ಕ್ಯಾಂಪ್ಕೋ ಉದ್ಯೋಗಿಗಳ ಕುಟುಂಬ ಮಿಲನ್

ಪುತ್ತೂರು:  ಕ್ಯಾಂಪ್ಕೋ ನಿಯಮಿತ ಮಂಗಳೂರು ಇದರ “ಕ್ಯಾಂಪ್ಕೋ ಉದ್ಯೋಗಿಗಳ ಕುಟುಂಬ ಮಿಲನ್” ಕಾರ್ಯಕ್ರಮ ಕ್ಯಾಂಪ್ಕೋ ಚಾಕಲೇಟು ಎಂಪ್ಲಾಯಿಸ್ ರಿಕ್ರೀಯೇಷನ್ ಸೆಂಟರಿನ ಸಭಾಂಗಣದಲ್ಲಿ ನಡೆಯಿತು.

ಹಿರಿಯ ಪ್ರಚಾರಕರು, ಕುಟುಂಬ ಪ್ರಭೋದನ ಅಖಿಲ ಭಾರತೀಯ ಸಹ ಸಂಯೋಜಕರಾದ ಸು.ರಾಮಣ್ಣನವರು ಮಾರ್ಗದರ್ಶನ ನೀಡಿದರು.

ಕುಟುಂಬವನ್ನು ಗಟ್ಟಿ ಮಾಡಬೇಕು, ಕುಟುಂಬ ಗಟ್ಟಿಯಾದರೆ ಸಮಾಜ ಗಟ್ಟಿಯಾಗುತ್ತದೆ, ನಮ್ಮ ಹಿಂದೂ ಸಮಾಜ ಗಟ್ಟಿಯಾದರೆ ಭಾರತ ಗಟ್ಟಿಯಾಗುತ್ತದೆ. ಮನೆಯ ರೀತಿ ನೀತಿ, ದಿನಚರಿ, ಪರಂಪರೆಯನ್ನು ಪಾಲಿಸಬೇಕು, ಸಮೃದ್ಧಿ ಮತ್ತು ಸಂಸ್ಕೃತಿಯು ಸಮತೋಲದಲ್ಲಿ ಇದ್ದರೆ ಮನೆ ಒಂದು ಶಕ್ತಿ ಕೇಂದ್ರವಾಗಲು ಸಾಧ್ಯ, ಹಾಗಾದರೆ ಮಾತ್ರ ಮನೆಯು ಒಂದು ನಮ್ಮದಿಯ ತಾಣವೂ, ಆಸ್ತಿಯೂ ಆಗುತ್ತದೆ.

ನಮ್ಮ ಸಂಸ್ಥೆಯು ನಮ್ಮ ಜೀವನೋಪಾಯಕ್ಕೆ ಬೇಕಾಗಿ ಒಂದು ವೃತ್ತಿಯನ್ನು ಕೊಟ್ಟಿರುವಂತಹ ಒಂದು ವ್ಯಾಪಾರಿ ಸಂಸ್ಥೆ ಎಂದು ನಾವು ಮತ್ತು ನಡೆಸಿಕೊಂಡು ಹೋಗುವವರು ಅಂದುಕೊಳ್ಳಬಾರದು, ಸಂಘದ ಪ್ರೇರಣೆಯಿಂದ ಪ್ರಾರಂಭ ಆದ ಮೇಲೆ ಲಾಭವೊಂದೇ ನಮ್ಮ ಗುರಿ ಅಲ್ಲ, ಕೌಟುಂಬಿಕ ಬಲವಾಯಿತು, ಇಲ್ಲಿ ಕೆಲಸ ಮಾಡುವ ಒಡನಾಡಿಗಳಾದಂತಹ ಪಾರಿವಾರಿಕ ಸಂಬಂಧದ ಭಾಂದವ್ಯದ ಬೆಸುಗೆಯಲ್ಲಿ ನಾವೆಲ್ಲರೂ ಒಂದಾಗಬೇಕು. ಹೀಗೆ ವಿಶಾಲ ಕುಟುಂಬದಂತೆ ನಾವು ಬದುಕಿದರೆ ಈ ಸಂಸ್ಥೆಯು ಉಳಿದವರಿಗೆಲ್ಲರಿಗೂ ಮಾದರಿಯಾಗುತ್ತದೆ, ಸಂಸ್ಥೆಯ ಆರೋಗ್ಯ ಮತ್ತು ನಮೆಲ್ಲರ ಆರೋಗ್ಯವೂ ಚೆನ್ನಾಗಿರುತ್ತದೆ. ಕೇವಲ ವ್ಯಾಪಾರ ಅಥವಾ ವೃತ್ತಿಗೋಸ್ಕರ ಇರುವಂತದ್ದು ಎಂದು ಅನ್ನಿಸಿಕೊಳ್ಳಬಾರದು ಎಂಬ ಉದ್ದೇಶದಿಂದ ಈ ಕುಟುಂಬ ಮಿಲನ್ ಕಾರ್ಯಕ್ರಮವನ್ನು ನಡೆಸಲಾಯಿತು ಎಂದು ಸು. ರಾಮಣ್ಣನವರು ಮಾರ್ಗದರ್ಶನ ನೀಡಿದರು.

ಕ್ಯಾಂಪ್ಕೋ ಅಧ್ಯಕ್ಷರಾದ ಶ್ರೀಯುತ ಎಸ್.ಆರ್ . ಸತೀಶ್ಚಂದ್ರ, ಆಡಳಿತ ನಿರ್ದೇಶಕರಾದ ಸುರೇಶ್ ಭಂಡಾರಿ, ಚಾಕಲೇಟು ಕಾರ್ಖಾನೆ ಎ.ಜಿ.ಯಂ ಆದ ಪ್ರಾನ್ಸಿಸ್ ಡಿ.ಸೋಜ ಉಪಸ್ಥಿತರಿದ್ದರು.

ಶ್ರೀಯುತ ಅನಿತ್ ಕುಮಾರ್ ವೈಯಕ್ತಿಕ ಗೀತೆ ಹಾಡಿದರು, ಶ್ರೀಯುತ ಶೇಕರ ಪೂಜಾರಿಯವರು ಧನ್ಯವಾದ ಮಾಡಿದರು, ಶ್ರೀಮತಿ ಕೃತಿಕಾ ರಮೇಶ್ ಕಾರ್ಯಕ್ರಮ ನಿರೂಪಿಸಿದರು. ಕಾರ್ಯಕ್ರಮದ ಕೊನೆಯಲ್ಲಿ ಭೋಜನ ವ್ಯವಸ್ಥೆಯನ್ನು ಮಾಡಲಾಯಿತು.