆದುಕೊಳ್ಳಬಹುದು ಎನ್ನುತ್ತಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
