ಸುಳ್ಯ : ಸಾಂಸ್ಕೃತಿಕ ಸಂಘಟನೆಯಾದ ವಿನ್ಯಾಸ ಬಾಳಿಲದ ವತಿಯಿಂದ ಮಕ್ಕಳ ರಂಗನಾಟಕ ಶಿಬಿರ ಎ.27 ರಿಂದ ಮೇ.14ರವರೆಗೆ ನಡೆಯಲಿದೆ ಎಂದು ವಿನ್ಯಾಸ ಬಾಳಿಲ ಸಂಘಟನೆಯ ಆರ್.ಕೆ.ಭಾಸ್ಕರ್ ಬಾಳಿಲ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
1980 ರಲ್ಲಿ ಸ್ಥಾಪನೆಗೊಂಡ ವಿನ್ಯಾಸ ಬಾಳಿಲ ಸಂಘಟನೆಯು ಕಳೆದ 35 ವರ್ಷಗಳಿಂದ ಗ್ರಾಮೀಣ ಪ್ರದೇಶದಲ್ಲಿ ಮಕ್ಕಳಿಗೆ ರಂಗ ಶಿಕ್ಷಣ ಸೇರಿದಂತೆ ವಿವಿಧ ಕಲಾ ಪ್ರಕಾರಗಳಲ್ಲಿ ಶಿಕ್ಷಣ ನೀಡುತ್ತಾ ಬಂದಿದೆ. ವಿಟ್ಲದ `ಸಮಸಾಂಪ್ರತಿ’ ತಂಡದ ಸಹಕಾರದಲ್ಲಿ ಮಕ್ಕಳ ರಂಗನಾಟಕ ಶಿಬಿರವನ್ನು ಹಮ್ಮಿಕೊಳ್ಳಲಾಗುವುದು. ಶಿಬಿರದಲ್ಲಿ ಮಕ್ಕಳಿಗೆ ಆಟ, ನಾಟಕ, ಮೂಕಾಭಿನಯ, ಹಾಡು, ಕುಣಿತ, ಜಾದೂ, ಚಿತ್ರ, ಮುಖವಾಡ, ಕ್ರಾಪ್ಟ್, ಒರಿಗಾಮಿ, ಮೋಜಿನಗಣಿತ ಇತ್ಯಾದಿಗಳ ತರಬೇತಿಯನ್ನು ನೀಡಲಾಗುವುದು.
`ಸಮಸಾಂಪ್ರತಿ’ ತಂಡದ ಮೂರ್ತಿ ದೇರಾಜೆ ನೇತೃತ್ವದಲ್ಲಿ ನಡೆಯುವ ಶಿಬಿರದಲ್ಲಿ ಶಂಕರ್ ಪ್ರಸಾದ್ ಕುಂಚಿನಡ್ಕ, ಸುಬ್ಬಪ್ಪ ಕೈಕಂಬ, ಜ್ಯೂನಿಯರ್ ಶಂಕರ್ ಉಡುಪಿ, ಸುಧೀರ್ ಬಾಳೆಪುಣಿ, ಜಗನ್ನಾಥ ಅರಿಯಡ್ಕ, ಶ್ಯಾಂ ಕುಂಚಿನಡ್ಕ, ಉದಯ ವಿಟ್ಲ, ಶಾರದಾ ರಾವ್ ಮಂಚಿ, ಅರವಿಂದ ಕುಡ್ಲ, ಬಾಲಕೃಷ್ಣ ಶೆಟ್ಟಿ ಮಂಚಿ, ಉದಯ ಸಾರಂಗ್ ಅಡ್ಯನಡ್ಕ ಮತ್ತಿತರರು ಭಾಗವಹಿಸಿ ತರಬೇತಿ ನೀಡಲಿದ್ದಾರೆ.
ಎ.೨೭ ರಂದು ಬಾಳಿಲ ವಿದ್ಯಾಬೋಧಿನಿ ಪ್ರೌಢಶಾಲೆಯ ಆವರಣದಲ್ಲಿ ನಡೆಯುವ ಶಿಬಿರದ ಉದ್ಘಾಟನಾ ಸಮಾರಂಭದಲ್ಲಿ ಮಾಜಿ ವಿಧಾನ ಪರಿಷತ್ ಸದಸ್ಯ ಅಣ್ಣಾ ವಿನಯಚಂದ್ರ, ಸುಬ್ರಹ್ಮಣ್ಯದ ಎಸ್‌ಎಸ್‌ಪಿಯು ಕಾಲೇಜಿನ ಪ್ರಾಂಶುಪಾಲ ಬಿ.ವಿಠಲರಾವ್ ಮತ್ತಿತರರು ಭಾಗವಹಿಸಲಿದ್ದಾರೆ ಎಂದು ಆರ್.ಕೆ.ಭಾಸ್ಕರ್ ವಿವರಿಸಿದರು.
ಸುದ್ದಿಗೋಷ್ಠಿಯಲ್ಲಿ ವಿನ್ಯಾಸ ಬಾಳಿಲ ಸಂಘಟನೆಯ ಗಣಪಯ್ಯ ಕಾಯಾರ, ಕೆ.ವಿ.ಶರ್ಮ ಬಾಳಿಲ ಉಪಸ್ಥಿತರಿದ್ದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
