ನವದೆಹಲಿ: ಅತ್ಯಂತ ಆಕರ್ಷಕ ರೀತಿಯಲ್ಲಿ ತನ್ನ ಡೂಡಲ್‌ನ್ನು ವಿನ್ಯಾಸಗೊಳಿಸುವ ಮೂಲಕ ಗೂಗಲ್ ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಆಚರಿಸಿದೆ.
ಪ್ರತಿವರ್ಷ ಮಾರ್ಚ್8ರಂದು ವಿಶ್ವದಾದ್ಯಂತ ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಆಚರಿಸಲಾಗುತ್ತದೆ. ಮಹಿಳಾ ಹಕ್ಕು, ಸ್ತ್ರೀ ಸಬಲೀಕರಣವೇ ಈ ಆಚರಣೆಯ ಮುಖ್ಯ ಉದ್ದೇಶ.
ಈ ಬಾರಿ ಮಹಿಳಾ ದಿನಾಚರಣೆಯನ್ನು ಅತ್ಯಂತ ವಿಶೇಷ ರೀತಿಯಲ್ಲಿ ಆಚರಿಸಿರುವ ಗೂಗಲ್, ತನ್ನ ಡೂಡಲ್‌ನಲ್ಲಿ 8 ಸ್ಲೈಡ್ ಶೋಗಳನ್ನಿಟ್ಟು ಖ್ಯಾತ ಮಹಿಳೆಯರು ಮತ್ತು ಕಲೆಯಿಂದ ವಿಜ್ಞಾನದವರೆಗೆ ಅವರು ನೀಡಿರುವ ಕೊಡುಗೆಗಳನ್ನು ಜ್ಞಾಪಿಸಿದೆ.
ಅಜ್ಜಿಯೊಬ್ಬಳು ತನ್ನ ಮೊಮ್ಮಗಳಿಗೆ ಮಹಿಳೆಯರ ಧೈರ್ಯ, ಅವರು ವಿವಿಧ ರಂಗದಲ್ಲಿ ಮಾಡಿದ ಸಾಧನೆ, ಜಗತ್ತಿಗೆ ಸ್ಫೂರ್ತಿ ತುಂಬಿದ ಕಥೆ ಹೇಳುವ ಡೂಡಲ್ ಆರಂಭಗೊಂಡಿದೆ. ಬಳಿಕದ ಸ್ಲೈಡ್‌ನಲ್ಲಿ ಆ ಕಥೆ ಮೊಮ್ಮಗಳನ್ನು ಕಾಲ್ಪನಿಕ ಜಗತ್ತಿಗೆ ತೆಗೆದುಕೊಂಡು ಹೋಗುತ್ತದೆ. ಇಲ್ಲಿ ಆಕೆ ಸಂಗೀತಗಾರ್ತಿ, ಬಾಹ್ಯಾಕಾಶ ತಜ್ಞೆ, ನೃತ್ಯಗಾರ್ತಿ, ವಿಜ್ಞಾನಿ, ವೈದ್ಯೆ, ಟೆನ್ನಿಸ್ ಆಟಗಾರ್ತಿ ಮುಂತಾದ 13 ಮಹಿಳೆಯರನ್ನು ಭೇಟಿಯಾಗುತ್ತಾಳೆ.
ಈ ಅದ್ಭುತ ಡೂಡಲ್ ಮೂಲಕ ಗೂಗಲ್ ಕಥೆ ಹೇಳುವ ಕಲೆಯಲ್ಲಿ ಅಮೋಘ ಬದಲಾವಣೆಯನ್ನು ತಂದಿದೆ.
ಮೊಟ್ಟ ಮೊದಲ ಬಾರಿಗೆ 1909 ಫೆ.28ರಂದು ನ್ಯೂಯಾರ್ಕ್‌ನಲ್ಲಿ ಸೋಶಲಿಸ್ಟ್ ಪಾರ್ಟಿ ಮಹಿಳಾ ದಿನವನ್ನು ಆಚರಣೆ ಮಾಡಿತು.
ಬಳಿಕ 1977ರಲ್ಲಿ ವಿಶ್ವಸಂಸ್ಥೆ ಮಾರ್ಚ್ ೮ನ್ನು ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನಾಗಿ ಘೋಷಿಸಿತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
