ಕಾಸರಗೋಡು : ಮುಂದಿನ ಹೊಸ ಅಧ್ಯಯನ ವರ್ಷಕ್ಕೆ ನೂತನವಾಗಿ ಪಾದಾರ್ಪಣೆ ಮಾಡುತ್ತಿರುವ ಮಕ್ಕಳನ್ನು ಸ್ವಾಗತಿಸುವ ನಿಟ್ಟಿನಲ್ಲಿ ಕೇರಳಾದ್ಯಂತ ಹಮ್ಮಿಕೊಳ್ಳುವ ಶಾಲಾ ಪ್ರವೇಶೋತ್ಸವವು ಕೂಡ್ಲು ಶಾಲೆಯಲ್ಲೂ ನಡೆಯಿತು.
ಶಾಲಾ ಪ್ರವೇಶೋತ್ಸವವನ್ನು ಮಧೂರು ಗ್ರಾಮ ಪಂಚಾಯತು ಸದಸ್ಯರಾದ ಶ್ರೀಧರ ಕೂಡ್ಲು ದೀಪಬೆಳಗಿಸುವ ಮೂಲಕ ಉದ್ಘಾಟಿಸಿದರು. ಸಮಾರಂಭದ ಅಧ್ಯಕ್ಷತೆಯನ್ನು ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷರಾದ ಗಣೇಶ್ ಪಾರಕಟ್ಟ ಅವರು ವಹಿಸಿದರು. ಕೂಡ್ಲು ಶಾಲೆಯ ವ್ಯವಸ್ಥಾಪಕರಾದ ಕೆ.ಜಿ. ಶ್ಯಾನುಭೋಗ್, ಮಾತೃಸಂಘದ ಅಧ್ಯಕ್ಷೆ ಯಶೋಧ, ಮಾಜಿ ಮುಖ್ಯೋಪಧ್ಯಾಯರಾದ ಮೋಹಿನಿ ರಾವ್ ಶುಭಹಾರೈಸಿದರು.
ಮಾತ್ರವಲ್ಲದೆ ನೂತನವಾಗಿ ಒಂದನೇ ತರಗತಿಗೆ ಸೇರಿದ ಎಲ್ಲಾ ಮಕ್ಕಳಿಗೆ ಕೂಡ್ಲು ಶಾಲೆಯ ವತಿಯಿಂದ ಉಚಿತವಾಗಿ ಶಾಲಾಬ್ಯಾಗ್ ಹಾಗು ದಕ್ಷಿಣಾಮೂರ್ತಿ ಕಾಸರಗೋಡು ಇವರ ವತಿಯಿಂದ ಕೊಡೆಯನ್ನು ವಿತರಿಸಲಾಯಿತು. ನೂತನವಾಗಿ ಸೇರಿದ ಮಕ್ಕಳಿಗೆ ಪುಗ್ಗೆ, ಸಿಹಿ ತಿಂಡಿ ಹಂಚಿ ಸಿಂಗಾರಿ ಮೇಳದೊಂದಿಗೆ ಸ್ವಾಗತಿಸಲಾಯಿತು. ಮುಖ್ಯೋಪಧ್ಯಾಯರಾದ ಶ್ರೀಹರಿ ಸ್ವಾಗತಿಸಿ, ಅಧ್ಯಾಪಕರಾದ ಎ.ವಿಷ್ಣು ವಂದಿಸಿದರು. ಅಧ್ಯಾಪಕರಾದ ಕಿರಣಪ್ರಸಾದ್ ಕೂಡ್ಲು ಕಾರ್ಯಕ್ರಮ ನಿರೂಪಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
